Ahmedabad Crime: 19 મિનિટમાં ગેસ કટરથી ATM મશીન તોડયુ, 10 લાખથી વધુની રોકડની કરી ચોરી
અમદાવાદ શહેરમાં ફરી એક વખત તસ્કરોએ ATMને ટાર્ગેટ કર્યું છે. ગેસ કટરથી ATM મશીન તોડયુ અને આ બાદ ગેસ કટર અને બાટલો ATMમાં મૂકી ચોર ઇસમો ફરાર થયા છે. તસ્કરોએ CCTVથી બચવા સ્પ્રે માર્યો. મહત્વનુ છે કે પોલીસે ATM ચોરી મામલે તસ્કરોની મોડ્સ ઓપરેન્ડીને લઈને તપાસ શરૂ કરી છે.
ગણતરીની મિનિટોમાં અમદાવાદ શહેરમાં ચોર ગેંગ એક બેંકનું ATM મશીન તોડીને લાખો રૂપિયાની ચોરી કરી ફરાર થઈ ગયા હોવાની ઘટના સામે આવી છે. ચોર ગેંગ દ્વારા સૌ પ્રથમ તો ગેસ કટર વડે ATM મશીન તોડ્યું જે બાદ ATM માંથી તમામ રૂપિયા લઈ ગયા મહત્વનુ છે કે ગેસનો બાટલો અને કટર સ્થળ પર જ મૂકી ફરાર થયા. ATM માં ચોરી કરનાર તસ્કરોએ CCTVથી કેમેરા થી બચવા માટે કેમેરા પર સ્પ્રે માર્યો હોવાનું પણ સામે આવ્યું છે. હાલમાં પોલીસે ATM ચોરીની ઘટનામાં તસ્કરોની મોડ્સ ઓપરેન્ડીને લઈને તપાસ વિવિધ પાસાઓ અંગે તપસ શરૂ કરી છે.
મેઘાણીનગર વિસ્તારમાં આવેલા INDUS બેંકમાં ATMમાંથી તસ્કરો રૂ. 10 લાખથી વધુની રોકડ રકમ ચોરી કરી ચોર ગેંગ ફરાર થઈ ગઇ. ભાર્ગવ રોડ પર આવેલી INDUS બેંકના ATMમાં 2 ઈસમોએ પ્રવેશ કર્યો. જે બાદ ચોરે પોતાની સાથે ગેસનો એક બાટલો અને કટર લઈને ATM માં પ્રવેશ કર્યો. મહત્વનુ છે કે આ તમામ ઘટના CCTV કેમેરામાં કેદ નહીં થાય તે માટે તેમણે સૌ પ્રથમ CCTV કેમેરા પર સ્પ્રે છાંટ્યો આ બાદ ATM મશીનને ગેસ કટરથી કાપવાનું શરૂ કર્યું.
જે બાદ મશીનમાં રહેલા રોકડ રૂપિયા લઈ ફરાર થઇ ગયા હતા. રૂપિયા મળતાની સાથે જ આ ATM તોડવા માટે ચોર દ્વારા લાવવામાં આવેલું ગેસ કટર અને સિલિન્ડરનો બાટલો સ્થળ પર જ મુકીને તસ્કરો ફરાર થઈ ગયા હતા. ATM તૂટવા અંગે સમગ્ર જાણકારી પોલીસને થતા મેઘાણીનગર પોલીસ સહિત ક્રાઇમ બ્રાન્ચની સમગ્ર ટીમ સ્થળ પર પહોંચી અને આ અંગે તપાસ શરૂ કરી હતી.
સમગ્ર મામલે પોલીસ દ્વારા તપાસ હાથ ધરતા ATM મશીનમાં પ્રવેશ કરતા 2 ઇસમો CCTV કેમેરામાં કેદ થયા હતા. આ વીડિયોમાં સ્પષ્ટ દેખાઈ રહ્યું છે કે એક શખ્સ મોઢા પર રૂમાલ બાંધી ATM માં રહેલ CCTV પર સ્પ્રે મારી રહયો છે. જોકે આ દરમ્યાન અન્ય હાજર એક ઈસમ ગેસ કટર લઈ ATM મશીનમાં આવીને માત્ર 19 મિનિટમાં ATM મશીનને તોડી રોકડ રૂપિયા લઈ ફરાર થઈ જાય છે.
આ ચોરીની ઘટનામાં બેંકની બેદરકારી પણ જોવા મળી હોવાનું સામે આવ્યું હતું. કેમ કે ATM મશીન તૂટ્યા બાદ પણ એલાર્મ વાગ્યું નહતું. પરંતુ ATM મશીનની એક્ટિવિટી બંધ થઈ જતા મુંબઈની બ્રાન્ચએ અમદાવાદની INDUS બેંકની બ્રાન્ચમાં આ સમગ્ર બાબતે જાણ કરી હતી જે બાદ ચોરી થઈ હોવાનું સામે આવ્યું હતું.
આ પણ વાંચો : ખરા ચોર છે ! ચોરી કરી જેલમાં જતા અને જેલમાંથી છૂટી ફરી ચોરીના રવાડે ચડી જતા, અમદાવાદ પોલીસે આરોપીઓની સાન ઠેકાણે લાવી
ATM ચોરીની પ્રાથમિક તપાસમા આ બંને તસ્કરો ગુજરાત બહારના હોવાનું સામે આવ્યું હતું. બેંકના ATM ની રેકી કરીને ચોરીને અંજામ આપ્યો હોવાની શક્યતા પોલીસે વ્યક્ત કરી છે. હાલમાં શહેરના મોટાભાગના ATMમાં સિક્યુરિટી ગાર્ડ નહીં હોવાનાં કારણે આ ચોર ગેંગે ચોરી કરવામાં સફળ રહેતા હોય છે. આ ચોરીની ઘટનામાં પણ INDUS બેંકના ATM ની બહાર સિક્યુરિટી ગાર્ડ નહિ હોવાથી તસ્કરોએ ગણતરીની મિનિટોમાં ચોરી કરી ફરાર થઇ ગયા હતા.
