Health : જાણો કેમ કહેવાય છે ગાજરને શિયાળાનું સુપર ફૂડ ?

તમારે કાચા ગાજર ખાવા જોઈએ. તેમાં રહેલા ફાઈબર કબજિયાતને ઓછો કરે છે. આ સિવાય ગાજરમાં કેલ્શિયમ અને વિટામિન K હોય છે, જે બંને હાડકાંને મજબૂત બનાવે છે.

Health : જાણો કેમ કહેવાય છે ગાજરને શિયાળાનું સુપર ફૂડ ?
Carrots for winter

ગાજરને શિયાળાનું(Winter ) સુપરફૂડ કહેવામાં આવે છે. તે ખાવામાં સ્વાદિષ્ટ તો છે જ સાથે સાથે અનેક પોષક તત્વોથી પણ ભરપૂર છે. અડધા કપ ગાજરમાં(Carrots ) 25 કેલરી, 6 ગ્રામ કાર્બોહાઈડ્રેટ્સ, 2 ગ્રામ ફાઈબર, 3 ગ્રામ ખાંડ અને 0.5 ગ્રામ પ્રોટીન હોય છે. ગાજરમાં વિટામિન એ, કે, સી, પોટેશિયમ, ફાઈબર, કેલ્શિયમ અને આયર્ન જેવા તમામ જરૂરી વિટામિન્સ અને મિનરલ્સ હોય છે. ગાજરમાં એક મજબૂત એન્ટીઑકિસડન્ટ પણ જોવા મળે છે જે ખૂબ જ ફાયદાકારક છે. ચાલો જાણીએ કે ગાજર ખાવાથી શરીરને કેવા પ્રકારના ફાયદા મળે છે.

આંખો માટે ફાયદાકારક- ગાજર આંખો માટે ખૂબ જ સારું માનવામાં આવે છે. તેમાં ભરપૂર માત્રામાં બીટા કેરોટીન હોય છે, જે શરીરમાં વિટામિન Aમાં રૂપાંતરિત થાય છે. આ વિટામિન આંખોને સ્વસ્થ રાખવામાં મદદ કરે છે. આ બીટા કેરોટીન આંખોને સૂર્યપ્રકાશથી થતા નુકસાનથી બચાવે છે અને મોતિયા અને આંખની અન્ય સમસ્યાઓની શક્યતા ઘટાડે છે. પીળા ગાજરમાં લ્યુટીન હોય છે. અભ્યાસો અનુસાર, તે વય સંબંધિત આંખની સમસ્યાઓથી બચાવે છે.

કેન્સરનું જોખમ ઘટાડે છે- ગાજર કેન્સરની શક્યતા ઘટાડે છે. તેમાં રહેલા એન્ટીઓક્સીડેન્ટ્સ તમારા શરીરમાં હાનિકારક ફ્રી રેડિકલ સામે લડવામાં મદદ કરે છે. ગાજરમાં મુખ્ય બે પ્રકારના એન્ટીઓક્સીડેન્ટ હોય છે, કેરોટીનોઈડ્સ અને એન્થોકયાનિન. આ એન્ટીઑકિસડન્ટો કેન્સર સામે લડવા માટે ખૂબ જ મહત્વપૂર્ણ છે. કેરોટીનોઈડ્સને લીધે ગાજર નારંગી અને પીળા રંગના હોય છે, જ્યારે એન્થોકયાનિન તેમને લાલ અને જાંબલી રંગ આપે છે.

હૃદય માટે ફાયદાકારક- ગાજર હૃદય માટે પણ ખૂબ જ ફાયદાકારક છે. તેમાં રહેલા એન્ટીઓક્સીડેન્ટ હૃદય માટે પણ ફાયદાકારક છે. આ સિવાય ગાજરમાં રહેલું પોટેશિયમ બ્લડ પ્રેશરને નિયંત્રિત કરવામાં મદદ કરે છે. ગાજરમાં જોવા મળતા ફાઈબર વજનને કંટ્રોલમાં રાખે છે અને હૃદય સંબંધી બીમારીઓની શક્યતા ઘટાડે છે. લાલ ગાજરમાં લાઇકોપીન પણ હોય છે, જે હૃદય રોગથી બચાવે છે.

રોગપ્રતિકારક શક્તિને વધારે છે- રોગપ્રતિકારક શક્તિ વધારવામાં પણ ગાજર ખૂબ જ ફાયદાકારક છે. તેમાં હાજર વિટામિન સી શરીરમાં એન્ટિબોડીઝ બનાવવામાં મદદ કરે છે જે રોગપ્રતિકારક શક્તિને સુરક્ષિત કરે છે. વિટામિન સી તમારા શરીરને આયર્ન લેવા અને ઉપયોગમાં લેવામાં અને ચેપ અટકાવવામાં મદદ કરે છે.

કબજિયાતની સમસ્યા દૂર કરે છે- ગાજર કબજિયાતની સમસ્યાને દૂર કરવામાં ખૂબ જ ફાયદાકારક છે. જો તમારું પેટ સાફ નથી, તો તમારે કાચા ગાજર ખાવા જોઈએ. તેમાં રહેલા ફાઈબર કબજિયાતને ઓછો કરે છે. આ સિવાય ગાજરમાં કેલ્શિયમ અને વિટામિન K હોય છે, જે બંને હાડકાંને મજબૂત બનાવે છે.

ડાયાબિટીસ કંટ્રોલ કરે છે- ગાજર ડાયાબિટીસને પણ કંટ્રોલમાં રાખે છે. ડાયાબિટીસના દર્દીઓને ગાજર સહિત સ્ટાર્ચ વગરના શાકભાજી ખાવાની સલાહ આપવામાં આવે છે. ગાજરમાં હાજર ફાઈબર બ્લડ સુગર લેવલને નિયંત્રણમાં રાખવામાં મદદ કરે છે. ગાજરમાં રહેલું વિટામિન A અને બીટા કેરોટીન પણ ડાયાબિટીસ થવાની શક્યતાઓ ઘટાડે છે.

આ પણ વાંચો : Home Remedies : કમરના દુખાવાથી છુટકારો મેળવવા આ રહ્યા પાંચ ઘરેલુ ઉપાય

આ પણ વાંચો : Winter Health: શિયાળામાં જો રહેવું હોય સ્વસ્થ, તો આહારમાં સામેલ કરો આ શાકભાજી

  • Follow us on Facebook

Click on your DTH Provider to Add TV9 Gujarati