શ્રીરામ રાઘવનની આગામી થ્રિલર ફિલ્મમાં Katrina Kaif – Vijay Sethupathi ની જોડી જોવા મળશે
કેટરિના ટૂંક સમયમાં ફિલ્મ 'અંધાધૂન' ના નિર્દેશક શ્રીરામ રાઘવનની આગામી ફિલ્મમાં જોવા મળશે. આ ફિલ્મની સૌથી વિશેષ વાત એ છે કે સાઉથના સુપરસ્ટાર વિજય સેથુપતિ સાથે કેટરિના ફિલ્મની ભૂમિકામાં જોવા મળશે.
ફિલ્મ અભિનેત્રી કેટરિના કૈફના ચાહકો માટે એક સારા સમાચાર આવ્યા છે. અહેવાલ છે કે કેટરિના ટૂંક સમયમાં ફિલ્મ ‘અંધાધૂન’ ના નિર્દેશક શ્રીરામ રાઘવનની આગામી ફિલ્મમાં જોવા મળશે. આ ફિલ્મની સૌથી વિશેષ વાત એ છે કે સાઉથના સુપરસ્ટાર વિજય સેથુપતિ સાથે કેટરિના ફિલ્મની ભૂમિકામાં જોવા મળશે. આ ફિલ્મનું નામ હજી જાણી શકાયું નથી, પરંતુ એવું કહેવામાં આવી રહ્યું છે કે ફિલ્મનું શૂટિંગ એપ્રિલથી શરૂ થશે. આ પહેલીવાર બનશે જ્યારે બોલિવૂડ ક્વીન કેટરિના કૈફ અને સાઉથના સુપરસ્ટાર વિજય સેથુપતિની જોડી મોટા પડદે જોવા મળશે.
એક અહેવાલ મુજબ, આ ફિલ્મનું નામ મેરી ક્રિસમસ હશે. આ ફિલ્મ એક ટૂંકી ફિલ્મથી પ્રેરિત છે, જેની વાર્તા પુનાની છે. રિપોર્ટમાં એમ પણ કહેવામાં આવ્યું છે કે શ્રીરામ 90 મિનિટની ફિલ્મની યોજના બનાવી રહ્યા છે. આ વાર્તા એવી રીતે લખી છે કે તેમાં ઈન્ટરવલની જરૂર રહેશે નહીં. ફિલ્મનું શૂટિંગ પુણે અને અમુક ભાગ મુંબઈમાં થશે અને 30 દિવસથી પણ ઓછા સમયમાં પૂર્ણ થશે.
View this post on Instagram
તમને જણાવી દઇએ કે કેટરિના કૈફે બોલિવૂડમાં એક ખાસ સ્થાન બનાવ્યું છે. આજે કેટરિનાનું નામ બોલિવૂડના સુપરસ્ટારમાં છે. અભિનેત્રીએ એકથી એક શ્રેષ્ઠ ફિલ્મમાં અભિનય કરીને ઉડી છાપ ઉભી કરી છે. તમને જણાવી દઈએ કે કેટરિના કૈફને બોલિવૂડ ઇન્ડસ્ટ્રીમાં લગભગ 15 વર્ષ થયા છે. તેમણે તેની કારકિર્દીમાં ઘણી મહાન ફિલ્મો કરી છે. કેટરિનાએ બોલિવૂડના લગભગ તમામ મોટા સ્ટાર્સ સાથે કામ કર્યું છે. અભિનેત્રીની અભિનયની સાથે સાથે ડાન્સ માટે પણ પ્રશંસા કરવામાં આવે છે.
View this post on Instagram
કેટરિના કૈફની આગામી ફિલ્મો વિશે વાત કરવામાં આવે તો તે ટૂંક સમયમાં ફિલ્મ ‘સૂર્યવંશી’ માં જોવા મળશે. આ ફિલ્મમાં તે અક્ષય કુમારની સાથે મુખ્ય ભૂમિકા નિભાવતી જોવા મળશે. આ સિવાય ટૂંક સમયમાં કેટરીના કૈફ ફિલ્મ ‘ફોન ભૂત’માં જોવા મળશે. ‘ફોન ભૂત’, ફિલ્મનો પહેલો લુક રિલીઝ થઈ ગયો છે. આ સિવાય સિદ્ધંત ચતુર્વેદી અને ઇશાન ખટ્ટર આ ફિલ્મમાં જોવા મળશે.