અમદાવાદમાં હવે નિયમ ભંગ કરશો તો ખેર નહીં, AI સોફ્ટવેરના આધારે નિયમ તોડનારને ચલણ મોકલાશે, જુઓ Video
ગુજરાતના કોઈપણ શહેરમાં તમે જાવ એવા લોકો તમને ભટકાઈ જ જશે કે જેઓ ટ્રાફિકના નિયમોનો ભંગ કરતાં હશે.જોકે ટ્રાફિક અને પાલિકા બંનેના નિયમોનો ભંગ કરવો એ અમદાવાદમાં સરળ નહીં હોય. કેમકે મહાનગરપાલિકા હવે આર્ટિફિસીયલ ઈન્ટેલિજન્સ થકી 22 જેટલા નિયમોનો ભંગ કરનારાઓને પકડી પાડશે.
ગુજરાતના કોઈપણ શહેરમાં તમે જાવ એવા લોકો તમને ભટકાઈ જ જશે કે જેઓ ટ્રાફિકના નિયમોનો ભંગ કરતાં હશે.જોકે ટ્રાફિક અને પાલિકા બંનેના નિયમોનો ભંગ કરવો એ અમદાવાદમાં સરળ નહીં હોય. કેમકે મહાનગરપાલિકા હવે ઓટો ઈન્ટેલિજન્સ થકી 22 જેટલા નિયમોનો ભંગ કરનારાઓને પકડી પાડશે અને તમારા આવા નાના-મોટા ગુનાઓનો ઈતિહાસ ખોલી નાખશે.
વાહનચાલકોએ નિયમ તોડ્યા તો ભરવો પડશે દંડ
અમદાવાદમાં હવે તમારી પર નજર રાખવા ઓટો ઈન્ટેલીજન્સ કામ કરતું થઈ જશે. જે સીસીટીવી સાથે જોડાઈને તમારી તમામ ગતિવિધિઓ સ્ટોર કરશે, તેનું એનાલિસીસ કરશે. જેના આધારે તમે નિયમભંગ કરવામાં કેવા રીઢા ખેલાડી છો, ક્યારે કેટલી વાર અને કયા કયા નિયમોનો ભંગ કર્યો છે એ બધો જ રેકોર્ડ પળવારમાં હાજર થઈ જશે અને એના આધારે ટ્રાફિક પોલીસ અને પાલિકા બંને તમને ઘેરીને દંડ વસૂલ કરશે.
અત્યાર સુધી માત્ર સિગ્નલ પર રેડ લાઈટના ભંગ બદલ દંડ ફટકારાતો હતો, પણ હવે આ સોફ્ટવેરને AI સાથે અપડેટ કરી ટ્રાફિકના અલગ અલગ 12 નિયમો તેમજ કોર્પોરેશનના 10 નિયમનો ભંગ કરનાર સામે પગલાં લેવાશે. જો કે એક બે નહીં પરંતુ 22 નિયમો બાબતે હવે કોર્પોરેશનનું એઆઈનું સોફ્ટવેર કામ કરશે અને નિયમનું પાલન ન કરનાર વ્યક્તિને ઘરે મેમો મોકલી આપશે.
કયા કયા નિયમભંગ સામે કાર્યવાહી ?
- અવરોધ રૂપ વાહનો પાર્ક કરવા
- ત્રણ સવારી વાહન હાંકવું
- રેડ લાઈટમાં વાહન હંકારવું
- BRTSની લાઈનમાં વાહન ચલાવવું
- હેલ્મેટ ન પહેરવું
- રસ્તા પર કચરો ફેંકવો
- લોડીંગ વાહનોમાં ભરાયેલા કચરા પર પ્લાસ્ટિક ન ઢાંકવું
#Ahmedabad puts in place an AI-enabled surveillance system#Gujarat #TV9News pic.twitter.com/IW6YmgHiOU
— Tv9 Gujarati (@tv9gujarati) March 20, 2024
અમદાવાદ મનપાએ સ્માર્ટ સિટી પ્રોજેક્ટ અંતર્ગત નવી વ્યવસ્થા લાવવા આ કવાયત હાથ ધરી છે. ટૂંકમાં અમદાવાદ મહાનગરપાલિકા બીજું કંઈ કરે ન કરે, પણ આ રીતે લોકો પર નજર રાખી 22 જેટલા નિયમોના ભંગ બદલ દંડની વસૂલાત જરૂર કરશે અને એમાં પણ ભારતમાં પહેલીવાર એવું બનશે જેમાં AIનો ઉપયોગ કરાશે.આવું પહેલી વાર બનશે કે કોઇ સિગ્નલ કે અન્ય જગ્યા પર લગાવેલા CCTVમાં AIના સોફ્ટવેરનો ઉપયોગ થશે.