23 ફેબ્રુઆરીના મહત્વના સમાચાર : અમદાવાદમાં સીઝનમાં પ્રથમવાર 35 ડિગ્રીથી વધુ તાપમાન નોંધાયું, અઠવાડિયા સુધી રાત્રે ઠંડી અને દિવસે ગરમી રહેશે
આજે 23 ફેબ્રુઆરીને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
બનાસકાંઠાઃ વડગામના છાનિયાણામાં પતિએ પત્નીની કરી હત્યા
બનાસકાંઠાઃ વડગામના છાનિયાણામાં પતિએ પત્નીની હત્યા કરી. ખોટા વહેમમાં પતિએ પત્નીને ગળે ટૂંપો આપી હત્યા કરી. હત્યા બાદ મૃતકના પરિવારને એટેક આવવાનું કહી ગેરમાર્ગે દોરવાનો પ્રયાસ કર્યો. પતિ રાયચંદભાઈ ઓડે પોલીસ સમક્ષ હત્યાની કબુલાત કરી. બે બાળકોએ માતા-પિતાની છત્રછાયા ગુમાવી.
-
અમદાવાદમાં સીઝનમાં પ્રથમવાર 35 ડિગ્રીથી વધુ તાપમાન નોંધાયું
અમદાવાદમાં સીઝનમાં પ્રથમવાર 35 ડિગ્રીથી વધુ તાપમાન નોંધાયું છે. અમદાવાદમાં રાત્રિનું લઘુત્તમ તાપમાન 18.2 ડિગ્રી, અઠવાડિયા સુધી રાત્રે ઠંડી અને દિવસે ગરમી રહેશે. 7 શહેરોમાં મહત્તમ તાપમાનનો પારો 35 ડિગ્રીથી વધુ છે. રાજકોટ અને અમરેલીમાં મહત્તમ તાપમાન 35.9 ડિગ્રી, અમદાવાદ અને સુરતમાં 35.4 ડિગ્રી તાપમાન નોંધાયું. વડોદરા અને ભુજમાં મહત્તમ તાપમાન 35.2 ડિગ્રી છે.
-
-
મેક્સિકોઃ ડ્રગ્સ માફિયા એલ.મેંચોના મોત બાદ સમગ્ર શહેરમાં ભડકી હિંસા
મેક્સિકોમાં વોન્ટેડ ડ્રગ્સ માફિયા એલ.મેન્ચો લશ્કરી કાર્યવાહીમાં ઠાર કરાયો છે. જોકે એલ.મેન્ચોના મોત બાદ સૌથી ભયાનક સ્થિતિનું નિર્માણ થયું છે.. દ્રશ્યો જોઇને લાગશે કે મેક્સિકોમાં યુદ્ધ જેવી સ્થિતિ સર્જાઇ છે.. જુઓ આ દ્રશ્યો.. ડ્રગ માફિયાની હત્યા બાદ, જેલિસ્કો, ગુઆનાજુઆટો, નાયરિટ, મિચોઆકન અને તામૌલિપાસમાં બસો, ટ્રક અને કારને આગને હવાલે કરી દેવામાં આવી છે.. એટલું જ નહીં એરપોર્ટ પર પણ ડ્રગ્સ માફિયાના સમર્થકોએ ભારે ઉત્પાત મચાવ્યો છે. અંધાધૂંધ ગોળીબારને પગલે એરપોર્ટ પર અફરાતફરી મચી ગઇ. તો પ્લેનને પણ આગ ચાંપી દેવામાં આવી હતી.
-
નેપાળમાં પેસેન્જર બસ નદીમાં પડી, 18 લોકોના મોત
નેપાળના ધાડિંગમાં એક પેસેન્જર બસ નદીમાં પડી જતાં 18 લોકોના મોત થયા. હાલમાં બચાવ કામગીરી ચાલી રહી છે.
