તીસ્તા સેતલવાડ અને આર.બી. શ્રીકુમારના રિમાન્ડ પૂર્ણ, કોર્ટે બંનેને જયુડિશીયલ કસ્ટડીમાં મોકલી આપ્યાં

તીસ્તાનાં વકીલ દ્વારા કોર્ટને તીસ્તાની સુરક્ષા માટે અરજી આપવામાં આવી છે. આ ઉપરાંત આગામી દિવસોમાં આરોપીઓ તરફથી જામીન અરજી પણ કરવામાં આવશે.

તીસ્તા સેતલવાડ અને આર.બી. શ્રીકુમારના રિમાન્ડ પૂર્ણ, કોર્ટે બંનેને જયુડિશીયલ કસ્ટડીમાં મોકલી આપ્યાં
Teesta Setalvad and R.B. Srikumar's remand completed, the court sent both to judicial custody
TV9 GUJARATI

| Edited By: kirit bantwa

Jul 02, 2022 | 4:31 PM

તીસ્તા સેતલવાડ (Teesta Setalvad)  અને આર.બી. શ્રીકુમાર (R.B. Srikumar) ના રિમાન્ડ પૂર્ણ થતાં તેને બંનેને આજે મેટ્રો કોર્ટ (court) માં હાજર કર્યાં હતાં. પાછલા બારણે તીસ્તાને પોલીસ કોર્ટમાં લઈ આવી હતી. તીસ્તા સેતલવાડને મીડિયાથી દૂર રાખી પાછલા બારણે કોર્ટમાં લઈ જવાયાં હતાં. મેટ્રો કોર્ટમાં ક્રાઇમ બ્રાન્ચ દ્વારા વધુ રિમાન્ડની માંગણી કરાઈ નહોતી. જેથી કોર્ટે બંનેને જયુડિશીયલ કસ્ટડીમાં મોકલી અપવા આદેશ કરવામાં આવ્યો હતો. આ આદેશના પગલે તીસ્તા સેતલવાડ અને આર.બી.શ્રીકુમારને જયુડિશીયલ કસ્ટડીમાં મોકલી અપાશે.

તીસ્તાનાં વકીલ દ્વારા કોર્ટને તીસ્તાની સુરક્ષા માટે અરજી આપવામાં આવી છે. આ ઉપરાંત આગામી દિવસોમાં આરોપીઓ તરફથી જામીન અરજી પણ કરવામાં આવશે. જેલમાં તીસ્તાને રમખાણ કેસનાનાં આરોપીઓથી દૂર રાખવા આવે તેવી પણ અરજીમાં રજૂઆત કરવામાં આવી છે. આ ઉપરાંત સામાજીક કાર્યકર હોવાથી સુરક્ષા આપવામાં આવે તેવી માંગ પણ કરવામાં આવી છે.

મેટ્રો કોર્ટમાં હાજર કરાયેલા તીસ્તા સેતલવાડે કોર્ટમાં નિવેદન આપ્યું હતું કે 7 દિવસમાં પોલીસ અધિકારીઓએ ટાઈમ વેસ્ટ જ કર્યો છે. 6-6 પોલીસ અધિકારીઓ મારી પૂછપરછ કરતાં હતાં, 7 દિવસમાં ફક્ત 6 થી 7 કલાક જ પૂછપરછ થઈ છે.

ઉલ્લેખનીય છે કે તીસ્તા સેતલવાડ વિરુદ્ધ નોંધાયેલા ગુનામાં મેટ્રો કોર્ટે 26 જૂનને રોજ તીસ્તા સેતલવાડ અને શ્રી કુમારના 1 જુલાઈ સુધીના રિમાન્ડ મંજુર કરાયા હતા. જેમાં પૂર્વ IPS શ્રી કુમાર અને તીસ્તા સેતલવાડ પર આક્ષેપ છે કે બંને તપાસમાં સહકાર આપી રહ્યા નથી. તીસ્તા પર અલગ-અલગ જગ્યા પર ખોટા દસ્તાવેજો રજૂ કરવાનો આરોપ છે. તેમજ ખોટા દસ્તાવેજો રજૂ કરી અલગ-અલગ કમિશનમાં આપવાનો આરોપ છે. આ સાથે NGO મારફતે વિદેશી ભંડોળ મેળવવાનો પણ આરોપ છે.

તીસ્તા સેતલવાડ વિરુદ્ધ નોંધાયેલા ગુનાની તપાસ માટે SITની રચના કરવામાં આવી છે. રાજ્ય પોલીસ વડા આશિષ ભાટિયાએ  SIT બનાવી છે. ATSના DIG દિપેન ભદ્રનનાનેતૃત્વમાં SITની રચના કરાઇ છે. આજે તીસ્તા સેતલવાડ અને પૂર્વ IPS શ્રી કુમારને મેટ્રો કોર્ટમાં રજૂ કરવામાં આવ્યા હતા અને ક્રાઇમ બ્રાન્ચ દ્વારા 14 દિવસના રિમાન્ડની માગ કરવામાં આવી છે. તીસ્તા સેતલવાડ અને સાગરીતો દ્વારા અલગ અલગ જગ્યા પર ખોટા દસ્તાવજો રજૂ કરવામાં આવ્યા છે.

આ પણ વાંચો

તીસ્તા સેતલવાડ પર ખોટા દસ્તાવેજો રજુ કરી અલગ અલગ કમિશનમાં આપવાનો આરોપ છે. તીસ્તા સામે કાયદાકીય પ્રવુત્તીને બદનામ કરવાનો પણ આરોપ છે. તીસ્તા સેતલવાડ એનજીઓ મારફતે વિદેશી ભંડોળ પણ મેળવવાનો આરોપ છે. સુપ્રીમ કોર્ટના આદેશ બાદ ક્રાઇમ બ્રાન્ચે તીસ્તા સામે ફરિયાદ દાખલ કરી હતી.

Follow us on

Related Stories

Most Read Stories

Click on your DTH Provider to Add TV9 Gujarati