Trending Video: ‘બંટવારા 1947’ નું પહેલું ગીત ‘કહાં ચલે ગયે હો રામ’ રિલીઝ, A. R. Rahman ના સંગીતે આંખો ભીની કરી
સની દેઓલ સ્ટારર ફિલ્મ 'બંટવારા 1947' નું પહેલું ગીત 'કહાં ચલે ગયે હો રામ' રિલીઝ થઈ ગયું છે. શબાના આઝમી પર શૂટ કરાયેલા આ ગીતમાં એક માતાના પ્રેમ, ભક્તિ અને અટૂટ વિશ્વાસની ભાવુક સ્ટોરી દર્શાવવામાં આવી છે. એ. આર. રહેમાનના સંગીત અને અનુરાધા પૌડવાલ-શાનના મધુર અવાજથી આ ગીત દર્શકોના દિલને સ્પર્શી રહ્યું છે.
સની દેઓલ સ્ટારર ‘બંટવારા 1947’ આ વર્ષની સૌથી ચર્ચિત ફિલ્મોમાંથી એક છે અને ફિલ્મની રિલીઝ ડેટ જેમ-જેમ નજીક આવી રહી છે, દર્શકોની ઉત્સુકતા પણ વધતી જઈ રહી છે. આ ફિલ્મમાં સની દેઓલ એક વાર ફરી એક્શન અવતારમાં જોવા મળવાના છે.
મેકર્સે 18 જુલાઈએ ‘બંટવારા 1947’નું બીજું ટીઝર જાહેર કર્યું હતું, જેમાં સની એક્શન અવતારમાં જોવા મળ્યા હતા. દર્શકોની જબરદસ્ત ઉત્સુકતા વચ્ચે હવે મેકર્સે ફિલ્મનું પહેલું ગીત ‘કહાં ચલે ગયે હો રામ’ રિલીઝ કરી દીધું છે, જેને જબરદસ્ત પ્રતિસાદ મળી રહ્યો છે. આ ગીતમાં પ્રેમ, ત્યાગ અને હિંમતની લાગણીઓને વણવામાં આવી છે, જે ભાવુક કરવાની સાથે-સાથે દિલને સુકૂન પણ આપે છે.
‘બંટવારા 1947’ નું પહેલું ગીત રિલીઝ
‘બંટવારા 1947’ના પહેલા ગીત ‘કહાં ચલે ગયે હો રામ’માં એક માતાના પ્રેમ, રાહ અને અટૂટ વિશ્વાસને ખૂબ જ સુંદરતા સાથે દર્શાવવામાં આવ્યો છે. ગીત શબાના આઝમી પર શૂટ કરવામાં આવ્યું છે, જે આ ફિલ્મમાં ‘મા’ નો રોલ ભજવી રહ્યા છે.
શબાના આઝમી, ભગવાન રામની પ્રતિમા સામે બેઠા છે અને ભક્તિમાં લીન થઈને ‘કહાં ચલે ગયે હો રામ’ ભજન ગાઈ રહ્યા હોય છે. ત્યાં જ તેમની પાછળ સની દેઓલ અને પ્રીતિ ઝિંટા ઊભા છે. ત્યારબાદ વીડિયો દિવાળીની ભવ્ય ઉજવણી તરફ આગળ વધે છે, જ્યાં ‘મા’ પોતાના પરિવાર સાથે જોવા મળે છે.
ગીતને મળી રહ્યો છે ‘જબરદસ્ત પ્રતિસાદ’
‘બંટવારા 1947’ ના ગીત ‘કહાં ચલે ગયે હો રામ’ને યૂટ્યુબ પર જબરદસ્ત પ્રતિસાદ મળી રહ્યો છે. ગીત રિલીઝ કરતાં મેકર્સે કેપ્શનમાં લખ્યું કે, ‘એક માતાની પુકાર, સાંભળો ‘કહાં ચલે ગયે હો રામ’ હવે રિલીઝ થઈ ચૂક્યું છે.’ આ ગીતને અનુરાધા પૌડવાલ અને શાને મળીને ગાયું છે, જ્યારે બોલ જાવેદ અખ્તરે લખ્યા છે.
ગીતના કંપોઝર એ. આર. રહેમાન છે. કોઈકે ગીત સાંભળ્યા પછી આખી ફિલ્મને જ સુપરહિટ બતાવી દીધી છે, તો કોઈનું કહેવું છે કે આ ગીત સાંભળીને તેમની આંખોમાં આંસુ આવી ગયા. આવા જ રિએક્શન આપતાં લોકો ગીતના વખાણ કરી રહ્યા છે.
બંટવારા 1947 વિશે
‘બંટવારા 1947’ની વાત કરીએ તો, આમિર ખાનના પ્રોડક્શન હેઠળ બનેલી આ ફિલ્મ 14 ઓગસ્ટ, 2026 ના રોજ સિનેમાઘરોમાં રિલીઝ થઈ રહી છે. ફિલ્મમાં સની દેઓલ લીડ રોલમાં છે અને તેમની સાથે પ્રીતિ ઝિંટા, કરણ દેઓલ, શબાના આઝમી, અલી ફઝલ, અભિમન્યુ સિંહ જેવા કલાકારો અગત્યની ભૂમિકામાં છે. ફિલ્મ અસગર વઝાહતના મશહૂર નાટક ‘જિસ લાહોર નઈ દેખ્યા ઓ જમ્યાઈ નઈ’ પર બેઝ્ડ છે, જે વર્ષ 1947 માં ભારત અને પાકિસ્તાનના ભાગલાની વાર્તા જણાવે છે.
ખુલ્લા પગે કાદવ-કીચડવાળા રસ્તા પર ચાલી વૃંદાવન પહોંચ્યા અનુષ્કા શર્મા અને વિરાટ કોહલી, જુઓ Video
