શું રિલેશનશિપમાં છે અમિતાભની દોહિત્રી ? આ કારણે નવ્યા નંદા અને સિદ્ધાંત ચતુર્વેદીના ડેટિંગની અફવાઓએ વેગ પકડ્યો
સિદ્ધાંત ચતુર્વેદી (Siddhant Chaturvedi) છેલ્લે દીપિકા પાદુકોણ અને અનન્યા પાંડે સાથે ફિલ્મ 'ગહેરાઈયાં'માં જોવા મળ્યો હતો. આગામી સમયમાં તે કેટરિના કૈફ અને ઈશાન ખટ્ટર સાથે 'ફોન ભૂત'માં અને અનન્યા પાંડે અને આદર્શ ગૌરવ સાથે 'ખો ગયે હમ કહાં'માં જોવા મળશે.
નવ્યા નવેલી નંદાએ (Navya Naveli Nanda) તેની તાજેતરની ઇન્સ્ટાગ્રામ પોસ્ટ બદલી છે, અફવાઓ વચ્ચે આ પોસ્ટ બદલતા અફવાઓને વેગ મળ્યો છે.એટલુ જ નહીં નવ્યાએ સિદ્ધાંતના એક તસવીર પર કરેલી કમેન્ટને પણ કાઢી નાખી, જેનાથી તેઓ સાથે હોઈ શકે તેવી અટકળોને વધુ વેગ મળ્યો. ઘણા ઇન્સ્ટાગ્રામ યુઝર્સે કમેન્ટ કરી કે તેઓ બંને એક કપલ છે. જોકે, થોડા સમય પહેલા એક ઈન્ટરવ્યુમાં સિદ્ધાંતે (Siddhant Chaturvedi) પણ કબૂલ્યું હતું કે તે તેના જીવનમાં કોઈ છે, તે સિંગલ નથી. હા, એ બીજી વાત છે કે તેણે નવ્યાનું નામ નથી લીધું.
આ કારણે અફવાઓને વેગ મળ્યો
નવ્યા અને સિદ્ધાંત ઘણીવાર એકબીજાની પોસ્ટ પર હિડેન ઇમોજી શેર કરે છે. ઇમોજી ઘણીવાર સૂર્ય અને ચંદ્ર સાથે રિલેટેડ હોય છે. કેટલાક ચાહકોને શંકા છે કે તેઓ કેટલાક સમયથી ડેટિંગ કરી રહ્યા છે, ત્યારે અન્ય ઘણા લોકોએ પણ નવ્યા અને સિદ્ધાંતની તાજેતરની પોસ્ટ પછી સમાન ધારણાઓ વ્યક્તકરી હતી. નવ્યાએ સોમવારે પોતાની બે તસવીરો પોસ્ટ કરી હતી, જેમાં તેણીને એક હિલ સ્ટેશનની ટેરેસ પર દેખાતી હતી, અને તેને કેપ્શન આપ્યું હતું, “ચંદ્રમાં દ્વારા ફોટો પડાવ્યો”, એક ચંદ્રમા, અર્ધચંદ્રાકાર અને સાથે સ્ટારના ઇમોજીસ પણ શેર કર્યા હતા.
View this post on Instagram
નવ્યાએ કોમેન્ટ ડિલીટ કરી
આ દરમિયાન સિદ્ધાંતે પહાડો પરથી એક તસવીર પણ પોસ્ટ કરી હતી, જેમાં લખ્યું હતું, “ક્યાંક પહાડીની ટોચ પર એક બેંચ છે, અમારી વૃદ્ધાવસ્થાની વાતચીતની રાહ જોઈ રહી છે…” નવ્યાએ તેની તસવીર પર હસતા સૂર્યની ઈમોજી કમેન્ટ કરી. . સિદ્ધાંતે ઋષિકેશમાં તેના એડવેન્ચર્સનો વીડિયો મોન્ટેજ પણ શેર કર્યો હતો અને ક્લિપ્સમાંથી એક ટેરેસ પરથી નવ્યા જેવી છોકરી જોવા મળી હતી. તેથી અટકળોને વધુ વેગ આપવા માટે, તેણે તેને કેપ્શન આપ્યું, “આપણુ મન અને ચંદ્ર બંને ક્લિયર !” આ ઉપરાંત, અમિતાભ બચ્ચને પણ તાજેતરમાં જ તેમના ઇન્સ્ટાગ્રામ એકાઉન્ટ પર ઋષિકેશની એક તસવીર પોસ્ટ કરી હતી જેમાં જણાવાયું હતું કે તે નવ્યા દ્વારા ક્લિક કરવામાં આવી હતી.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-
આ પણ વાંચો: TRP રિપોર્ટ 15 : TRPના મામલામાં ‘અનુપમા’ ફરી એકવાર નંબર 1 પર, ‘નાગિન 6’ ફેંકાઈ રેસમાંથી બહાર
