Video : સલમાન ખાને ઓટો રિક્ષા ચલાવી માયાનગરીની કરી સફર, ચાહકોએ કહ્યુ “ભાઈજાનના અજીબ શોખ”
સોશિયલ મીડિયા પર સલમાન ખાનનો એક વીડિયો ખુબ વાયરલ થઈ રહ્યો છે. જેમાં અભિનેતા ઓટો રિક્ષા ચલાવતા જોવા મળી રહ્યા છે.
Viral Video : બોલિવૂડ સુપરસ્ટાર સલમાન ખાનના (Salman Khan) કરોડો ચાહકો છે. સોશિયલ મીડિયા પર અભિનેતાની તસવીર અને વીડિયો પોસ્ટ થતાની સાથે જ છવાઈ જાય છે. તાજેતરમાં જ તેના જન્મદિવસના (Salman Khan Birthday) એક દિવસ પહેલા સલમાન ખાનને સાપે ડંખ માર્યો હતો. આ સાંભળીને તેના ચાહકો પણ દુ:ખી થયા હતા. જોકે હવે દબંગ ખાન એકદમ સ્વસ્થ છે અને તેણે પનવેલ ફાર્મ હાઉસમાં ધામધૂમથી પોતાનો જન્મદિવસ પણ ઉજવ્યો હતો.
ભાઈજાનનો અનોખો અંદાજ
હવે સોશિયલ મીડિયા પર સલમાન ખાનનો ઓટો રિક્ષા ચલાવતો (Auto Rickshaw) એક વીડિયો સામે આવ્યો છે, જે લોકોમાં ચર્ચાનો વિષય બન્યો છે. આ વીડિયોમાં સલમાન ખાનનો અનોખો અંદાજ જોવા મળી રહ્યો છે. તમને જણાવી દઈએ કે, આ વીડિયો સલમાન ખાનના ફેન પેજ પરથી શેર કરવામાં આવ્યો છે, જેના પર ચાહકો ઘણી પ્રતિક્રિયાઓ આપતા જોવા મળી રહ્યા છે.
વીડિયો પર કોમેન્ટ કરતાં એક સોશિયલ મીડિયા યુઝરે લખ્યું છે કે ‘ભાઈના શોખ પણ અજીબ છે’ તો અન્ય એક યુઝરે લખ્યું, ‘તમે મહાન છો સર, તેથી જ તમે બધાથી અલગ છો’. આ સિવાય અન્ય યુઝર્સ પણ અભિનેતાના આ અંદાજની પ્રશંશા કરતા જોવા મળી રહ્યા છે.
જુઓ વીડિયો
View this post on Instagram
આ ફિલ્મમાં જોવા મળશે સલમાન ખાન
સલમાન ખાનના વર્ક ફ્રન્ટની વાત કરીએ તો તે હાલમાં તેઓ બિગ બોસ 15 શો (Bigg Boss 15) ને હોસ્ટ કરતા જોવા મળે છે. આ સાથે તે ટૂંક સમયમાં કેટરિના સાથે ફિલ્મ ‘ટાઈગર 3’માં જોવા મળશે. હાલમાં જ બંને ફિલ્મના શૂટિંગ માટે તુર્કી ગયા હતા. સલમાન છેલ્લે તેના જીજાજી આયુષ શર્મા (Ayush Sharma) સાથે ફિલ્મ ‘અંતિમ’માં જોવા મળ્યા હતા. આ ફિલ્મ ખુબ હિટ રહી હતી, બાદમાં આયુષ શર્માએ સલમાન ખાનનો આભાર પણ વ્યક્ત કર્યો હતો.
આ પણ વાંચો : Mumbai : ટેલિવિઝન જગતમાં ઓમિક્રોનનુ સંકટ, આ પોપ્યુલર એક્ટર ઓમિક્રોન સંક્રમિત થતા ખળભળાટ
