Navel Oil Therapy: વાળથી લઈને ત્વચા સુધી, નાભિની ચિકિત્સા આ સમસ્યાઓનો ઉપચાર કરી શકે છે
નાભિ એ શરીરનો તે ભાગ છે, જેના દ્વારા શરીરના તમામ અંગોને ફાયદો થઈ શકે છે. આયુર્વેદમાં આવા તમામ પ્રાકૃતિક તેલ વિશે જણાવવામાં આવ્યું છે, જેને નિયમિત રીતે નાભિમાં લગાવવાથી શરીરની તમામ સમસ્યાઓ દૂર થાય છે. આ થેરાપીને નેવલ થેરાપી કહેવાય છે.
નાભિ ચિકિત્સા દ્વારા સ્વાસ્થ્ય અને સુંદરતા સંબંધિત તમામ સમસ્યાઓ દૂર કરી શકાય છે. આયુર્વેદમાં તેનું વિગતવાર વર્ણન કરવામાં આવ્યું છે. આયુર્વેદ અનુસાર નાભિમાં અલગ-અલગ તેલની માલિશ કરવાથી વિવિધ સમસ્યાઓમાં ફાયદો થાય છે. અહીં જાણો ત્વચાથી લઈને વાળ સુધીની સમસ્યાઓ દૂર કરવા માટે કયા તેલનો ઉપયોગ કરવો જોઈએ.
જો તમે ત્વચાની તંદુરસ્તી વધારવા માગો છો અને શુષ્ક અને નિર્જીવ વાળને પણ સ્વસ્થ બનાવવા માગો છો, તો નારિયેળ તેલ ખૂબ જ ફાયદાકારક છે. તે ત્વચા અને વાળ બંને માટે સારું કામ કરે છે. દરરોજ નાભિ પર નાળિયેર તેલ લગાવવાથી વાળ ખરતા અટકે છે અને વાળની ગુણવત્તા સુધરે છે. તો ત્વચા ગ્લો કરે છે.
જો તમારી ત્વચા પર ખીલના ડાઘ છે, તો તમારે નાભિ પર લીમડાનું તેલ લગાવવું જોઈએ. તે તમારા ખીલની સમસ્યાને પણ ઘટાડે છે અને તેના ડાઘ પણ હળવા કરે છે.
દરરોજ નહાવાના એક કલાક પહેલા તમારી નાભિને બદામના તેલથી માલિશ કરો. લગભગ ત્રણ અઠવાડિયામાં તમને તમારી ત્વચામાં ફરક દેખાવા લાગશે અને તમારી ત્વચા ખૂબ જ કોમળ અને ચમકદાર બની જશે.
જો તમારા હોઠ વારંવાર ફાટતા હોય તો દરરોજ સૂતી વખતે તમારી નાભિ પર સરસવનું તેલ લગાવો. તેનાથી તમે ફાટેલા હોઠની સમસ્યાથી જલ્દી છુટકારો મેળવી શકશો.