ગેમ-રીલ્સના ચક્કરમાં અભિનેત્રીની હાલત બગડી, ગરદનની 3 લાખની સર્જરી કરાવવી પડી

સાઉથ સિનેમાની ફેમસ અભિનેત્રી રહેલી શકીલા હાલમાં પોતાના સ્વાસ્થ સાથે જોડાયેલી એક ગંભીર સમસ્યાથી પીડાતી જોવા મળી હતી. આ પરેશાનીના કારણે તેમને ગરદનની સર્જરી કરાવવી પડી છે. જેમાં 3 લાખ રુપિયાનો ખર્ચો પણ થયો છે. હોસ્પિટલથી ઘરે પરત ફર્યા પછી તેમણે એક વીડિયોમાં પોતાની રિકવરી વિશે જાણકારી આપી હતી. આ વીડિયોમાં તે ગરદન પર કોલર પહેરતા જોવા મળી હતી. શકીલાએ જણાવ્યું કે, આ સમસ્યા ખોટી સ્ટાઈલમાં કલાકો સુધી ફોન પર ગેમ અને વીડિયો જોવાના કારણે થઈ છે.

હવે અભિનેત્રીએ પોતાના ચાહકો સાથે આ સમાચાર શેર કર્યા છે. હોસ્પિટલથી ઘરે પરત ફર્યા પછી પોતાની યુટ્યુબ ચેનલ પર પોસ્ટ કરાયેલા એક વીડિયોમાં શકીલાએ પાતાના સ્વાસ્થ વિશે વિસ્તારથી વાત કરી છે.

અભિનેત્રી હોસ્પિટલમાંથી કેટલાક વીડિયો શેર કર્યા છે. તેમજ આ વીડિયોમાં હોસ્પિટલના બેડથી લઈ ઘર પરત ફરવાની જર્ની જોવા મળી રહી છે.અભિનેત્રીના મતે, કલાકો સુધી એક પડખે પડીને ફોન પર ગેમ રમવાથી તેની ગરદનની નસ પર અસર પડી. પરિણામે, શકીલાને સર્જરી કરાવવી પડી, જેનો ખર્ચ 3 લાખ થયો છે. તેમજ લોકોને ફોનનો વધારે ઉપયોગ ન કરવાની પણ અપીલ કરવા સિવાય બાળકોને ગેજેટ્સ ન આપવાની પણ સલાહ આપવામાં આવી છે.

3 લાખની સર્જરી કરાવવી પડી

વીડિયોમાં અભિનેત્રીએ પોતાની મજાક પણ ઉડાવી છે. શકીલાએ કહ્યું હવે બેડ પર બેસી જમવાથી લઈ ઉભા થવા તેમજ દેખરેખ કરવા માટે મદદની જરુર પડી છે. તેમણે કહ્યું હાલમાં મારી સર્જરી થઈ છે. આ એક મોટી સર્જરી હતી. હું તમને એક ગંભીર વાત જણાવું છું ફોન એક કામની વસ્તુ છે. પરંતુ તેનો જરુરતથી વધારે ઉપયોગ ન કરો.

કોણ છે શકીલા?

આંધ્ર પ્રદેશના નેલ્લોરની પાસે જન્મેલી શકીલા સી બેગમ,સોફ્ટકોર એડલ્ટ ફિલ્મો દ્વારા ફેમસ છે. તેમણે ડાયરેક્ટર આરજે પ્રસાદની ફિલ્મ કિન્નારાથુમ્બિકલમાં મુખ્ય ભૂમિકાન નિભાવી હતી. આ ફિલ્મ શાનદાર બ્લોકબસ્ટર સાબિત થઈ હતી.આ ફિલ્મનું બજેટ માત્ર 12 લાખ રુપિયા હતું. પરંતુ તેમણે 4 કરોડ રુપિયાની મોટી કમાણી કરી હતી. તેમજ આ ફિલ્મથી શકીલાને કેરળમાં પોપ-કલ્ચરના આઈકોન પણ બનાવી હતી.

Breaking News : ધ ટ્રેટર્સ સીઝન 2ના પ્રીમિયર પહેલા અભિનેત્રીની તબિયત લથડી, હોસ્પિટલમાં દાખલ અહી ક્લિક કરો