Viral video: ઓખાથી બેટદ્વારકા જતા પ્રવાસીઓને જોવા મળ્યો ” નટખટ’Dolphine નો અદભુત નજારો
ગુજરાતના દરિયામાં છેલ્લા થોડા સમયથી ડોલ્ફિન (Dolphine)જોવા મળી રહી છે ખાસ કરીને ઓખાથી બેટ દ્વારકા જતા ક્યારેક એકસાથે 3 કે 4 ડોલ્ફિન કે તેથી વધુ ડોલ્ફિન જોવા મળતી હોય છે.
તાજેતરમાં જ યાત્રાધામ દ્વારિકાના દરિયામાં ડોલ્ફિન (Dolphine) જોવા મળી હતી. જે જોઈને પ્રવાસીઓમાં આનંદ વ્યાપી ગયો હતો. ઓખાથી બોટમાં બેસીને બેટ દ્વારકા(Dwarka) જઈ રહેલા પ્રવાસીઓને અચાનક જ દરિયામાં કૂદકા મારતી ડોલ્ફિનનો અદ્ભૂત નજારો જોવા મળ્યો હતો. ડોલ્ફિન દરિયાના પાણીમાં વારંવાર કૂદકા મારી રહી હતી. આ નજારો જોઈને પ્રવાસીઓ આનંદમાં આવી ગયા હતા અને આ નયનરમ્ય ઘટનાને વીડિયોમાં રેકોર્ડ લાગ્યા હતા.
ડોલ્ફિન છે Human friendly અને શાંત સ્વભાવની માછલી
ડોલ્ફિન એ માનવપ્રિય અને શાંત માછલી ગણાય છે. ડોલ્ફિનને મનુષ્યો સાથે રહેવું ગમે છે. માટે જ વિદેશમાં આ માછલીને તાલીમ આપીને તેના વિવિધ કરતબ બતાવતા શો બતાવવામાં આવે છે, જોકે ગુજરાતીઓને હવે ઘર આંગણે જ ડોલ્ફિન જોવા મળી રહેશે અને સારી બાબત એ છે કે છેલ્લા કેટલાક સમયથી ગુજરાતના ખાસ કરીને દ્વારિકાની દરિયાની સીમામાં ડોલ્ફિન જોવા મળે છે. અત્યારે વેકેશનની સિઝન ચાલી રહી છે ત્યારે દરિયાકાંઠ ફરવા જતા પ્રવાસીઓને અવનવા કરતબો કરીત ડોલ્ફિન જોઇને મજા પડી ગઈ હતી.
થોડા સમય પહેલા દીવના ઘોઘલા બીચના દરિયા કાંઠે ડોલ્ફિન જોવા મળી હતી તો ફેબ્રુઆરી મહિનામાં પોરબંદરના દરિયામાં રેસ લગાવતી ડોલ્ફિનનો માછીમારોએ મધદરિયે ઉતારેલો વીડિયો પણ વાઇરલ થયો હતો. સામાન્ય રીતે દેશમાં તામિલનાડુ. ચેન્નઇ કે અન્ય દરિયાકાંઠે જોવા મળતી આ માછલી હવે ગુજરાતમાં જોવા મળી રહી છે તેનો અર્થ એ છે કે ગુજરાતનું વાતાવરણ ડોલ્ફિન માછલીને અનૂકૂળ આવી રહ્યું છે.