આમિર ખાનની બ્લોકબસ્ટર ફિલ્મ 3 ઇડિયટ્સ ઘણીવાર એક્ટિવિસ્ટ સોનમ વાંગચુકથી પ્રેરિત હોવાનું કહેવાય છે. જોકે, ‘મિસ્ટર પરફેક્શનિસ્ટ’ એ સ્પષ્ટપણે આ દાવાઓને નકારી કાઢ્યા છે અને કહ્યું કે આ ફિલ્મ સોનમ વાંગચુક પર આધારિત નથી. ફિલ્મ બની રહી હતી તે સમયે તેઓ તેમને જાણતા પણ ન હતા.

ગુરુવારે, આમિર ખાન લંડનમાં લગાનના સ્ક્રીનિંગમાં હાજરી આપી હતી. સોનમ વાંગચુક વિશે પૂછવામાં આવતા, અભિનેતાએ 3 ઇડિયટ્સ વિશેની ગેરસમજનો અંત લાવ્યો, અને સ્પષ્ટપણે કહ્યું કે આ ફિલ્મ તેમના પર આધારિત નથી.

‘3 ઇડિયટ્સ’ સોનમ વાંગચુક પર આધારિત નથી

આ કાર્યક્રમમાં જ્યારે તેમને પૂછવામાં આવ્યું કે શું 3 ઇડિયટ્સ સોનમ વાંગચુકથી પ્રેરિત છે, ત્યારે તેમણે કહ્યું, “ના, તે સાચું નથી. તે એક ગેરસમજ છે. જ્યારે અમે 3 ઇડિયટ્સનું શૂટિંગ કરી રહ્યા હતા, ત્યારે મને સોનમ વાંગચુક વિશે ખબર નહોતી. મેં ચતુર (ઓમી વૈદ્ય)નો એક વીડિયો જોયો જેમાં તેમણે પણ આ વાતનો ઉલ્લેખ કર્યો હતો. તે તેમની ભૂલ છે.”

‘ચતુરના’ દાવા પર અભિનેતાની પ્રતિક્રિયા

આમિર ખાને ઉમેર્યું, “કદાચ ચતુર પણ એવું જ વિચારતા હતા, પરંતુ હું તમને કહેવા માંગુ છું કે ફિલ્મના લેખક રાજુ (રાજકુમાર હિરાણી) અને અભિજાત (અભિજાત જોશી) કે અમારામાંથી કોઈ પણ સોનમ વિશે જાણતા નહોતા. જોકે, સોનમ જે કામ કરી રહ્યા છે તે ઉત્તમ છે. તેમના અને તેમના કામનો આદર કરવા માટે તેમના માટે 3 ઇડિયટ્સ પાત્રનો આધાર બનવું જરૂરી નથી. હું આ હકીકતોના આધારે કહેવા માંગતો હતો.”

સોનમ વાંગચુકના સ્વાસ્થ્ય પર આમિર શું બોલ્યા

દિલ્હીના જંતર-મંતર પર ભૂખ હડતાળ પર બેઠેલી સોનમ વાંગચુકની તબિયત ગંભીર છે અને હાલ તેઓને હોસ્પિટલમાં દાખલ કરવામાં આવ્યા છે . જ્યારે આમિરને તેમના સ્વાસ્થ્ય વિશે પૂછવામાં આવ્યું ત્યારે તેમણે કહ્યું, “અમે બધા તેમના સ્વાસ્થ્ય અને સુખાકારી વિશે ખૂબ ચિંતિત છીએ. અમને આશા છે કે બધું સારું થશે. અમે બધા આશા રાખીએ છીએ કે તેઓ તેમની ભૂખ હડતાળ સમાપ્ત કરશે.”

નોંધનીય છે કે થોડા સમય પહેલા ઓમી વૈદ્યએ પણ એક વીડિયો દ્વારા સોનમ વાંગચુકને પોતાનો ટેકો વ્યક્ત કર્યો હતો. તેમણે એવો પણ દાવો કર્યો હતો કે ફુનસુખ વાંગડુ (ફિલ્મમાં આમિર ખાનની ભૂમિકા) નું પાત્ર તેમના પર આધારિત છે.

છૂટાછેડાના 12 વર્ષ બાદ TVની આ ફેમસ અભિનેત્રી ફરી બની દુલ્હન, વીડિયો શેર કરી પતિને કર્યો ઈન્ટ્રોડ્યુસ, આ સ્ટોરી વાંચવા અહીં ક્લિક કરો