Border 2 Movie Review Gujarati: સની દેઓલ, વરુણ ધવન અને દિલજીતનો કેટલો ચાલ્યો જાદુ, જાણો બોર્ડર 2 કેવી રહી ફિલ્મ

Border 2 Movie Review Gujarati: 1997ની ક્લાસિક ફિલ્મ “બોર્ડર” ના વારસાને આગળ ધપાવતી “બોર્ડર 2” આજે 23 જાન્યુઆરીએ દેશભરના સિનેમાઘરોમાં રિલીઝ થઈ. ફિલ્મની રિલીઝ પછી, સની દેઓલ અને વરુણ ધવન અભિનીત ફિલ્મના પ્રથમ રિવ્યૂ સામે આવ્યા છે.

જો તમે વિચારી રહ્યા છો કે ફિલ્મ કેવી છે, તો પહેલી રિવ્યૂ કહે છે કે તે બ્લોકબસ્ટર છે. ટ્રેડ એક્સપર્ટ અને વિવેચક તરણ આદર્શે મધ્યરાત્રિ પછી સોશિયલ મીડિયા પર ફિલ્મનો વિગતવાર રિવ્યૂ શેર કર્યો, તેને 4.5 સ્ટાર આપ્યા. ચાલો ફિલ્મ વિશે તેમનું શું કહેવું હતું તે શેર કરીએ.

સ્ટોરી આગળની ફિલ્મનું કરે છે સન્માન

તરણ આદર્શે પોતાના ટ્વિટર હેન્ડલ પર લખ્યું, “બોર્ડર 2 તમારા હૃદયને ગર્વથી ભરી દે છે… આ ફિલ્મ રાષ્ટ્ર તેમજ સશસ્ત્ર દળોને સલામ કરે છે… ખૂબ ભલામણ કરવામાં આવે છે.” તેમણે દિગ્દર્શક અનુરાગ સિંહની પ્રશંસા કરતા કહ્યું, “તેમણે એક શક્તિશાળી, ભાવનાત્મક રીતે ભરપૂર યુદ્ધ મહાકાવ્ય આપ્યું છે જે સ્કેલ, પ્રામાણિકતા અને ભાવના પર ખરું ઉતરે છે, સાથે સાથે કલ્ટ ક્લાસિક ‘બોર્ડર’ ના વારસાનું સન્માન પણ કરે છે.”

શાનદાર છે “બોર્ડર 2”

રિવ્યુમાં ખાસ કરીને ફિલ્મના યુદ્ધ દ્રશ્યોની પ્રશંસા કરવામાં આવી હતી. તરણ આદર્શે તેમને “પ્રેરક” ગણાવ્યા હતા અને લખ્યું હતું કે ફિલ્મમાં એક્શન ફક્ત દેખાડો માટે નથી, પરંતુ સ્ટોરી અને પાત્રોની લાગણીઓને આગળ વધારવા માટે કામ કરે છે. તેમણે એ પણ સ્પષ્ટ કર્યું કે, ફિલ્મમાં એક્શન અને ઈમોશન વચ્ચેનું સંતુલન પ્રભાવશાળી છે.

શાનદાર એક્શન, ભાવનાત્મક સંગીત અને શક્તિશાળી ડાયલોગ

તેમણે પોતાના રિવ્યૂમાં ફિલ્મના સંવાદો અને સંગીતને મુખ્ય શક્તિઓ તરીકે પણ ટાંક્યા. તરણ આદર્શના મતે, ફિલ્મના સંવાદો “મજબૂત અને દેશભક્તિથી ભરેલા” છે. તેમણે દાવો કર્યો હતો કે ઘણી પંચલાઇન્સ થિયેટરમાં તાળીઓ અને સીટીઓ વગાડવા મજબૂર કરશે. સંગીતની વાત કરીએ તો, પહેલા ભાગના બે શાનદાર ગીતો – “ઘર કબ આઓગે” અને “જાતે હુએ લમ્હોં” – ના ફરીથી બનાવેલા વર્ઝન – પ્રેક્ષકોને પ્રભાવિત કરશે.

