Rajkot Breaking News : રાજકોટમાં ગુરુ-શિષ્ય સંબંધોને કલંકિત કરતી ઘટના, પાંચ સગીર બાળકીઓ પર શિક્ષકે આચર્યું દુષ્કર્મ, જુઓ Video

રાજકોટ જિલ્લાના ઉપલેટા તાલુકામાં ગુરુ-શિષ્યના પવિત્ર સંબંધોને કલંકિત કરતી એક અત્યંત ચકચારી ઘટના સામે આવી છે. પ્રાપ્ત માહિતી અનુસાર, ઉપલેટાના ગ્રામ્ય વિસ્તારમાં એક નરાધમ શિક્ષકે સગીર વયની પાંચ વિદ્યાર્થીનીઓ પર દુષ્કર્મ આચર્યું છે. આ ઘટનાથી સમગ્ર પંથકમાં ભારે રોષ અને ચિંતા વ્યાપી ગયા છે.

આ ઘટનામાં ભોગ બનનાર બાળકીઓની ઉંમર છ થી સાત વર્ષની વચ્ચે હોવાનું જાણવા મળ્યું છે. નરાધમ શિક્ષક દેવાનંદ બેરાએ પોતાની હવસનો શિકાર આ માસૂમ બાળકીઓને બનાવી હતી.

આ કરતૂત સામે આવતા જ પોલીસે તાત્કાલિક કાર્યવાહી હાથ ધરી હતી. પાટણવાવ પોલીસ સ્ટેશન દ્વારા માનવીય અને ટેકનિકલ સ્રોતોનો ઉપયોગ કરીને આરોપી શિક્ષક દેવાનંદ ગોવાભાઈ બેરા, જે પાટણવાવનો રહેવાસી છે, તેને ઝડપી પાડવામાં આવ્યો છે.

પોલીસે આ ગંભીર ગુનાની નોંધ લઈ આરોપી શિક્ષક વિરુદ્ધ પોક્સો (POCSO) સહિતની ગંભીર કલમો હેઠળ ગુનો નોંધી કાયદેસર કાર્યવાહી શરૂ કરી છે.

આ ઘટનાએ વાલીઓ અને સમાજમાં શિક્ષણના પવિત્ર વ્યવસાય પર કાળા ડાઘ સમાન સ્થિતિ સર્જી છે. પોલીસ આ મામલે વધુ તપાસ કરી રહી છે અને ન્યાય અપાવવા માટે પ્રતિબદ્ધ છે.