-
અમરેલી : દારૂના દૂષણથી ત્રસ્ત થયેલા ગ્રામજનોએ કર્યો હલ્લાબોલ
અમરેલીના સાવરકુંડલા તાલુકાના દેતડ ગામે દારૂના દૂષણથી ત્રસ્ત થયેલા ગ્રામજનોએ હલ્લાબોલ કર્યો. દેતડ ગામે દારૂના બેફામ વેચાણને કારણે ગ્રામજનોમાં ભારે રોષ ફેલાયો અને તેમણે મોટી સંખ્યામાં એકત્ર થઇ સાવરકુંડલા રૂરલ પોલીસ સ્ટેશનનો ઘેરાવ કર્યો. ગામના સરપંચ સહિતના આગેવાનો તેમજ મોટી સંખ્યામાં લોકોએ દારૂ બંધ કરાવી બુટલેગરો સામે કડક કાર્યવાહી કરવા ઉગ્ર રજૂઆત કરી. ગ્રામજનોએ કહ્યું કે બુટલેગરોના ત્રાસને કારણે ગામમાં બહેનો-દીકરીઓએ ઘરની બહાર નીકળવું પણ મુશ્કેલ બન્યું છે. ગ્રામજનોએ 24 કલાકમાં દેતડ ગામમાં દારૂનું વેચાણ બંધ કરાવવા અલ્ટીમેટમ આપ્યું. પોલીસે કડક કાર્યવાહીની ખાતરી આપતા હાલ પૂરતો મામલો થાળે પડ્યો છે.
-
-
જૂનાગઢ : કીર્તિ પટેલના એક દિવસના રિમાન્ડ મંજૂર
જૂનાગઢમાં 20 લાખ રૂપિયાની ખંડણી માંગવાના કેસમાં ધરપકડ કરાયેલી કીર્તિ પટેલને અદાલતે એક દિવસના પોલીસ રિમાન્ડ પર મોકલ્યા છે. પોલીસે કોર્ટ સમક્ષ પાંચ દિવસના રિમાન્ડની માંગ કરી હતી, પરંતુ અદાલતે એક દિવસનો જ રિમાન્ડ મંજૂર કર્યો છે. આ કેસમાં કીર્તિ પટેલ ક્યાં છુપાઈ હતી અને તેને કોણે આશરો આપ્યો હતો તે મુદ્દે પોલીસ દ્વારા સઘન તપાસ હાથ ધરવામાં આવી છે. સાથે જ કીર્તિ સાથે સંકળાયેલા અન્ય આરોપીઓ હાલ ક્યાં છુપાયા છે તેની દિશામાં પણ તપાસ આગળ વધી રહી છે. આ મામલે જૂનાગઢ તાલુકા પોલીસ સ્ટેશનમાં ખંડણી અંગે ગુનો નોંધાયો છે. પોલીસે 20 લાખ રૂપિયાની ખંડણી માંગવાના આરોપસર કીર્તિ પટેલની ધરપકડ કરી છે.પોલીસ સૂત્રોના જણાવ્યા મુજબ કીર્તિ પટેલ સામે જૂનાગઢમાં કુલ ત્રણ ગુના નોંધાયેલા છે. અન્ય બે ગુનાઓમાં પણ પોલીસ દ્વારા કાયદેસરની કાર્યવાહી હાથ ધરાશે.
-
આજે રાજકોટના ઇતિહાસનું સૌથી મોટું ડિમોલિશન
આજે રાજકોટના ઇતિહાસનું સૌથી મોટું ડિમોલિશન હાથ ધરાશે. જંગલેશ્વર વિસ્તારમાં મેગા ડિમોલિશન હાથ ધરાશે. જંગલેશ્વરના કુલ 1498 મકાનો પરતંત્રનું બુલડોઝર ફરશે. કુલ 1498 પૈકી 700થી વધુ અસરગ્રસ્તોએ મકાન ખાલી કર્યા. દબાણ હટાવ કામગીરી પહેલા તમામ ઘરના વીજ કનેક્શન કાપી નંખાયા. PGVCL, RMC અને પોલીસની ટીમ તૈનાત છે.
-
આજે 23 ફેબ્રુઆરીને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Feb 23,2026 7:28 AM
