Har Kam Desh Ke Nam: ભારતીય તટરક્ષક દળને બચાવ હોડીઓ મળી આવી, મરીન પોલીસ દ્વારા તપાસ શરૂ કરાઈ
હોડીમાં કોઇપણ વ્યક્તિ ના હોવાની પુષ્ટિ થયા પછી ICGS સમ્રાટ દ્વારા આ હોડીને ટૉ કરીને લઇ જવામાં આવી
Har Kam Desh Ke Nam: એમ.વી. સુવારી એચ. જહાજની 29 જુલાઇ 2021ના રોજ દરિયામાં ડુબી ગયેલી માનવરહિત જીવનરક્ષક હોડી ભારતીય તટરક્ષક દળ જહાજ (Indian Coast Guard Ship) સમ્રાટને 05 ઑગસ્ટ 2021ના રોજ ઓખા ખાતે નિયમિત પેટ્રોલિંગ દરમિયાન મળી આવી હતી. હોડી (Boat)માં કોઇપણ વ્યક્તિ ના હોવાની પુષ્ટિ થયા પછી ICGS સમ્રાટ દ્વારા આ હોડીને ટૉ કરીને લઇ જવામાં આવી હતી.
કારણ કે, નજીકમાં ઊંડા પાણીની ચેનલમાંથી પસાર થતા વેપારી જહાજોના સલામત આવનજાવનમાં તે અવરોધરૂપ જણાતી હતી. હવામાન અને દરિયાની પડકારજનક પરિસ્થિતિ વચ્ચે પણ, ICGના જહાજે આ હોડીને ટૉ કરીને સલામત રીતે ઓખા સુધી પહોંચાડી હતી અને ત્યાં આ હોડી વધુ જરૂરી પગલાં લેવા માટે સમુદ્રી પોલીસને સોંપવામાં આવી હતી.
એ જ દુર્ભાગ્યપૂર્ણ જહાજની અન્ય એક જીવનરક્ષક હોડી પણ, 04 ઑગસ્ટ 2021ના રોજ તટરક્ષક દળ એરક્રાફ્ટને નિયમિત પેટ્રોલિંગ દરમિયાન કોઇપણ વ્યક્તિ વગર મળી આવી હતી. ત્યારબાદ, આ હોડીને પોરબંદર નજીક લાવવામાં આવી હતી અને બાદમાં સમુદ્રી પોલીસને સોંપવામાં આવી હતી. અગાઉ 29 જુલાઇ 2021ના રોજ એમ.વી. સુવારી એચ.ના 18માંથી 15 ક્રૂને વેપારી જહાજ દ્વારા ભારતીય સર્ચ અને બચાવ પ્રદેશની બહાર મધ્ય સમુદ્રમાં બચાવી લેવામાં આવ્યા હતા.
