ભરૂચના નેત્રંગ-મોવી રોડ પર અકસ્માત, પાંચના મોત
પેસેન્જર કારને કોઈ અજાણ્યા વાહને ટક્કર મારતા, પેસેન્જર કાર, ખાઈમાં ખાબકતા 4 મહિલા સહીત કુલ પાંચ વ્યક્તિઓના આ અકસ્માતમાં ( Accident ) મૃત્યુ નિપજ્યા છે.
ભરૂચ જિલ્લાના નેત્રંહ મોવી રોડ પર થયેલા ગમખ્વાર અકસ્માતમાં ( Accident )પાંચ લોકોના મોત નિપજ્યા છે. ગમખ્વાર અકસ્માતની મળી રહેલી પ્રાથમિક વિગતો અનુસાર, પેસેન્જર કારને કોઈ અજાણ્યા વાહને ટક્કર મારતા, પેસેન્જર કાર, ખાઈમાં ખાબકતા 4 મહિલા સહીત કુલ પાંચના મૃત્યુ નિપજ્યા છે.
ભરૂચ પોલીસના જણાવ્યાનુંસાર, ભરૂચ જિલ્લાના નેત્રંગ મોવી રોડ ઉપરસ ફેકટરીમાંથી છુટીને કામદારો પેસેન્જર કારમાં બેસીને ધરે જઈ રહ્યાં હતા. આ સમયે, કોઈ અજાણ્યા વાહનચાલકે પેસેન્જર કારને ટક્કર મારી હતી. પેસેન્જર કારને લાગેલી ટક્કરને કારણે પેસેન્જર કાર રોડની બાજુમાં આવેલી ઊંડી ખાઈમાં ખાબકી હતી.
આ ગમખ્વાર અકસ્માતમાં પેસેન્જર કારમાં સવાર પૈકી એક પુરુષનું ઘટનાસ્થળે જ મોત નિપજ્યું હતું. જ્યારે બાકીના ઈજાગ્રસ્તોને સારવાર માટે નજીકની રાજપીપળા ખાતેની હોસ્પિટલમાં લઈ જવાયા હતા. રાજપીપળા હોસ્પિટલના સત્તાવાળાએ સારવારઅર્થે આવેલ ઈજાગ્રસ્તોમાંથી ચાર મહિલાના મૃત્યુ નિપજ્યા હોવાનું જણાવ્યુ છે. ભરૂચ પોલીસે, આ ગમખ્વાર અકસ્માત અંગે, ગુન્હો નોધીને વધુ કાર્યવાહી હાથ ધરી છે.
Latest News Updates
