Breaking News : સુરતમાં સાયબર ફ્રોડ નેટવર્કનો પર્દાફાશ, બે આરોપીની ધરપકડ, ₹18.37 લાખનો મુદ્દામાલ જપ્ત

સુરતમાં મોટા સાયબર ફ્રોડ નેટવર્કનો પર્દાફાશ થયો છે. Cyber Cell અને LCBની ટીમે કડોદરા વિસ્તારમાં કાર્યવાહી કરીને બે આરોપીઓની ધરપકડ કરી છે. આ કાર્યવાહીમાં કુલ ₹18.37 લાખનો મુદ્દામાલ જપ્ત કરવામાં આવ્યો છે, જેમાં આઠ મોબાઈલ ફોન, બે લેપટોપ, એક આઈપેડ, 124 સિમ કાર્ડ, વિવિધ બેન્કોની પાસબુકો, ચેકબુકો અને 19 ક્રેડિટ કાર્ડનો સમાવેશ થાય છે. આ ઉપરાંત, આરોપીઓના કબજામાંથી ₹16.10 લાખ રોકડા પણ રિકવર કરવામાં આવ્યા છે.

પોલીસ તપાસમાં સામે આવ્યું છે કે આરોપીઓ પ્રતિબંધિત ગેમિંગ એપ્સની લિંક મારફતે અને સોશિયલ મીડિયા પર લોભામણી જાહેરાતો આપીને લોકોને છેતરતા હતા. છેતરપિંડીની રકમ મેળવવા માટે તેઓ બોગસ બેન્ક એકાઉન્ટ્સનો ઉપયોગ કરતા હતા. આટલા મોટા પ્રમાણમાં સિમ કાર્ડ અને બોગસ બેન્ક એકાઉન્ટ્સ મળતાં આ નેટવર્ક કેટલું મોટું હતું તે સ્પષ્ટ થાય છે.

હાલ પોલીસે ધરપકડ કરાયેલા આરોપીઓના મોબાઈલ અને બેન્ક ડિટેઇલ્સના આધારે વધુ તપાસ હાથ ધરી છે. આ તપાસમાં અન્ય લોકોની સંડોવણી સામે આવવાની પણ શક્યતા છે. સાયબર ક્રાઇમથી બચવા માટે ઓનલાઈન જાહેરાતો અને અજાણી લિંક્સ પર ક્લિક કરતા પહેલાં સાવચેતી રાખવી અને ચકાસણી કરવી અત્યંત જરૂરી છે.

ભાવનગરમાં હની ટ્રેપ ગેંગનો પર્દાફાશ, ક્રાઇમ બ્રાન્ચના નામે ધમકાવી આધેડ પાસેથી ₹3.05 લાખ પડાવ્યા