Koffee With Karan 7: કરણ જોહરના ‘કોફી વિથ કરણ 7’ના પ્રથમ એપિસોડે બનાવ્યો નવો રેકોર્ડ, ડિઝની+હોટસ્ટાર પર સૌથી વધુ વ્યુઅરશિપ
કોફી વિથ કરણના (Koffee With Karan) પહેલા એપિસોડમાં રણવીર સિંહ અને આલિયા ભટ્ટની જોડી જોવા મળી હતી. રણવીર સિંહ અને આલિયા ભટ્ટ વચ્ચેની વાતચીત સોશિયલ મીડિયા પર શોમાં ચર્ચામાં છે.
કરણ જોહરના ચેટ શો કોફી વિથ કરણ સીઝન 7નો (Koffee With Karan 7) પ્રથમ એપિસોડ ધમાકેદાર રહ્યો છે. બધાએ શોનો પહેલો એપિસોડ માણ્યો છે. કોફી વિથ કરણનો પ્રથમ એપિસોડ ગુરુવારે Disney+Hotstar પર સ્ટ્રીમ કરવામાં આવ્યો હતો. આ ચેટ શોના પહેલા જ એપિસોડની વ્યુઅરશિપ અત્યાર સુધી જોયેલી કોઈપણ સિઝનમાં સૌથી વધુ એપિસોડ કરતાં વધારે છે. આ રીતે ‘કોફી વિથ કરણ’ હોટસ્ટાર સ્પેશિયલ હેઠળ સૌથી વધુ જોવાયેલા અને સબ્સ્ક્રાઇબ થયેલો શો બની ગયો છે. શોના પહેલા એપિસોડમાં રણવીર સિંહ અને આલિયા ભટ્ટની જોડી જોવા મળી હતી. તમને જણાવી દઈએ કે રણવીર સિંહ અને આલિયા ભટ્ટ વચ્ચેની વાતચીત સોશિયલ મીડિયા પર ચર્ચામાં છે.
કરણ જોહરે શું કહ્યું?
આ ચેટ શોના પહેલા જ એપિસોડની સફળતા પર, હોસ્ટ કરણ જોહરે કહ્યું, “કોફી વિથ કરણ સીઝન 7 ના પ્રથમ એપિસોડ માટે ઘણા બધા ચાહકોનો પ્રેમ અને પ્રશંસા જોઈને હું ઉત્સાહિત છું. આ શો અનઅપોલિજેટિક, અનકન્વેશનલ અને પોતાનામાં એક એલિમેન્ટ છે. આ જ કારણ છે કે ચાહકો તેને ખૂબ પ્રેમ કરી રહ્યા છે.’ એટલે આરામ કરો અને દર ગુરુવારે કોફી વિથ કરણના નવા એપિસોડ્સની રાહ જુઓ.
View this post on Instagram
ડિઝની સ્ટાર, ડિઝની+ હોટસ્ટાર અને HSM એન્ટરટેઇનમેન્ટ નેટવર્કના કન્ટેન્ટ હેડ ગૌરવ બેનર્જીએ જણાવ્યું હતું કે, “કોફી વિથ કરણ જેવા આઇકોનિક શોને એક એક્સક્લૂસિવ ડેસ્ટિનેશ ડિઝની+ હોટસ્ટારમાં લાવવાનો વિચાર તેને મોટા પ્રેક્ષકો સુધી લઈ જવાનો હતો. ડિઝની+ હોટસ્ટાર પર નવા દર્શકો માટે અનલોક થયેલા શોનો પ્રથમ એપિસોડ જોવો અને તેની જબરદસ્ત વ્યુઅરશીપ વિશે જાણીને આનંદ થાય છે. આ સૂચવે છે કે અમારા દર્શકો સ્પષ્ટ અને મનોરંજક સેટ-અપમાં તેમની મનપસંદ હસ્તીઓને નજીકથી જાણવા માંગે છે.
તમને જણાવી દઈએ કે હોટસ્ટાર સ્પેશિયલ ‘કોફી વિથ કરણ સીઝન 7’ વિશિષ્ટ રીતે Disney + Hotstar પર પ્રસારિત કરવામાં આવશે. જેમાં કોફી બિન્ગો, મેશડ અપ સહિતની નવી ગેમ્સ સાથે ઓલ ટાઇમ ફેવરિટ રેપિડ ફાયરના અનેક રાઉન્ડ હશે. જે ચાહકોને તેમના ફેવરિટ સ્ટાર્સની નજીક લાવશે. નવી સિઝનમાં અક્ષય કુમાર, અનિલ કપૂર, રણવીર સિંહ, આલિયા ભટ્ટ, વરુણ ધવન, જાહ્નવી કપૂર, સારા અલી ખાન, વિજય દેવરકોંડા, સામંથા પ્રભુ, શાહિદ કપૂર અને કિયારા અડવાણીના નામ સામેલ છે.
