Panchmahal : ગોધરામાં પોલીસની ચાઇનીઝ દોરીને લઇને કાર્યવાહી, 247 ફિરકી જપ્ત કરી

ગોધરા શહેરના મોદીની વાડી 2 વિસ્તારમાંથી એલસીબીએ 247 ફિરકી ચાઈનીઝ દોરીનો 47 હજારની કિંમતનો જથ્થો ઝડપી પાડ્યો છે. રહેણાંક મકાનમાં દોરાનો જથ્થો રાખી વેચાણ કરવામાં આવતો હોવાની જાણકારી આધારે પોલીસે છાપો મારી હાલ બે આરોપીની ધરપકડ કરીને કાર્યવાહી હાથ ધરી છે સાથે જ અન્ય વધુ એક આરોપીની ધરપકડના ચક્રો ગતિમાન કર્યા છે.

ઉતરાયણ પર્વ પૂર્વે ચાઈનીઝ દોરાના ઉપયોગથી કેટલાય નિર્દોષ વ્યક્તિઓ અને નિર્દોષ પંખીઓના ભોગ લેવાઇ રહ્યા હોવાની ઘટનાઓ હાલ રાજ્યભરમાંથી સામે આવી રહી છે ત્યારે પોલીસ તંત્ર પણ ચાઈનીઝ દોરા ના વેચાણ સામે લાલ આંખ કરી છે અને ચાઇનીઝ દોરા વેચાણ અંગેની ઠેર ઠેર તપાસ કરવામાં આવી રહી છે. પોલીસની બાઝ નજર હોવા છતાં ચાઈનીઝ દોરા નો જથ્થો યેનકેન પ્રકારે વેચવા માટે કેટલાક વેપારીઓ સક્રિય હોવાનું જે રીતે ચાઈનીઝ દોરા નો જથ્થો મળી આવે છે જેના થકી જોવા મળી રહ્યું છે.

ગોધરા શહેરમાં પોલીસ દ્વારા છેલ્લા કેટલાક દિવસથી ચાઈનીઝ દોરા ને વેચાણ અંગેની ડ્રાઇવ હાથ ધરવામાં આવી છે. પરંતુ વેપારીઓ દ્વારા ચાઈનીઝ દોરા નું વેચાણ ખૂબ જ સાવચેતી પૂર્વક ખાનગી જગ્યાઓ ઉપર તેમજ માત્રને માત્ર બાળકોને જ વેચવામાં આવતો હોવાનું સામે રહ્યું છે.

Web Stories View more

Jio લાવ્યું 31 દિવસનો સસ્તો પ્લાન ! રોજ મળશે 1.5GB ડેટા, કિંમત માત્ર આટલી

Money Plant Vastu Tips : મની પ્લાન્ટ પાસે ભૂલથી પણ આ વસ્તુ ન રાખો, નહીતર આવશે ગરીબી !

Iskcon Temple : ઇસ્કોન મંદિરનો રંગ હંમેશા સફેદ કેમ હોય છે?

Mahakumbh 2025: મહિલા નાગા સંન્યાસીની ક્યાં રહે છે અને શું ખાય છે? જાણો તેમની રહસ્યમય દુનિયા વિશે

'પ્રીતિ ઝિન્ટાના કારણે મારું ઘર તૂટ્યુ !' તેને નહીં માફ કરુ, કોણ છે આ મહિલા જેણે આવું કહ્યું

ભારતની એ જેલ, જ્યાં કેદીઓ સામેથી માંગે છે મોત!, ત્યાં જાય છે તે ક્યારેય પાછા નથી આવતા

ચાઈનીઝ દોરીનો જથ્થો રાખી ખાનગીમાં વિતરણ કરવામાં આવી રહ્યો છે

આ દરમિયાન ગત મોડી રાત્રે ગોધરા એલસીબી પીઆઇને બાતમી મળી હતી કે ગોધરા શહેરના મોદીની વાડી -2 વિસ્તારમાં એક રહેણાંક મકાન મોટા પ્રમાણમાં ચાઈનીઝ દોરીનો જથ્થો રાખી ખાનગીમાં વિતરણ કરવામાં આવી રહ્યો છે. બાતમી આધારે એલસીબી ટીમે છાપો માર્યો હતો અને તપાસ દરમિયાન રહેણાંક મકાનમાંથી 247 ફિરકા ચાઈનીઝ દોરા નો જથ્થો મળી આવ્યો હતો.

જેથી પોલીસે બે આરોપીઓ માધવ પટેલ અને હર્ષિલ પટેલ ધરપકડ કરી ચાઈનીઝ દોરા નો જથ્થો કબ્જે લીધો હતો.જયારે આ ચાઈનીઝ દોરાનો વેપાર કરતાં એક પતંગના દુકાનદાર રવિ મનસુખ રાણા પણ સંડોવણી બહાર આવતા પોલીસે તેની સામે પણ જાહેરનામા ભંગનો ગુનો નોંધી તેની પણ ધરપકડના ચક્રો ગતિમાન કર્યા છે. હાલ પણ પોલીસ દ્વારા અનેક વિસ્તારોમાં ચાઈનીઝ દોરાના વેચાણને અટકાવવા માટે તપાસ માટેની ડ્રાઇવ જારી રાખવામાં આવી છે.