Ahmedabad : મહિલાનો વેશ ધારણ કરી 26 કિલો ચાંદીની લૂંટ કરનારા 2 આરોપી પોલીસ સકંજામાં, જુઓ Video
અમદાવાદના કૃષ્ણનગર વિસ્તારમાં મહિલાના વેશમાં લૂંટ કરનાર ગેંગના બે આરોપીની ક્રાઇમ બ્રાન્ચે ધરપકડ કરી છે. લાલભાઈ જવેલર્સની દુકાન બહારથી મહિલાના કપડામાં લૂંટારાઓએ 26 કિલો ચાંદીની કરી લૂંટ ચલાવી હતી.
અમદાવાદના કૃષ્ણનગર વિસ્તારમાં મહિલાના વેશમાં લૂંટ કરનાર ગેંગના બે આરોપીની ક્રાઇમ બ્રાન્ચે ધરપકડ કરી છે. લાલભાઈ જવેલર્સની દુકાન બહારથી મહિલાના કપડામાં લૂંટારાઓએ 26 કિલો ચાંદીની કરી લૂંટ ચલાવી હતી.
ક્રાઇમ બ્રાન્ચે આરોપી નીતિન છારા અને રાકેશ છારાની લૂંટ કેસમાં ધરપકડ કરી છે. આ બન્ને આરોપી રીઢા ગુનેગાર છે અને ગુનો કરી પોલીસના હાથે પકડાય નહિ માટે આરોપીએ લૂંટ કરવા મહિલાનો વેશ ધારણ કરી લૂંટના ગુનાને અંજામ આપ્યો હતો. જેમાં ક્રાઇમ બ્રાન્ચ બાતમીના આધારે બન્ને આરોપી ઝડપી લઈ 18 કિલો ચાંદીના દાગીના કબ્જે કર્યા છે.
કૃષ્ણનગરમાં લૂંટ કરનારા ઝડપાયા
ગત 9 ઓક્ટોમ્બરનાં રોજ કૃષ્ણનગરનાં સરદાર ચોકમાં આવેલા લાલભાઈ જવેલર્સની દુકાન આગળ એક્ટિવાની આગળનાં ભાગે રાખેલ ચાંદીનાં દાગીના ભરેલી બેગની લૂંટ થઈ હતી. એક્ટિવામાં રહેલા 23 લાખથી વધુની કિંમતના 26 કિલો ચાંદીના દાગીના લૂંટ કરી ફરાર થઈ ગયા હતા.
આરોપીઓએ કરી હતી 28 લાખની લૂંટ
પકડાયેલ આરોપીની પૂછપરછ અને પોલીસની પ્રાથમિક તપાસમાં સામે આવ્યું કે બે પકડાયેલા આરોપી સાથે એક વોન્ટેડ આરોપી દિવ્યાંગ રાઠોડ લૂંટ કરવા ગયો હતો. લૂંટ સમયે ફરાર આરોપી દિવ્યાંગ ટુ વ્હીલર ચલાવતો હતો. જેમની પાછળ આરોપી રાકેશ છારા બેઠો હતો. આરોપી રાકેશ છારાએ મહિલાનો વેશ ધારણ કરી ચાંદીના દાગીના ભરેલ બેંગ લૂંટી હતી. બાદમાં ત્રણેય ફરાર થઈ ગયા હતા. ચાંદીના દાગીના વેચવા માટે સોની દુકાનમાં જાય તે પહેલાં જ ક્રાઇમ બ્રાન્ચનાં હાથે ઝડપાઈ ગયા આ સાથે જ ત્રણેય આરોપી લૂંટના મુદ્દામાલ એક સરખે ભાગ કરવાનો હતો.
ત્રણેય આરોપીઓ ગુનાહિત ઇતિહાસ ધરાવે છે. જેમાં આરોપી નીતિન વિરુદ્ધ ચોરી, લૂંટનાં અમદાવાદ, સુરત, રાજકોટ, મુંબઈ અને પુનામાં ગુના નોંધાઈ ચુક્યા છે. આરોપી રાકેશ છારા વિરુદ્ધ ચોરી અને લૂંટના મહેસાણા, નડિયાદ, અમદાવાદ અને કડીમાં ગુના નોંધાયા છે. ત્યારે વોન્ટેડ ફરાર આરોપી દિવ્યાંગ રાઠોડનાં અમદાવાદમાં પાંચ જેટલા ગુના નોંધાઈ ચુક્યા છે. હાલ ક્રાઇમ બ્રાન્ચે વોન્ટેડ આરોપી પકડવા શોધખોળ હાથ ધરી છે.