જેકલીન ફર્નાન્ડીઝ (Jacqueline Fernandez) એ બોલિવૂડની સતત ચર્ચામાં રહેનારી અભિનેત્રીઓમાંની એક અદાકારા છે. જેકલીન ફર્નાન્ડીઝ દરરોજ હેડલાઇન્સમાં રહે છે. તે તેની કોઈ તસવીરોને કારણે, તેના કોઈ વીડિયોને કારણે, કોઈ કમેન્ટને કારણે કે પછી કોઈ ફિલ્મને કારણે હોય છે. અત્યારે તે ખૂબ સારા કારણોસર હેડલાઇન્સ બનાવી રહી છે. હાલમાં, તે દિવ્યાંગ બાળકો સાથે સમય વિતાવી રહી છે અને લોકોની સેવા કરવા માટે એક સંસ્થા (NGO) સાથે જોડાયેલી છે. આ જાહેરાત તેણે તેના સોશિયલ મીડિયા પર આ વીડિયો શેર કરીને કરી છે.
જેકલીન ફર્નાન્ડીઝ સમાજના ભલા માટે આગળ આવવા માટે ક્યારેય પાછળ પડતી નથી. જેક્લિને તેની આગામી પહેલ, YOLO ફાઉન્ડેશન માટે YOLO સેવ્સની જાહેરાત કરી છે. તમે ફક્ત એક જ વાર જીવો છો, પરંતુ દરરોજ તમને બચાવવાની તક આપે છે. YOLO ફાઉન્ડેશનના સુપર સફળ વર્ષ પછી, મને મારી આગામી પહેલ, YOLO સેવ્સની જાહેરાત કરતાં ગર્વ છે. આવો જીવન બચાવવા, માનવતા બચાવવા અને પર્યાવરણ બચાવવા સાથે મળીને પ્રયત્ન કરીએ.” આવું તેમણે તેના ઇન્સ્ટાગ્રામ વિડિયોના કેપ્શનમાં લખ્યું છે.
જેકલીનને માનવતાની સેવા કરવાના તેના વિચારને આગલા સ્તર પર લઈ જવા માટે ગર્વ છે. આપણા સમાજને ચોક્કસપણે વધુને વધુ આવા લોકોની જરૂર છે જે આપણને ઉજ્જવળ ભવિષ્ય તરફ લઈ જશે.
તે ટૂંક સમયમાં બચ્ચન પાંડે, રામ સેતુ, કિક 2, સર્કસ અને એટેક તેમજ હોલીવુડ પ્રોજેક્ટ અને કેટલાક અઘોષિત પ્રોજેક્ટ્સમાં જોવા મળશે.
આ પણ વાંચો – INDvSL: ભારત અને શ્રીલંકા વચ્ચે બીજી T20 મેચમાં વરસાદનો ખતરો, જાણો કેવું રહેશે વાતાવરણ
આ પણ વાંચો – વિરાટ કોહલીની 100મી ટેસ્ટ મેચને લઈને ચાહકો માટે આવ્યા ખરાબ સમાચાર