Healthy Heart : જાણો કઈ ચા પીવી હૃદય માટે છે ફાયદાકારક ?
હાર્ટ એક્સપર્ટના મતે 3-4 કપ ગ્રીન ટી કોઈપણ કૃત્રિમ સ્વીટનર વગર પીવી જોઈએ. તે એલડીએલ કોલેસ્ટ્રોલ અને ટ્રાઇગ્લિસરાઈડ્સને ઘટાડે છે, જે તેને હૃદય માટે સારું બનાવે છે. તેમાં શક્તિશાળી એન્ટીઓક્સીડેન્ટ પણ હોય છે.
મોટાભાગના લોકોને ચા(Tea ) પીવી ગમે છે. આ ડ્રિંકમાં રહેલ કેફીનની માત્રાને કારણે તેને સ્વાસ્થ્ય(Health ) માટે ખરાબ માનવામાં આવે છે. પરંતુ નિષ્ણાતો માને છે કે જો યોગ્ય માત્રામાં અને રીતે ચા પીવામાં આવે તો તે સ્વાસ્થ્ય માટે પણ ખૂબ ફાયદાકારક છે. દરરોજ માત્ર થોડા કપ ચા લોહીના કોલેસ્ટ્રોલના(Cholesterol ) સ્તરને ઘટાડવામાં અને કેન્સર અને હૃદય રોગને રોકવામાં મદદ કરી શકે છે. સ્વાસ્થ્ય નિષ્ણાતોના મતે, સ્વાસ્થ્ય હેતુ માટે કોઈપણ પ્રકારની ચા પસંદ કરતા પહેલા કેફીનની સંવેદનશીલતા તપાસવી જોઈએ. ચાલો જાણીએ કે કઈ પ્રકારની ચા હૃદય માટે ફાયદાકારક હોઈ શકે છે.
કાળી ચા
નિષ્ણાતોના મતે, કાળી ચામાં કોફીની સરખામણીમાં અડધી માત્રામાં કેફીન હોય છે. અભ્યાસમાં જાણવા મળ્યું છે કે જે લોકો દરરોજ 2-3 કપ કાળી ચા પીતા હોય છે તેમનામાં ટ્રાઈગ્લિસરાઈડનું સ્તર ઓછું હોય છે. તેમનું કોલેસ્ટ્રોલ લેવલ પણ સુધરે છે. જો કે, ખૂબ હાઈ બ્લડ પ્રેશર અથવા ઝડપી ધબકારા ધરાવતા લોકો માટે તે સારો વિકલ્પ નથી.
લીલી ચા
હાર્ટ એક્સપર્ટના મતે 3-4 કપ ગ્રીન ટી કોઈપણ કૃત્રિમ સ્વીટનર વગર પીવી જોઈએ. તે એલડીએલ કોલેસ્ટ્રોલ અને ટ્રાઇગ્લિસરાઈડ્સને ઘટાડે છે, જે તેને હૃદય માટે સારું બનાવે છે. તેમાં શક્તિશાળી એન્ટીઓક્સીડેન્ટ પણ હોય છે.
સફેદ ચા
નિષ્ણાતોના મતે સફેદ ચા હૃદયના સ્વાસ્થ્ય માટે સારી છે. સફેદ ચામાં રહેલા ફ્લેવોનોઈડ્સ ધમનીઓને ફેલાવવામાં મદદ કરે છે, જે હાઈ બ્લડ પ્રેશર ઘટાડે છે, કોલેસ્ટ્રોલ ઘટાડે છે અને લોહીના ગંઠાઈ જવાને પણ અટકાવે છે.
ઓલોંગ ચા
ઓલોંગ ચા પણ કેમેલીયા સિનેન્સીસ છોડના પાંદડામાંથી તૈયાર કરવામાં આવે છે. તે કોરોનરી હૃદય રોગવાળા લોકો માટે સારું માનવામાં આવે છે કારણ કે તે લોહીમાં કોલેસ્ટ્રોલનું સ્તર ઘટાડે છે. નિષ્ણાતોના મતે, તમારા રોજિંદા આહારમાં ઓલોંગ ચાનો સમાવેશ કરતા પહેલા, કાર્ડિયોલોજિસ્ટની સલાહ લો.
કેમોલી ચા
આ બીજી હર્બલ ચા છે જે હૃદયના સ્વાસ્થ્ય માટે સારી માનવામાં આવે છે. તે હૃદયના દર્દીઓને પૂરતી ઊંઘ મેળવવા અને શરીરને શાંત કરવામાં મદદ કરે છે. તેનાથી તણાવ ઓછો થાય છે.
જિનસેંગ ચા
જીન્સેંગ ચા તમારા હૃદયના સ્વાસ્થ્યને પ્રોત્સાહન આપવામાં મદદરૂપ છે. તે ધમનીઓને આરામ આપે છે. બ્લડ પ્રેશર ઘટાડવામાં મદદ કરે છે. તે કોલેસ્ટ્રોલનું સ્તર પણ સુધારે છે.
આ પણ વાંચો :
Health : જમ્યા પછી પેટમાં દુઃખાવાની કાયમી સમસ્યાથી મેળવો આ રીતે છુટકારો
Pregnancy Care: ગર્ભાવસ્થાના છેલ્લા મહિનામાં આ કામ જરૂર કરજો, બાળકની નોર્મલ ડિલિવરીમાં કરશે મદદ
(વૈધાનિક ચેતવણીઃ આ લેખ માત્ર જાણકારી માટે છે. આનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો)
જો આ આર્ટિકલ તમને પસંદ આવ્યો હોય તો લાઈક અને શેર કરો, તેમજ વધુ રસપ્રદ આર્ટિકલ વાંચવા જોડાયેલા રહો અમારી સાથે.