Rain Breaking: હવામાન વિભાગની આગાહી અનુસાર અમદાવાદમાં બીજા દિવસે વરસાદની બેટિંગ શરૂ

Monsoon 2023: હવામાન વિભાગ દ્વારા 3 દિવસ વરસાદની આગાહી (Rain forecast) કરવામાં આવી છે. જે અનુસાર અમદાવાદ શહેરમાં સાંજના સમયે વરસાદની શરૂઆત થઈ છે. ગત રોજ જે પ્રમાણે વરસાદ ખાબકયો હતો. તે જ પ્રકારે વરસાદની બેટિંગ બીજા દિવસે પણ શરૂ થઈ છે.

અમદાવાદના જોધપુર સહિત અનેક વિસ્તારોમાં વરસાદની શરૂઆત થઈ છે. મહત્વનુ છે કે અમદાવાદમાં સવારથી જ વાદળછાયું  વાતાવરણ હતું.

હવામાન વિભાગ દ્વારા આગામી પાંચ દિવસને લઇ આગાહી કરાઇ છે. જેમાં પણ આગામી 24 કલાક વરસાદનું જોર યથાવત રહેશે તેવું હવામાન વિભાગ દ્વારા જણાવવામાં આવ્યું છે. બે દિવસ બાદ વરસાદનું જોર ઘટશે. મહત્વનુક હે કે આજે પણ રાજ્યમાં રેડ અને ઓરેન્જ એલર્ટ આપવામાં આવ્યું છે.

ખાસ કરીને રાજકોટ, દ્વારકા, ભાવનગર, વલસાડ, દમણ અને, દાદરા નગર હવેલીમાં રેડ અલર્ટ જાહેર કરાયુ છે. આજે અને આવતીકાલે ભારેથી અતિ ભારે વરસાદ રહેશે તેવું હવામાન વિભાગ દ્વારા જણાવવામાં આવ્યું છે. સૌરાષ્ટ્રમાં ભારેથી અતિભારે વરસાદની આગાહી છે પરતું અમદાવાદમાં પણ વરસાદની શરૂઆત થઈ છે.

અમદાવાદમાં પણ ભારે વરસાદ રહેશે. ખાસ કરીને આગામી ત્રણ દિવસ માછીમારોને દરિયો ન ખેડવા સૂચના અપાઈ છે. આવતી કાલે મહેસાણા, બનાસકાંઠા, સાબરકાંઠા, દ્વારકા અને પોરબંદરમાં ઓરેન્જ એલર્ટ છે. જ્યારે અમદાવાદ, ગાંધીનગર, એવલ્લી, નવસારી વલસાડ અને જૂનાગઢ ગીર સોમનાથ માં યલ્લો એલર્ટ છે.

આ પણ વાંચો : આગામી ત્રણ દિવસ રાજ્યમાં ભારેથી અતિ ભારે વરસાદની આગાહી, દક્ષિણ ગુજરાત માટે આગામી 24 કલાક અતિભારે

ગત રોજ અમદાવાદમાં આ પ્રકારે સાંજથી વરસાદની શરૂઆત થઈ હતી. જેમાં વરસાદી સ્થિતિ વચ્ચે ફાયર બ્રિગેડને 20 જેટલા ઈમરજન્સી કોલ મળ્યા હતા. શહેરમાં ભારે વરસાદ વચ્ચે NSG જવાન તેમની પત્ની અને 4 મહિનાની બાળકી સાથે ફસાયા હતા, વાળીનાથ ચોક પાસે રાજવી ઓપલ સ્કીમમાં ફસાયો આ જવાન પરિવાર ફસાયો હતો અને સ્ટેટ કંટ્રોલ રૂમમાંથી અમદાવાદ ફાયર બ્રિગેડની મદદ માગવામાં આવી હતી.

ગતરોજ વરસાદની વચ્ચે સાઉથ બોપલમાં ટ્રાન્સફરમાં આગ લાગવાનો બનાવ બન્યો હતો. શાહીબાગમાં રાજસ્થાન હોસ્પિટલ પાસે ઝાડ પડવાનો બનાવ બન્યો. નરોડા રેલવે સ્ટેશન પાસે વીજપોલ પડવાનો બનાવ બન્ચો. ખાસ કરીને ભારે વરસાદને કારણે બોપલમાં ગાડી ફસાયાનો કોલ મળ્યો હતો. જ્યારે નરોડા પાટિયા પાસે લાકડાના ગોડાઉનમાં આગ લાગી હતી. જુના વાડજ પાસે કેટલાક લોકો ફસાયાનો કોલ મળ્યો હતો.