Bollywood News: ઓહો… Salman Khanની 15 ફિલ્મો એવી છે જે રિલીઝ નથી થઈ શકી, કરોડો રૂપિયાનું થયું છે નુકશાન

બોલિવૂડના (Bollywood) દબંગ કહેવાતા સલમાન ખાનની ફિલ્મો જ્યારે પણ મોટા પડદા પર આવે છે ત્યારે ધૂમ મચાવે છે. ચાહકો તેની ફિલ્મોની આતુરતાથી રાહ જોતા હોય છે પરંતુ તેની કેટલીક ફિલ્મો એવી છે જે ક્યારેય રિલીઝ થઈ નથી. જેના કારણે અભિનેતાને કરોડોનું નુકસાન થયું છે. ચાહકો પણ નિરાશ હતા કે તેઓ તેમના ભાઈની (Salman Khan) એક કે બે નહીં પરંતુ 15 ફિલ્મો ક્યારેય જોઈ શકશે નહીં.

આવો, અમે તમને એક પછી એક આ 15 ફિલ્મો વિશે જણાવીએ….

1. દસ-તે એક મલ્ટી સ્ટારર ફિલ્મ હતી. પરંતુ તે પછી નિર્માતા મુકુલ એસ આનંદનું અવસાન થયું અને ફિલ્મ અધવચ્ચે જ બંધ થઈ ગઈ.
2. દિલ હૈ તુમ્હારા-આ ફિલ્મમાં સલમાન સિવાય સની દેઓલ અને મીનાક્ષી શેષાદ્રી જોવા મળવાના હતા. આ ફિલ્મ રાજકુમાર સંતોષી બનાવી રહ્યા હતા. પ્રથમ શેડ્યૂલ બાદ ફિલ્મને રદ કરવામાં આવી હતી. પરંતુ તેનું કારણ જાણી શકાયું ન હતું.
3. બુલંદ-90ના દાયકામાં સલમાન ખાન અને સોમી અલીની ખૂબ ચર્ચા થઈ હતી. બંને એકબીજાને ડેટ કરી રહ્યા હતા અને પછી આ ફિલ્મ બની રહી હતી. ફિલ્મનું અડધું શૂટ થઈ ગયું હતું પરંતુ પછી અચાનક તેને બંધ કરી દેવામાં આવ્યું હતું.
4. રામ-આ ફિલ્મનું નિર્દેશન સોહેલ ખાન કરવાના હતા. ફિલ્મનું બજેટ વધુ હોવાને કારણે અડધેથી શૂટિંગ બંધ કરી દેવામાં આવ્યું હતું.
5. ઇન્શા અલ્લાહ-સંજય લીલા ભણસાલીની ફિલ્મ ક્રિએટિવ ડિફરન્સના કારણે બંધ થઈ ગઈ હતી. આ ફિલ્મમાં સલમાન ખાન અને આલિયા ભટ્ટ સાથે જોવા મળવાના હતા.
6. દો ઔર દો પાંચ-અરબાઝ ખાનની કોમેડી ડ્રામામાં સલમાન ખાન મહત્વની ભૂમિકા ભજવવાનો હતો. આ ફિલ્મ પણ પડતી મૂકવામાં આવી હતી.
7. ચોરી મેરા કામ-આ ફિલ્મમાં સલમાન ખાન સુનીલ શેટ્ટી સાથે સ્ક્રીન શેર કરવાનો હતો પરંતુ તે ફિલ્મમાં પડતો મૂકવામાં આવ્યો હતો. જો કે ફિલ્મ બંધ થવા પાછળનું કારણ બહાર આવ્યું નથી.
8. સૌતેલા-સલમાન ખાન અને ઋષિ કપૂર સૌતેલામાં સ્ક્રીન શેર કરતા હતા, પરંતુ આ ફિલ્મ પણ કોલ્ડ સ્ટોરેજમાં ગઈ અને તેનું કારણ બહાર આવ્યું નથી.
9. નો એન્ટ્રી મેં એન્ટ્રી-બોની કપૂર સાથેના ખરાબ સંબંધોને કારણે સલમાન ખાનની ફિલ્મ પણ રિલીઝ થઈ શકી ન હતી. આ ફિલ્મમાં ઘણા કલાકારો સાથે જોવા મળવાના હતા.
10. યુદ્ધભૂમિ-ફિલ્મ મૈંને પ્યાર કિયા પછી સલમાન ખાન અને ભાગ્યશ્રી સાથે જોવા મળવાના હતા. પરંતુ અફસોસ આ ફિલ્મ પણ બંધ થઈ ગઈ.
11. ઘેરાવ-રાજકુમાર સંતોષીની આ ફિલ્મમાં મનીષા કોઈરાલા અને સલમાન ખાનની જોડી જોવા મળી હતી, પરંતુ આ ફિલ્મ પણ મુહૂર્ત બાદ બંધ થઈ ગઈ હતી.
12. સઈયાં-આ ફિલ્મમાં પ્રતિભા સિન્હા સલમાન ખાન સાથે રોમાન્સ કરતી જોવા મળત, પરંતુ થોડા સમય પછી આ ફિલ્મ પણ બંધ થઈ ગઈ હતી.
13. રાજુ રાજા રામ-આ ફિલ્મ પણ બજેટના કારણે પડતી મૂકવામાં આવી હતી. આ ફિલ્મમાં મનીષા કોઈરાલા, સલમાન ખાન, જેકી શ્રોફ અને ગોવિંદ જોવા મળવાના હતા.
14. આંખ મિંચોલી- આ ફિલ્મ જુડવા ફિલ્મ પછી તરત જ રિલીઝ થવાની હતી. જુડવા ફિલ્મ પછી, સલમાન ફરીથી એવો રોલ કરવા માંગતો ન હતો જેમાં તેણે ડબલ રોલ કરવાનો હોય. જેના કારણે તે ફિલ્મ પણ બંધ રહી.
15. હેન્ડસમ-સલમાન ખાનની આ ફિલ્મમાં સંગીતા બિજલાની મુખ્ય અભિનેત્રી તરીકે જોવા મળવાની હતી. ફિલ્મની જાહેરાતના થોડા દિવસો બાદ ફિલ્મ પણ બંધ કરી દેવામાં આવી હતી.