વંદે ભારત ટ્રેન પર પથ્થરમારો ! AIMIM ચીફ અસદુદ્દીન ઓવૈસી કરી રહ્યાં હતા વંદે ભારતમાં મુસાફરી
વંદે ભારત ટ્રેનના જે કોચમાં ઓવૈસી સવાર હતા તે જ કોચમાં પથ્થર વાગ્યો હતો. વારિસ પઠાણે પોતાના ટ્વીટમાં ઓવૈસીની આ મુલાકાત સાથે જોડાયેલી ઘણી તસવીરો પણ શેર કરી છે. આ તસવીરોમાં ટ્રેનની વિન્ડશિલ્ડ તૂટેલી જોવા મળી રહી છે.
ઓલ ઈન્ડિયા મજલિસ-એ-ઈત્તેહાદુલ મુસલમીન (AIMIM)ના વડા અસદુદ્દીન ઓવૈસી સોમવારે ગુજરાત પહોંચ્યા હતા. આ દરમિયાન વંદે ભારત એક્સપ્રેસમાં મુસાફરી દરમિયાન પથ્થર ફેંકવાનો મામલો સામે આવ્યો છે. AIMIM નેતા વારિસ પઠાણે દાવો કર્યો છે કે ગુજરાતમાં વંદે ભારત એક્સપ્રેસ પર પથ્થરમારો કરવામાં આવ્યો હતો. અસદુદ્દીન ઓવૈસી પણ આ જ ટ્રેનમાં મુસાફરી કરી રહ્યા હતા. તેમણે એવો દાવો કર્યો છે કે આ હુમલો ઓવૈસીને નિશાન બનાવીને કરવામાં આવ્યો હતો.
વારિસ પઠાણે આ મામલે ટ્વીટ કર્યું હતું કે “આજે સાંજે જ્યારે અમે અસદુદ્દીન ઓવૈસી સાહેબ, સાબીર કાબલીવાલા સાહેબ અને AIMIMની ટીમ અમદાવાદથી સુરત જતી વંદે ભારત ટ્રેનમાં મુસાફરી કરી રહ્યા હતા ત્યારે કેટલાક અજાણ્યા લોકોએ ટ્રેન પર પથ્થરમારો કર્યો અને કાચ તોડી નાખ્યા.” કહેવામાં આવી રહ્યું છે કે જે ટ્રેનમાં ઓવૈસી સવાર હતા તે જ કોચમાં પથ્થર વાગ્યો હતો. વારિસ પઠાણે પોતાના ટ્વીટમાં ઓવૈસીની આ મુલાકાત સાથે જોડાયેલી ઘણી તસવીરો પણ શેર કરી છે. આ તસવીરોમાં ટ્રેનની વિન્ડશિલ્ડ તૂટેલી જોવા મળી રહી છે.
आज शाम जब हम @asadowaisi साहब,SabirKabliwala साहब और @aimim_national की टीम अहमदाबाद से सूरत के लिए ‘Vande Bharat Express’ train में सफर कर रहे थे तब कुछ अज्ञात लोगों ने ट्रेन पर ज़ोर से पत्थर मारकर शीशा तोड़ दिया!#GujaratElections2022 pic.twitter.com/ZwNO2CYrUi
— Waris Pathan (@warispathan) November 7, 2022
કોંગ્રેસને પડકાર ફેંક્યો
આ પહેલા ઓવૈસીના પક્ષને ભાજપની બી ટીમ કહેવા બદલ કોંગ્રેસ પર પ્રહાર કરતા ઓવૈસીએ કહ્યું હતું કે જે લોકો અમને ભાજપની બી ટીમ કહે છે તેમને હું ખુલ્લો પડકાર ફેંકું છું કે તેઓ ટીવી9 પર આવીને મારી સાથે ચર્ચામાં સામેલ થાય. તેઓ મારી સામે 6 મિનિટ પણ ટકી નહી શકે.
ઓવૈસીએ કહ્યું, દિગ્વિજય સિંહ મારા કોઈ કાકા નથી થતા, અમે એમના જેવા કાકા નહી, એમના જેવાને મામુ બનાવીએ છીએ. તેમણે એમ પણ કહ્યું, હું અલ્લાહને પ્રાર્થના કરું છું કે જો આવા લોકો રાહુલ ગાંધીની આસપાસ જ રહે તો વિપક્ષને કંઈ કરવાની જરૂર નહીં રહે.
તેમણે કહ્યું કે પ્રામાણિકપણે આ લોકો નથી વિચારતા કે કોંગ્રેસ કેમ સતત હારી રહી છે. કોંગ્રેસ નેતૃત્વ એટલે કે રાહુલ પાસે તાકાત નથી, એટલે જ મોદી બે વખત ચૂંટણી જીત્યા. કારણ કે, જો રાહુલ ગાંધી આવા લોકોથી ઘેરાતા રહેશે તો માનો, કોંગ્રેસની એ જ હાલત રહેશે, જે આજે છે.
