Celebrities Covid 19 Update: સાઉથ એક્ટર વિષ્ણુ વિશાલ સહિત આ સેલેબ્સનો કોરોના રિપોર્ટ પોઝિટિવ આવ્યો
સમગ્ર દેશમાં કોરોના હાહાકાર મચાવી રહ્યો છે,ત્યારે દરરોજ કોઈને કોઈ સેલેબ્રિટી કોરોના સંક્રમિત થયા હોવાના અહેવાલ મળી રહ્યા છે.
Celebrities Covid 19 Update : ફિલ્મ જગતમાં કોરોનાની આ ત્રીજી લહેર ખૂબ જ ઝડપથી પ્રસરી રહી છે. દરરોજ કોઈને કોઈ સેલિબ્રિટી આ વાયરસનો શિકાર બની રહ્યા છે. ત્યારે હાલ સાઉથ એક્ટર વિષ્ણુ વિશાલનો (Actor Vishnu Vishal) કોરોના રિપોર્ટ પોઝિટિવ આવ્યા હોવાના અહેવાલ મળી રહ્યા છે. છેલ્લા કેટલાક દિવસોમાં સાઉથના સુપરસ્ટાર મહેશ બાબુ, વિશાલ દદલાની, સ્વરા ભાસ્કર, મધુર ભંડારકર, પ્રતિક બબ્બર જેવા કલાકારો કોવિડ સંક્રમિત (Covid Positive) થયા છે.
આ જાણીતા સેલેબ્સ કોરોનાનો શિકાર બન્યા
મળતા અહેવાલ અનુસાર છેલ્લા 24 કલાકમાં ફિલ્મ નિર્માતા મધુર ભંડારકર તેમજ ગાયક અરિજીત સિંહ (Singer Arjijit Singh) , નફીસા અલી સોઢી અને માનવી ગગરૂ જેવા સ્ટાર પણ કોરોનાની ઝપેટમાં આવ્યા છે. ઉલ્લેખનીય છે કે, કોરોનાની બીજી લહેર અસ્ત પામ્યા બાદ ફરી એકવાર કોરોનાએ માથુ ઉંચક્યુ છે. શનિવારે એક દિવસમાં દોઢ લાખથી વધુ કોરોના કેસ સામે આવતા ખળભળાટ મચી ગયો છે.ત્યારે વધતા કોરોના સંક્રમણને જોતા ત્રીજી લહેરની(Corona Third Wave) આશંકા વર્તાઈ રહી છે.
સાઉથ એક્ટર વિષ્ણુ વિશાલ થયો કોરોના સંક્રમિત
સાઉથ એક્ટર વિષ્ણુ વિશાલનો કોરોના રિપોર્ટ પોઝિટિવ આવ્યો છે. તેણે ટ્વીટ કરીને તેના ફેન્સને આ અંગેની જાણકારી આપી છે. અભિનેતાએ લખ્યું છે કે હું કોવિડ પોઝિટિવ છું. આ સાથે અભિનેતાએ તેના સંપર્કમાં આવેલા લોકોને કોરોના ટેસ્ટ કરવા અપીલ કરી છે.વધુમાં લખ્યુ કે,હું ટૂંક સમયમાં રિકવર થઈને પાછા ફરવાની આશા રાખુ છુ.
2022 Starting wid a +IVE result..🤕 Guys … Yes im covid +ive… Anyone who came in contact with me in the last 1 week please take care.. Horrific body pains and nose block,itchy throat n also mild fever.. Looking forward to bounce back soon🙏
— VISHNU VISHAL – V V (@TheVishnuVishal) January 9, 2022
આ સ્ટાર પણ કોરોનાથી પ્રભાવિત થયા
આ ઉપરાંત અભિનેત્રી ત્રિશા, સંગીત નિર્દેશક થમન, દિગ્દર્શક પ્રિયદર્શન અને અભિનેતા સત્યરાજ કોરોના સંક્રમિત થયા છે,તેણે સોશિયલ મીડિયા દ્વારા પોતાના ચાહકોને આ અંગે માહિતી આપી હતી.તમને જણાવી દઈએ કે, આ પહેલા બોલિવુડની એક પાર્ટી કોરોના હોટસ્પોટ બની હતી.કરણ જોહરના ઘરે યોજાયેલી પાર્ટી બાદ કરીના કપૂર સહિત અનેક સેલેબ્સ કોરોના સંક્રમિત થયા હતા.
આ પણ વાંચો : લગ્નને એક મહિનો પૂરો થવા પર કેટરીના કૈફે શેર કરી સુંદર સેલ્ફી, વિકી કૌશલ માટે લખી દીધી આ વાત
