Breaking News: હવે ભુવાએ ધુણતા ધુણતા ગેનીબેન ઠાકોરને ફેંક્યો પડકાર, DJ બંધ રાખવા સામે દર્શાવી નારાજગી- Video

ઠાકોર સમાજના નવા બનાવાયેલા બંધારણમાં લગ્નપ્રસંગમાં DJ બંધ રાખવાનો વિવાદ દિવસે દિવસે વધી રહ્યો છે. પહેલા ડીજે સંચાલકોએ ગેનીબેનની સામે વિરોધ નોંધાવ્યો અને આર્થિક નુકસાન થતુ હોવાનું જણાવ્યુ. તેમના સમર્થનમાં અભિનેતા વિક્રમ ઠાકોર આવ્યા અને ડીજેના પ્રતિબંધને ગેરવ્યાજબી ઠેરવ્યો. હવે કોઈ ભુવાજી એ સાંસદ ગેનીબેનને પડકાર ફેંક્યો છે. ભુવાજીએ ધૂણતા-ધૂણતા ગેનીબેન ઠાકોરને પડકાર્યા. તેમણે કહ્યુ કે DJ બંધ રાખુ તો દેહમાં જોગણી ન આવે. વીડિયો શુંટીંગવાળા વીડિયો પણ બંધ નહીં કરે. ભલે ગેનબેને કહ્યુ હોય પણ બધાના ધંધા છે. ચૈત્ર મહિનાની બીજ અને વૈશાખ મહિનાની ત્રીજ આવે જ છે, એમા DJ ન વાગે તો હું માતા ન કહેવાઉ. વધુમાં ભુવાજીએ કહ્યુ ગેનીબેનને જવાબ આપવાની મારી તાકાત છે. મારી તાકાતથી બધાની બોલતી બંધ કરી દઈશે.

“DJ બંધ રાખુ તો દેહમાં જોગણી ન આવે”

હાલ તો ભુવાજીનો આ વીડિયો સોશિયલ મીડિયામાં વાયરલ થઈ રહ્યો છે. આ વીડિયો કાંકરેજ તાલુકાનો અને ટીનાજી ઠાકોર નામના વ્યક્તિનો હોવાનું સામે આવ્યુ છે. આ સાથે ભુવાજીએ ગેનીબેન સામે એવો પણ આક્ષેપ કર્યો કે ગેનીબેન સાત ભોજન જમીન આવે છે અને ઠાકોરોના છોકરા લુખ્ખુ જમી રહ્યા છે. તેમણે કહ્યુ જેમને ફોન કરવો હોય એ કરી દે… પણ ગેનીબેનને જવાબ આપવાની મારી તાકાત છે.

આ વિવાદ વકર્યા બાદ ભુવા ટીનાજીએ સ્પષ્ટતા કરી “રતનપરા ગામે રમેલ હતી, તેમાં DJ, સાઉન્ડ વિશે માતાજી બોલ્યા છે. DJ વાગશે પરંતુ, રમેલ અને ભજનમાં વાગશે. લગ્ન પ્રસંગમાં DJ બંધ રહેશે, બંધારણ તોડવાની કોઈ વાત નથી. આ સાથે તેમણે આક્ષેપ કર્યો કે બંધારણના નિયમો તો ખુદ ગેનીબેન ઠાકોરે તોડ્યા છે હારીજમાં VIP લગ્નોમાં જઈ ગેનીબેને બંધારણ તોડ્યું છે.

ક્યાંથી શરૂ થયો વિવાદ?

ઠાકોર સમાજના નવા બંધારણમાં સર્વાનમતે લગ્નપ્રસંગોમાં DJ વગાડવા પર પ્રતિબંધ મુકવાનો ઠરાવ પસાર કરવામાં આવ્યો છે. તાજેતરમાં જ છાબડીયામાં આયોજિત લગ્ન પ્રસંગે DJમાં અર્જુન ઠાકોરે ગીતો ગાતા ઠાકોર સમાજ નારાજ થયો છે. સોશિયલ મીડિયા પર અર્જુન ઠાકોર અને ગબ્બર ઠાકોર સામે આક્રોશ ઠાલવ્યો છે.

ડીજે પ્રતિબંધનો ભંગ કરવા બદલ ગબ્બર ઠાકોર અને તેના કાકા લહેરાજી ઠાકોરને એક વર્ષ માટે સમાજ બહાર મૂકવામાં આવ્યા હતા.આ નિર્ણય સામે હવે ગબ્બર ઠાકોર અને તેમનો પરિવાર મેદાને ઉતર્યો છે. જાબડીયા ગામમાં યોજાયેલી બેઠકમાં તેમણે ન્યાયની માંગ ઉઠાવી હતી. મોટી સંખ્યામાં લોકો ગબ્બર ઠાકોરના સર્મથનમાં ઉમટી પડ્યા હતા અને ગબ્બર ઠાકોર સામે લેવાયેલા પગલાનો વિરોધ કર્યો છે. પરિવારનો આરોપ છે કે તેમની વિરુદ્ધ આયોજનબદ્ધ રીતે ષડયંત્ર કરવામાં આવ્યુ છે. તેમણે કોઈ બંધારણનો ભંગ કર્યો નથી. તેમને સાંભળ્યા વગર જ એકતરફી નિર્ણય લેવાયો છે. સિંગર ગબ્બર ઠાકોર અને અર્જુન ઠાકોરે દાવો કર્યો હતો કે તેમણે સમાજના બંધારણના કોઈ નિયમો નથી તોડ્યા નથી. ગામમાં ડીજે તેઓ લાવ્યા નથી, સામે પક્ષે ડીજેનું આયોજન હતું.. સાથે જ તેમણે દાવો કર્યો હતો કે બંધારણની નકલ ગામમાં આવી નથી.

વિક્રમ ઠાકોરે કર્યુ ગબ્બર ઠાકોરનું સમર્થન

વિક્રમે ઠાકોરે કહ્યુ ઠાકોર સમાજના સંમેલનમાં પણ મે DJ મુદ્દે વિરોધ કર્યો હતો. ત્યારે મેં ગેનીબેન ઠાકોરને એક વિનંતી કરી હતી.ત્યારે ગેનીબહેને કહ્યું કે તેઓએ બંધારણ નથી બનાવ્યું.પરંતુ બોલ્યા તો તમે જ હતાને ? પહેલા તો આગળ તમે જ આવ્યા હતા ને ? એક DJ માં 15 કલાકારો કામ કરે છે.એવા કેટલા લોકો આજે ઘરે બેસી રહ્યા છે.હવે જે લોકો ઘરે બેસી રહ્યા છે તેઓને રોજગાર તમે આપો.નોકરી આપો ધંધો આપો.

આ પ્રકારે એક બાદ એક પણ ઠાકોર સમાજમાં જ ડીજે પ્રતિબંધને લઈને દબાતા સૂરે પણ વિરોધ ઉઠી રહ્યા છે. જો કે ઠાકોર સમાજનું બંધારણ સમાજના શ્રેષ્ઠીઓએ મળીને બનાવ્યુ છે પરંતુ હાલ હોળીનું નાળિયેર ગેનીબેન ઠાકોરને બનાવવામાં આવી રહ્યા છે અને તેમના પર જ આક્ષેપ કરાઈ રહ્યા છે.

નવા બંધારણને લઈને ઠાકોર સમાજમાં તડા, DJ પ્રતિબંધને લઈને દિનેશ ઠાકોરે વિક્રમ ઠાકોરનો લીધો ઉધડો- જુઓ Video