Health Tips: ગર્ભાવસ્થા દરમિયાન આ 3 રસી ખાસ લો, બાળક અને માતા બંને રહેશે સુરક્ષિત

Vaccines in pregnancy: ગર્ભાવસ્થા દરમિયાન ઘણી બીમારીઓનું જોખમ રહેલું છે. જેના કારણે બાળકના સ્વાસ્થ્યને પણ નુકસાન થઈ શકે છે. સમયસર રસી અપાવીને તેમને સરળતાથી અટકાવી શકાય છે.

pregnancy

TV9 Gujarati | Edited By: Dhinal Chavda | Updated on: Jun 03, 2023 | 2:22 PM

Vaccines in pregnancy: સગર્ભાવસ્થા દરમિયાન, સ્ત્રીઓ ઘણી બીમારીઓથી પીડાય છે. આ દરમિયાન રોગપ્રતિકારક શક્તિ પણ નબળી પડી જાય છે. જેના કારણે કોઈપણ ઈન્ફેક્શન થઈ શકે છે. હાઈ બીપી અને ડાયાબિટીસ જેવી સમસ્યાઓ પણ ગર્ભાવસ્થા દરમિયાન થાય છે, પરંતુ જો સમયસર રસીકરણ કરવામાં આવે તો ઘણી બીમારીઓથી સરળતાથી બચી શકાય છે. રસી લેવાથી માતા અને બાળક બંનેનું રક્ષણ થાય છે. આનાથી જન્મ પછી બાળકમાં રોગ થવાનું જોખમ પણ ઘટી જાય છે.

ડોકટરો કહે છે કે ગર્ભાવસ્થા દરમિયાન રસી લેવી જ જોઇએ. એવી ત્રણ રસી છે જે દરેક સગર્ભા સ્ત્રીઓએ લેવી જોઈએ. ચાલો નિષ્ણાતો પાસેથી જાણીએ કે ગર્ભાવસ્થા દરમિયાન કઈ ત્રણ રસી લેવી જરૂરી છે. દિલ્હીના IVF ક્લિનિકના ડાયરેક્ટર અને ગાયનેકોલોજિસ્ટ ડૉ. ગુંજને આ વિશે વિગતવાર જણાવ્યું છે.

આ પણ વાંચો :Health Problems After Menopause: મેનોપોઝ પછી મહિલાઓને થાય છે આ સમસ્યાઓ, ધ્યાનમાં રાખો આ બાબતો

ઈન્ફલ્યુએન્ઝા રસી

ડૉ. ગુંજન કહે છે કે પ્રેગ્નન્સી દરમિયાન સ્ત્રીને કોઈ પણ પ્રકારના વાયરલ ઈન્ફેક્શન અને તાવની શક્યતા વધુ રહે છે. આ સિવાય ફ્લૂનું પણ જોખમ રહેલું છે. આવા કોઈપણ રોગથી બચવા ઈન્ફલ્યુએન્ઝા રસી લેવી જોઈએ. આ રસી ગર્ભાવસ્થા દરમિયાન કોઈપણ સમયે લઈ શકાય છે. રસી લેવાથી જન્મેલ બાળક ઈન્ફલ્યુએન્ઝાથી પણ સુરક્ષિત રહે છે.

Tetanus રસી

ગર્ભાવસ્થા દરમિયાન Tetanus ટીટી-1 રસી આપવી જોઈએ. આ રસી શરૂઆતમાં જ ગમે ત્યારે આપી શકાય છે. પછી ચારથી પાંચ અઠવાડિયાના અંતરાલ પછી ટીટી-2 રસી લો. આ રસી ઘણા પ્રકારના ચેપ સામે રક્ષણ આપી શકે છે.