Shakira India Concert : શકીરાના કોન્સર્ટની એક ટિકિટ 32 હજાર રુપિયાની, એપ્રિલમાં આ 2 શહેરમાં કરશે પરફોર્મન્સ

Shakira Concert Price : પોપ સ્ટાર શકીરા અંદાજે 19 વર્ષ પછી ભારત પરત ફરી રહી છે. શકીરા ઈન્ડિયા ટુર ફાઈનલ થઈ ચૂકી છે. આ દરમિયાન તે માત્ર 2 શહેરમાં શો કરશે. તેમજ આ કોન્સર્ટની ટિકિટ ખુબ મોંઘી છે. તો ચાલો જાણીએ શકીરા ક્યા બે શહેરમાં પરફોર્મન્સ કરશે.

Nirupa Duva | Updated on: Mar 02, 2026 | 11:56 AM

Shakira India Concert Ticket Price : Waka Waka Eh Eh…આ ગીત તમે બધાએ સાંભળ્યું હશે. સાઉથ આફ્રિકામાં 2010ના ફીફા વર્લ્ડકપ માટે આ ગીત પર ચાહકો ખુબ નાચ્યા હતા. આ ગીત કોલંબોની સિંગર અને ડાન્સર શકીરાએ ગાયું હતુ. જેનાથી તે દુનિયાભરમાં ફેમસ થઈ હતી. ઈન્ડિયામાં પણ શકીરાના ગીતનો ખુબ ક્રેઝ છે. તેના ચાહકો પણ મોટી સંખ્યામાં છે. હવે ઈન્ડિયન ચાહકો માટે એક ગુડ ન્યુઝ આવ્યા છે. અંદાજે 19 વર્ષ પછી શકીરા પોતાની ધુન પર ચાહકોને નચાવવા માટે ભારત આવી રહી છે. શકીરાનો ઈન્ડિયામાં કોન્સર્ટ થવાનો છે. જેની તારીખ પણ સામે આવી છે.

ઈન્ટરનેશનલ પોપ સ્ટાર શકીરાએ 2007માં મુંબઈમાં ઓરલ ફિક્સેશન ટુર કરી હતી. હવે ફરી એક વખત ભારત આવી રહી છે. જેનાથી ચાહકો ખુબ જ ઉત્સાહિત છે. શકીરા આ વર્ષે એપ્રિલમાં મુંબઈ અને દિલ્હીમાં પરફોર્મન્સ કરશે. શકીરાના કોન્સર્ટ માટે ટિકિટ ખુબ મોંઘી છે. આ ક્રેઝ બાદ શકીરાના કોન્સર્ટની ટિકિટની કિંમત અંદાજે 32 હજાર સુધી પહોંચી ગઈ છે.

View this post on Instagram

A post shared by Shakira (@shakira)

દિલ્હી અને મુંબઈમાં શકીરાનો કોન્સર્ટ

શકીરાના ઈન્ડિયા કોન્સર્ટ પહેલા શાનદાર માહૌલ જામ્યો છે. તેના શો અને ટિકિટ લાઈવ થઈ ચૂકી છે. લૈટિના પોપ સેન્સેશન શકીરાને એપ્રિલ 2026માં 2 પરફોર્મન્સ આપશે. 2007માં ઓરલ ફિક્સેશન ટુર બાદ આ તેની પહેલી ઈન્ડિયા ટુર છે. શકીરા 10 એપ્રિલના રોજ મુંબઈના મહાલક્ષ્મી રેસકોર્સમાં પરફોર્મન્સ આપશે. ત્યારબાદ 15 એપ્રિલના રોજ દિલ્હીના જવાહરલાલ નેહરુ સ્ટેડિયમમાં તેનો બીજો શો હશે.

મુંબઈ – 10 એપ્રિલ, મહાલક્ષ્મી રેસકોર્સ
દિલ્હી – 15 એપ્રિલ, જવાહરલાલ નેહરુ સ્ટેડિયમ, JLN

શકીરાના કોન્સર્ટની ટિકિટ પ્રાઈઝ

શકીરાના મુંબઈ કોન્સર્ટ માટે ટિકિટ કેટેગરીમાં અનેક ઓપ્શન છે. સૌથી મોંઘી ટિકિટ HSBC સ્ટારસ્ટ્રક લાઉન્ઝ પાસ 32 હજાર રુપિયા છે. જેમાં 28,500ની બેઝ ટિકિટ પ્રાઈઝ, 200નો ડિલીવરી ચાર્જ અને 3,363ની બુકિંગ ફી સામેલ છે. જેમાં જીએસટી પણ સામેલ છે. બીજા ઓપ્શનમાં પ્લેટિનમ લાઉઝ માટે 24,500, VIP સેક્શન માટે 14,500 અને જનરલ એડમિશન માટે 6,000 રુપિયા સામેલ છે. આ તમામમાં એક્સ્ટ્રા બુકિંગ અને ડિલીવરી ચાર્જ સામેલ નથી.