સુરત: યુવતીના ફોટાનો ઉપયોગ કરીને સોશિયલ મીડિયા પર ફોલોઅર્સ વધારવાનું ચક્કર યુવાનને પડ્યું ભારે
સોશિયલ મીડિયાનું ઘેલું લોકોને કેટલું છે તેનું એક ઉદાહરણ સુરતના કિસ્સા પરથી સમજી શકાય છે. પોતાના ફોલોઅર્સ વધારવા માટેનું ચક્કર એક યુવાનને ભારે પડી ગયું હતું. જ્યારે આ યુવકે ફોલોઅર્સ વધારવા માટે એક મહિલાના ફોટાનો ઉપયોગ કરીને ઈન્સ્ટાગ્રામ પર ફેક આઇડી બનાવી અને તે મહિલાના નામ અને ફોટાનો અશ્લીલ રીતે ઉપયોગ શરૂ કર્યો. પોતાના ફોલોઅર્સ […]
સોશિયલ મીડિયાનું ઘેલું લોકોને કેટલું છે તેનું એક ઉદાહરણ સુરતના કિસ્સા પરથી સમજી શકાય છે. પોતાના ફોલોઅર્સ વધારવા માટેનું ચક્કર એક યુવાનને ભારે પડી ગયું હતું. જ્યારે આ યુવકે ફોલોઅર્સ વધારવા માટે એક મહિલાના ફોટાનો ઉપયોગ કરીને ઈન્સ્ટાગ્રામ પર ફેક આઇડી બનાવી અને તે મહિલાના નામ અને ફોટાનો અશ્લીલ રીતે ઉપયોગ શરૂ કર્યો. પોતાના ફોલોઅર્સ વધે એ માટે વરાછાના રત્નકલાકારે અજબ હરકત કરી હતી. ફેસબુક પરથી ડીંડોલીની 29 વર્ષીય પરિણીતાનો ફોટો ડાઉનલોડ કરીને તેના નામે ફેક આઈડી બનાવી તેને અશ્લીલ ચિતરી હતી. આ એકાઉન્ટ પર તેના ફોલોઅર્સ વધી જાય તો તેને પોતાના નામે ચડાવી દેવાનો ઈરાદો રાખતો હતો. સાઈબર ક્રાઈમ મથકે નોંધાયેલી ફરિયાદ પ્રમાણે માર્ચ મહિનામાં તેની બહેને તેને ફોન કર્યો હતો.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
આ પરિણીતાના નામથી ઈન્સ્ટાગ્રામ પર ફેક આઇડી બનાવી તેને અશ્લીલ ચીતરીને કોમેન્ટ પણ કરવામાં આવી હતી. આ પરિણીતાએ ચેક કરતા તેના ફોટા જોયા હતા. જે ફોટા તેણે ફેસબુક પર મુક્યા હતા. જેને કોઈએ અપલોડ કરી દીધા હતા. પોતાની બદનામી કરવા કોઈએ આ કૃત્ય કર્યું હોય તેણે સાઈબર ક્રાઈમમાં ફરિયાદ નોંધાવી હતી. પોલીસે આ એકાઉન્ટની ટેક્નિકલ તપાસ કરી વરાછા ધર્મનગરમાં રહેતા 22 વર્ષીય રત્નકલાકાર ધ્રુવેશ ઉર્ફે કાનો સભાયાની ધરપકડ કરી હતી. જે પોતાના ફોલોઅર્સ વધારવા માંગતો હતો અને ફોલોઅર્સ વધ્યા બાદ આ એકાઉન્ટ પોતાના નામે કરી દેવા માંગતો હતો.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો