Diabetes : જો પ્રી-ડાયાબિટીસ સ્ટેજમાં સાવચેતી રાખશો તો તમે નહીં બનો ડાયાબિટીસનો શિકાર, આ લક્ષણો પર આપો ધ્યાન
Pre diabetes symptoms: શરીરમાં ડાયાબિટીસની શરૂઆત પહેલા ઘણા લક્ષણો દેખાય છે. આ તબક્કાને પ્રી ડાયાબિટીસ સ્ટેજ કહેવામાં આવે છે. જો આ સમય દરમિયાન રોગને ઓળખીને તેની સારવાર કરવામાં આવે તો ડાયાબિટીસથી બચી શકાય છે.
ભારતમાં ડાયાબિટીસ રોગનો વ્યાપ દર વર્ષે વધી રહ્યો છે. દેશમાં આ રોગના 10 કરોડથી વધુ કેસ છે. મોટાઓથી લઈને બાળકો સુધી દરેક તેની ઝપેટમાં આવી રહ્યા છે. સમયસર લક્ષણોની ઓળખ ન થવાને કારણે, આ રોગ શોધી શકાતો નથી. જો કે ડાયાબિટીસ પહેલા તેના ઘણા લક્ષણો શરીરમાં દેખાવા લાગે છે. આને પ્રી ડાયાબિટીસ સ્ટેજ કહે છે. ડોક્ટર્સનું કહેવું છે કે જો આ સ્ટેજમાં રોગને કાબૂમાં રાખવામાં આવે તો ડાયાબિટીસનો શિકાર બનવાથી બચી શકાય છે.
આવી સ્થિતિમાં, તમારા માટે પ્રી-ડાયાબિટીસ સ્ટેજ શું છે અને તેના લક્ષણો કેવી રીતે ઓળખવા તે જાણવું ખૂબ જ મહત્વપૂર્ણ છે. આ જાણવા માટે ટીવી9 એ દિલ્હીના સિનિયર ફિઝિશિયન ડૉ. અજય કુમાર અને સફદરજંગ હોસ્પિટલના ડૉ. જુગલ કિશોર સાથે વાત કરી છે.
આ પ્રી ડાયાબિટીસના લક્ષણો છે
1. શુગર લેવલ વધારે છે
ડૉ. અજય કુમાર જણાવે છે કે પ્રી-ડાયાબિટીક સ્ટેજમાં શરીરમાં શુગર લેવલ વધી જાય છે, પરંતુ તે ડાયાબિટીસની મર્યાદા સુધી પહોંચતું નથી. આ દરમિયાન વ્યક્તિને વધુ પરસેવો થાય છે. પહેલા કરતા વધુ ભૂખ લાગે છે અને પેશાબ પણ વારંવાર આવે છે. આ બધા લક્ષણો સૂચવે છે કે શરીર ડાયાબિટીસ પહેલાના તબક્કામાં પ્રવેશી ચૂક્યું છે. આવી સ્થિતિમાં તરત જ જીવનશૈલીમાં ફેરફાર કરવાની જરૂર છે. જો ધ્યાન આપવામાં ન આવે તો ડાયાબિટીસ જલદી થઈ શકે છે.
2. BP વધવા સાથે ચક્કર આવવાની સમસ્યા
ડાયાબિટીસ પહેલાના તબક્કામાં બીપી વધે છે અને ચક્કર પણ આવે છે. વજન પણ વધવા લાગે છે. આ એક સંકેત છે કે શરીર જલદી ડાયાબિટીસનો શિકાર બની શકે છે. આવી સ્થિતિમાં બીપીને સમયસર કંટ્રોલ કરવુ અને શુગર લેવલ જાળવી રાખવું ખૂબ જ જરૂરી છે.
3. પગમાં ખાલી ચડે
પગમાં ખાલી ચડે અને ખોટા થઈ ગયો હોય તેવુ લાગે એ પણ પ્રી-ડાયાબિટીસનું લક્ષણ છે. આ કારણે શરીર સૂચવે છે કે શરીરમાં શુગર લેવલ વધવાથી જલદી ડાયાબિટીસ થઈ શકે છે. આવી સ્થિતિમાં, જો કોઈને પગ સુન્ન થવાની સમસ્યાનો સામનો કરવો પડી રહ્યો છે, તો તમારું શુગર લેવલ તપાસો, જો તે વધી ગયું હોય તો ડૉક્ટરની સલાહ લો.
આ રીતે કરો બચાવ
ડૉ.જુગલ કિશોર સમજાવે છે કે પ્રી-ડાયાબિટીસ સ્ટેજમાં કેટલીક બાબતોનું ધ્યાન રાખવાથી ડાયાબિટીસથી બચી શકાય છે. આ માટે, તમારા આહાર પર ધ્યાન આપવું અને જીવનશૈલીને ઠીક કરવી સૌથી મહત્વપૂર્ણ છે.
તમારા આહારમાં ફાઈબર અને પ્રોટીનનો સમાવેશ કરો. વધુ ચરબીયુક્ત ખોરાક ખાવાનું ટાળો. ફિટ રહેવા માટે દરરોજ કસરત કરો. આ માટે તમે હળવી કસરત કરી શકો છો અને દરરોજ 15 મિનિટ ચાલી શકો છો.
વજન નિયંત્રણમાં રાખવું જરૂરી છે
ડૉ. કિશોર કહે છે કે ઘણા લોકોમાં પ્રી-ડાયાબિટીસ સ્ટેજમાં શરીરનું વજન પણ વધવા લાગે છે. જે અન્ય ઘણી બીમારીઓનું જોખમ પણ વધારી શકે છે. આવી સ્થિતિમાં તમારે તમારા વજનને કાબુમાં રાખવું ખૂબ જરૂરી છે.
Healthના દરેક સમાચાર વાંચવા અહીં ક્લિક કરો
