હંસલ મહેતા ‘સ્કેમ 1992’ અને ‘સ્કૂપ’ જેવી વેબ સિરીઝ બાદ હવે ફરી એક નવી કહાની લઈને આવ્યા છે. હંસલ મહેતાની નવી સિરીઝ સ્કેમ 2003નું ટીઝર (Scam 2003 Teaser) સોશિયલ મીડિયા પર રિલીઝ કરવામાં આવ્યું છે. આ સિરીઝમાં 30,000 કરોડ રૂપિયાના સ્ટેમ્પ પેપર કૌભાંડની સ્ટોરી દર્શાવવામાં આવી છે. સ્કેમ 2003 સિરીઝ 2 સપ્ટેમ્બરથી સોની લિવ પર જોઈ શકાશે.

હંસલ મહેતાએ ઘણા સમય પહેલા કહ્યું હતું કે, તેઓ ‘સ્કેમ’ની સિક્વલ લઈને આવવાના છે. ત્યારથી લોકો તેની નવી સ્ટોરીની રાહ જોઈ રહ્યા હતા. ગયા વર્ષે હંસલે તેની નવી સિરીઝ ‘સ્કેમ 2003’નું ટાઇટલ જાહેર કર્યું હતું. હવે ટૂંક સમયમાં આ શો તમારી સ્ક્રીન પર જોવા મળશે.

શું છે સ્કેમ 2003 ની સ્ટોરી?

આ સિરીઝમાં નકલી સ્ટેમ્પ પેપર પ્રકાશિત કરનાર કૌભાંડીની સ્ટોરી દર્શાવવામાં આવશે, આ વ્યક્તિએ સ્ટેમ્પ પેપર પ્રસિદ્ધ કરવા માટે જરૂરી મશીનો મેળવવા માટે 300થી વધુ લોકોને રાખ્યા હતા. જેમણે બેંક, વીમા કંપની અને અન્ય ઘણા લોકો સાથે છેતરપિંડી કરી હતી. રિપોર્ટ્સ અનુસાર આ કેસમાં 30,000 કરોડ રૂપિયાનું કૌભાંડ થયું હતું.

શું છે 2003નું કૌભાંડ?

પત્રકાર અને ન્યૂઝ રિપોર્ટર સંજય સિંહના પુસ્તક ‘રિપોર્ટર્સ ડાયરી’ પર આધારિત આ વેબ સિરીઝમાં દેશની સમગ્ર વ્યવસ્થાને હચમચાવી નાખનાર કૌભાંડનો ઉલ્લેખ છે. અબ્દુલ કરીમ તેલગી મુંબઈ ગયા અને પછી ટ્રાવેલ એજન્ટ તરીકે કામ કર્યું. તે સમયે કરીમનું કામ માત્ર નકલી દસ્તાવેજો અને સ્ટેમ્પ પેપર સાઉદી અરેબિયા મોકલવા પૂરતું જ મર્યાદિત હતું.

આ પણ વાંચો : Gadarના એક નહીં પરંતુ 4 સ્ટાર્સે દુનિયાને કહી દીધું અલવિદા, Gadar 2ના આ 4 પાત્રને મિસ કરશે ચાહકો!

1993માં તે પોલીસની નજરમાં આવ્યો અને તેને જેલમાં ધકેલી દેવામાં આવ્યો. જેલમાં અબ્દુલ સ્ટેમ્પ વેચનાર રામ રતન સોનીને મળ્યો. રામ રતન શેર પેપર બનાવટી કરવા બદલ સજા ભોગવી રહ્યો હતો. સોનીએ અબ્દુલને શેર માર્કેટ વિશે વાત કરી. જેલમાંથી બહાર આવ્યા બાદ તેલગીએ કંઈક નવું સાહસ કરવાનું વિચાર્યું અને તે હતું નકલી સ્ટેમ્પ પેપર કૌભાંડ.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો