Breaking News: ખેડાના ગોબલજ પાસે પ્લાસ્ટિકની ફેક્ટરીમાં ભીષણ આગ, ફાયર ફાઈટરની 8 ટીમ ઘટનાસ્થળે
ખેડાના ગોબલજ પાસે પ્લાસ્ટિકની ફેક્ટરીમાં ભીષણ આગ લાગી છે. ફાયર ફાઈટરની 8 ટીમ આગ ઓલવવા પ્રયત્નો કરી રહી છે. નડિયાદ, ખેડા, માતર, બારેજા, અસલાલીની ફાયર ફાઈટરની ટીમો ઘટનાસ્થળે હાજર છે. આ ઉપરાંંત ધોળકા અને અમદાવાદની ફાયર બ્રિગેડની ટીમ પણ ઘટનાસ્થળે પહોંચી છે.
ખેડાના (Kheda) ગોબલજ પાસે પ્લાસ્ટિકની ફેક્ટરીમાં ભીષણ આગ લાગી છે. ફાયર ફાઈટરની 8 ટીમ આગ ઓલવવા પ્રયત્નો કરી રહી છે. નડિયાદ, ખેડા, માતર, બારેજા, અસલાલીની ફાયર ફાઈટરની ટીમો ઘટનાસ્થળે હાજર છે.
આ ઉપરાંંત ધોળકા અને અમદાવાદની ફાયર બ્રિગેડની ટીમ પણ ઘટનાસ્થળે પહોંચી છે. વિકરાળ આગનો ધુમાડો 5 કિલોમીટર દૂરથી પણ જોઈ શકાય છે. સદનસીબે દુર્ઘટનામાં કોઈ જાનહાનિ નહીં થઈ હોવાના સમાચાર મળી રહ્યા છે. આગ કાબૂમાં લેતા ચારથી પાંચ કલાકનો સમય લાગી શકે છે. શોર્ટસર્કિટથી આગ લાગ્યાનું પ્રાથમિક અનુમાન સામે આવ્યું છે.
ગાંધીનગર ગૌણ સેવા પસંદગી મંડળની ઓફિસમાં લાગી હતી આગ
આ અગાઉ ગાંધીનગર ગૌણ સેવા પસંદગી મંડળની ઓફિસમાં આગ લાગવાની ઘટના સામે આવી હતી. કર્મયોગી ભવનમાં આવેલી ઓફિસમાં આગ લાગી હતી. આગને પગલે બે ફાયર ફાઈટર્સની ટીમ ઘટનાસ્થળે પહોંચી હતી. જો કે આ આગમાં સ્ટ્રોંગ રૂમ સલામત હોવાનો દાવો કરાયો હતો. ACમાં શોર્ટ સર્કિટના કારણે આગ લાગી હોવાનું હાલ પ્રાથમિક કારણ સામે આવ્યુ હતુ. આગને કારણે ફર્નિચર અને વહીવટી દસ્તાવેજોને મોટુ નુકસાન પહોંચ્યુ હતુ.
સ્ટ્રોંગ રૂમ સલામત હોવાનો દાવો કર્યો હતો
ફાયર ફાઈટર્સ દ્વારા આગ પર કાબુ કરવાનો પ્રયાસ હાથ ધરવામાં આવ્યો હતો. ફર્નિચર બળી જવાના કારણે ધુમાડાના ગોટેગોટા ઉડ્યા હતા. આગ લાગતા જ તુરંત ફાયર બ્રિગેડ આવી જતા વધુ નુકસાન થવા પામ્યુ નથી. ગુજરાત ગૌણ સેવા પસંદગી મંડળ દ્વારા જે પરીક્ષા લેવામા આવી હોય તે પરીક્ષાની ઉત્તરવહીઓ અને પેપર્સ સ્ટ્રોંગ રૂમમાં સચવાયેલા હોય છે. જો કે ગૌણ સેવા પસંદગી મંડળના સેક્રેટરીના જણાવ્યા મુજબ સ્ટ્રોંગ રૂમ સહી સલામત હોવાનો દાવો કરવામાં આવ્યો હતો.
એસીમાં શોર્ટ સર્કિટના કારણે આગ લાગવાનુ અનુમાન લગાવ્યુ હતુ
બપોરના ત્રણ વાગ્યા આસપાસ આ આગ લાગી હતી. ઈલેક્ટ્રીક શોર્ટ સર્કિટના કારણે આગ લાગી હતી. આગની જાણ થતા જ ઓફિસમાં હાજર સ્ટાફ બહાર દોડી જતા કોઈ જાનહાની થવા પામી નથી અને આગ પર કાબુ પણ કરી લેવામાં આવ્યો હતો. સ્ટ્રોંગરૂમને પણ સલામત સ્થળે ખસેડવાની તજવીજ હાથ ધરવામાં આવી હતી. તેમ ગૌણ સેવા પસંદગી મંડળના સેક્રેટરીએ જણાવ્યુ હતુ.
ખેડા જિલ્લા સહિત ગુજરાતના તમામ જિલ્લાના સમાચાર વાંચવા માટે જોડાયેલા રહો