Radhika Pre wedding : રાધિકા મર્ચન્ટે ક્રૂઝ પાર્ટીમાં પહેર્યો હતો 65 વર્ષ જૂનો ડ્રેસ, વિન્ટેજ ડ્રેસ કરતા તો બેગની કિંમત વધારે
રાધિકા મર્ચન્ટના લુકની ચર્ચાઓ પણ થતી રહેતી હોય છે, પરંતુ ચાહકો વચ્ચે તેની વિન્ટેજ ડ્રેસની ચર્ચાઓ થઈ રહી છે. જેમાં અંબાણી પરિવારની નાની વહુ ખુબ જ સુંદર લાગી રહી છે.
![Radhika Pre wedding : રાધિકા મર્ચન્ટે ક્રૂઝ પાર્ટીમાં પહેર્યો હતો 65 વર્ષ જૂનો ડ્રેસ, વિન્ટેજ ડ્રેસ કરતા તો બેગની કિંમત વધારે](https://images.tv9gujarati.com/wp-content/uploads/2024/06/Radhika-Merchant-wore-a-3-lakh-dress-at-the-cruise-party.jpg?w=1280)
અનંત અંબાણી અને રાધિકા મર્ચન્ટ છેલ્લા કેટલાક દિવસથી પોતાના બીજા પ્રી -વેડિંગને લઈ ચર્ચામાં છે. આ પહેલા અંબાણી પરિવારે ગુજરાતના જામનગરમાં અનંત-રાધિકાનું પહેલું પ્રી વેડિંગનું સેલિબ્રેશન કર્યું હતુ.
આ દરમિયાન અનેક વીડિયો અને ફોટો સામે આવ્યા હતા, પરંતુ બીજા પ્રી વેડિંગના ખુબ ઓછા વીડિયો અને ફોટો સામે આવ્યા છે.જેમાં અંબાણી પરિવાર જશ્નમાં જોવા મળી રહ્યો છે. રાધિકાના લગ્ઝરી લુકની દરેક જગ્યાએ ચર્ચા થઈ રહી છે. પરંતુ તેનો ગુલાબી વિન્ટેજ ડ્રેસની ચર્ચા ખુબ થઈ રહી છે. જેમાં અંબાણી પરિવારની નાની વહુ ખુબ જ સુંદર લાગી રહી છે.
રાધિકાએ પિંક કલરનો મિડી ડ્રેસ પહેર્યો
રાધિકાના કેટલાક ફોટો ઈટલીના સુંદર પોર્ટોફિનોમાં આયોજીત કરેલી ઈવેન્ટમાં લા ડોલ્સે વીટામાંથી સામે આવ્યા છે. આ ઈવેન્ટ માટે રાધિકાએ પિંક કલરની મિડી ડ્રેસ પહેર્યો હતો. જે સૌ કોઈને પસંદ આવ્યો હતો.આ ઈવેન્ટ માટે રાધિકાએ 1959નો વિન્ટેજ Christian Dior કૉકટેલ ડ્રેસ પહેર્યો હતો. જે રાધિકા પર ખુબ સુંદર લાગી રહ્યો છે.
View this post on Instagram
વિન્ટેજ ડિયોર ડ્રેસની કિંમત
જ્યારે વિન્ટેજ એકસ્પર્ટ ડોરિસ રેમન્ડ’એ તેને 2016માં હરાજી માટે મૂક્યો ત્યારે તેની કિંમતમાં વધુ વધારો થયો. આ ‘Dior Haute Couture’ ડ્રેસની 3,840 યુએસ ડોલરમાં હરાજી કરવામાં આવી હતી. ભારતીય રૂપિયાની વાત કરીએ તો ડ્રેસની કિંમત 3,19,416 રૂપિયા છે. એટલે કે લા ડોલ્સે વીટામાં રાધિકાએ જે ડ્રેસ પહેર્યો હતો તેની કિંમત 3 લાખ રૂપિયાથી વધુ હતી.તેમજ ડ્રેસ સાથે હાથમાં જે પર્સ જોવા મળી રહ્યું છે. તેની કિંમત 22.5 લાખ છે.
અનંત અંબાણી અને રાધિકા મર્ચન્ટ 12 જુલાઈના રોજ લગ્ન
તમને જણાવી દઈએ કે અનંત અંબાણી અને રાધિકા મર્ચન્ટ 12 જુલાઈના રોજ લગ્ન કરવા જઈ રહ્યા છે. તેમના લગ્નનો કાર્યક્રમ ત્રણ દિવસ સુધી Jio વર્લ્ડ કન્વેન્શન સેન્ટરમાં યોજાશે. જેની શરૂઆત 12મી જુલાઈના રોજ શુભ લગ્નથી થશે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો