Breaking News: ગુજરાતમાં 3 IAS અધિકારીની બદલી, સુરત મનપા કમિશનર શાલિની અગ્રવાલને સોંપાઈ નવી જવાબદારી- વાંચો
ગુજરાત સરકારે તાજેતરમાં 2 IAS અધિકારીઓની બદલી કરી છે. સુરત મનપા કમિશનર શાલિની અગ્રવાલને GUVNLના MD બનાવાયા છે, જ્યારે એમ. નાગરાજનને સુરતના નવા મનપા કમિશનર તરીકે નિયુક્ત કરાયા છે. આ ઉપરાંત, રાજેન્દ્ર કુમારને GSRTCના MDનો વધારાનો ચાર્જ સોંપવામાં આવ્યો છે
ગુજરાત સરકારે એક મોટા વહીવટી ફેરબદલમાં ત્રણ વરિષ્ઠ IAS અધિકારીઓની બદલી કરી છે. શાલિની અગ્રવાલ, જે અગાઉ સુરત મ્યુનિસિપલ કોર્પોરેશનના કમિશનર તરીકે ફરજ બજાવતા હતા, તેમને ગાંધીનગરમાં બદલી કરવામાં આવી છે. તેમને ગુજરાત ઊર્જા વિકાસ નિગમ લિમિટેડ, વડોદરા સાથે ઉર્જા અને પેટ્રોકેમિકલ્સ વિભાગના MD તરીકે નિયુક્ત કરવામાં આવ્યા છે. આ જવાબદારીઓ અગાઉ IAS અધિકારી જેનુ દેવન પાસે વધારાના ચાર્જ તરીકે હતી. શાલિની અગ્રવાલ અગાઉ વડોદરા મ્યુનિસિપલ કોર્પોરેશનના કમિશનર અને જિલ્લાના કલેક્ટર તરીકે સેવા આપી ચૂક્યા છે. 2005 બેચના IAS અધિકારી શાલિની અગ્રવાલે બિહાર યુનિવર્સિટીમાંથી એન્જિનિયરિંગનો અભ્યાસ કર્યો છે.
એમ નાગરાજન સુરત કમિશનર બન્યા
મુખ્યમંત્રી ભૂપેન્દ્ર પટેલના નેતૃત્વ હેઠળ રાજ્ય સરકારે 2009 બેચના IAS અધિકારી M નાગરાજન ને અમદાવાદથી સુરતમાં ગુજરાત રાજ્ય માર્ગ પરિવહન નિગમ (GSRTC) ના વાઇસ ચેરમેન અને મેનેજિંગ ડિરેક્ટર તરીકે બદલી કરી છે. તેઓ હવે સુરતના નવા મ્યુનિસિપલ કમિશનર હશે. નાગરાજન શહેરી વિકાસ અને શહેરી ગૃહ નિર્માણ વિભાગનો પણ હવાલો સંભાળતા હતા. હવે ફક્ત તેઓ સુરત મહાનગરપાલિકાના કમિશનરનો હવાલો સંભાળશે.
રાજેન્દ્ર કુમારને વધારાની જવાબદારી સોંપાઈ
સરકારે 2004 બેચના IAS અધિકારી, ટ્રાન્સપોર્ટ કમિશનર, ગાંધીનગર ડૉ. રાજેન્દ્ર કુમારને ગુજરાત રાજ્ય માર્ગ પરિવહન નિગમ (GSRTC), અમદાવાદના વાઇસ ચેરમેન અને મેનેજિંગ ડિરેક્ટર તરીકે નિયુક્ત કર્યા છે. 19 જાન્યુઆરીના રોજના એક આદેશમાં, ગુજરાત સરકારે GAS અધિકારી બી.એન. પટેલને ગુજરાત ગેસ લિમિટેડ, ગાંધીનગરના એક્ઝિક્યુટિવ ડિરેક્ટર તરીકે નિયુક્ત કર્યા છે. આગામી દિવસોમાં ગુજરાતમાં વધુ બદલીઓ થવાની ધારણા છે, જેના કારણે ઘણા IAS અધિકારીઓના કાર્યભારમાં ફેરફાર થવાની સંભાવના છે. ગુજરાત સરકારે ડિસેમ્બરમાં CMOમાં નવા IAS અધિકારીની પણ નિમણૂક કરી હતી.
Input Credit Baldev Suthar, Kinjal Mishra
દાવોસમાં ગર્લફ્રેન્ડ કેટી પેરી અને કેનેડાના પૂર્વ પીએમ જસ્ટિન ટ્રુડોના આંખોના ઈશારા થયા વાયરલ- જુઓ Video
આ સમાચાર હમણા જ બ્રેકિંગ સ્વરૂપે આવ્યા છે. આ સમાચારને અમે વધુ અપડેટ કરી રહ્યાં છીએ. વધુ વિગતો માટે અહીં ક્લિક કરો tv9gujarati.com..