સની દેઓલને “બીટિંગ હાર્ટ”, વરુણ ધવનને “બિગ સરપ્રાઈઝ”

અભિનય અંગે સમીક્ષામાં સની દેઓલની પ્રશંસા કરવામાં આવી હતી, તેમને ફિલ્મનું “બીટિંગ હાર્ટ” ગણાવવામાં આવ્યું હતું. તેમણે લખ્યું હતું કે, “સની દેઓલ ફિલ્મનું હૃદય છે… જ્યારે તે ગર્જના કરે છે, ત્યારે થિયેટર ધમાકેદાર બને છે. ખાસ કરીને તેની પાવર-પેક્ડ લાઇન્સથી. આ વિન્ટેજ સની દેઓલ છે. કમાન્ડિંગ, પ્રામાણિક અને અવિસ્મરણીય.”

વરુણ ધવનને “બિગ સરપ્રાઈઝ” ગણાવતા, તરણએ કહ્યું કે તે આગ લગાવે તેવો અભિનય કરે છે, જે સાબિત કરે છે કે તે મજબૂત લેખન અને સારી રીતે કાસ્ટ કરાયેલ પાત્રમાં ચમકે છે. દિલજીત દોસાંઝને “દરેક સિક્વન્સમાં જોવાનો આનંદ” તરીકે વર્ણવવામાં આવ્યો હતો, જ્યારે અહાન શેટ્ટીને “અનુભવી કલાકારો સાથે પોતાનું સ્થાન જાળવી રાખવા” બદલ પ્રશંસા કરવામાં આવી હતી.

થિયેટરમાં જોવા મળશે વીરોની ગૌરવ ગાથા

‘બોર્ડર 2’ 1971ના ભારત-પાકિસ્તાન યુદ્ધ પર આધારિત છે અને મૂળ ફિલ્મની જેમ, દેશભક્તિ અને સૈનિકોના બલિદાન પર કેન્દ્રિત છે. સની દેઓલ ઉપરાંત આ ફિલ્મમાં વરુણ ધવન, દિલજીત દોસાંઝ અને અહાન શેટ્ટી મુખ્ય ભૂમિકામાં છે. તેનું નિર્માણ ભૂષણ કુમાર, કૃષ્ણ કુમાર, જેપી દત્તા અને નિધિ દત્તા દ્વારા કરવામાં આવ્યું છે.

જોવું કે ન જોવું??

દેખીતી વાત છે કે આ મુવી 26 મી જાન્યુઆરી પહેલા રિલીઝ થઈ છે અને ટ્રેલરમાં પણ સની દેઓલની દેશભક્તિ દેખાય છે. સની દેઓલને પહેલેથી જ દેશપ્રેમ મુવી માટે જોતાં આવ્યા છીએ. તો આ વખતે દેશભક્તિમાં નવા એક્ટરોને જોવા જવું જ જોઈએ. તેમજ તેનું સંગીત પણ શાનદાર છે. તમને દેશપ્રેમથી રંગી દેશે. જો તમને લાંબી મુવી ના ગમતી હોય તો આ મુવી સ્કીપ કરી શકો છો.

• ફિલ્મ: Border 2 (એક્શન, દેશભક્તિ)
• Release date: 23 જાન્યુઆરી 2026
• અભિનેતાઃ સની દેઓલ, વરુણ ધવન, દિલજીત દોસાંઝ, અહાન શેટ્ટી
• સ્ક્રીન પ્લે: 3 કલાક 18 મિનિટ અંદાજે
• ડિરેક્ટર: અનુરાગ સિંહ
• પ્રોડ્યુસર: નિધિ દત્તા, જે.પી. દત્તા, ભૂષણ કુમાર, કૃષ્ણ કુમાર
• રિલીઝ: થિયેટર
• રેટિંગ: 05 માંથી 4.5 સ્ટાર