Vijay Babu Charged With Sexual Assault : ફિલ્મોમાં કામ આપવાના બહાને અભિનેતા કરતો હતો રેપ, પીડિતાએ નોંધાવ્યો કેસ

મલયાલમ ફિલ્મ ઈન્ડસ્ટ્રીના પ્રખ્યાત અભિનેતા અને નિર્માતા વિજય બાબુ (Vijay Babu) આ દિવસોમાં મુશ્કેલીઓનો સામનો કરી રહ્યા છે. અભિનેતા પર એક મહિલા દ્વારા જાતીય સતામણીનો આરોપ મૂકવામાં આવ્યો છે (Vijay Babu Charged With Sexual Assault). ગંભીર આરોપો પર કેસ નોંધતી વખતે પીડિતાએ પોલીસને તેની ઘટના કહી. પીડિત મહિલા કોઝિકોડ જિલ્લાની (Kozhikode district) રહેવાસી છે. પીડિતાની ફરિયાદના આધારે પોલીસે વિજય બાબુ વિરુદ્ધ ગુનો નોંધ્યો છે.

અહેવાલો અનુસાર પીડિતાએ પોલીસને તેની ફરિયાદમાં જણાવ્યું હતું કે, અભિનેતા વિજય બાબુ તેને ફિલ્મોમાં કામ આપવાના બહાને પોતાના ફ્લેટમાં બોલાવતો હતો. અભિનેતા પીડિત મહિલાને કોચીના ફ્લેટમાં બોલાવ્યા બાદ તેનું દુષ્કર્મ કર્યું હતું.

પોતાની ઘટનાનું વર્ણન કરતી વખતે પીડિતાએ વધુમાં કહ્યું કે, વિજય બાબુએ તેની સાથે માત્ર એક જ નહીં પરંતુ ઘણી વખત કર્યો છે. જણાવી દઈએ કે પીડિતાની ફરિયાદના આધારે પોલીસે કેસ નોંધ્યો છે. પરંતુ, હજુ સુધી એક્ટર વિજય બાબુની ધરપકડના કોઈ સમાચાર સામે આવ્યા નથી.

22 એપ્રિલે દાખલ કરવામાં આવી હતી ફરિયાદ

મીડિયા રિપોર્ટ્સની વાત કરીએ તો કોઝિકોડમાં રહેતી પીડિત મહિલાએ આજથી 6 દિવસ પહેલા એટલે કે 22 એપ્રિલના રોજ અભિનેતા-નિર્માતા વિજય બાબુ વિરુદ્ધ જાતીય સતામણીની ફરિયાદ નોંધાવી હતી. જો કે તેની ફરિયાદના આધારે કેસ નોંધવામાં આવ્યો છે. હજુ સુધી આ આરોપ હેઠળ વિજય બાબુની ધરપકડ કરવામાં આવી નથી. તેમજ આ મામલે અત્યાર સુધી અભિનેતાની પૂછપરછ કરવામાં આવી નથી.

એટલું જ નહીં અત્યાર સુધી પોલીસ દ્વારા આ ગંભીર કેસ સાથે સંબંધિત કોઈ ચોક્કસ માહિતી બહાર આવી નથી. તેમજ આ સમયે વિજય બાબુ ક્યાં હાજર છે તેની પણ કોઈને જાણ નથી.

ઘણી મોટી ફિલ્મોમાં એક્ટર અને પ્રોડ્યુસર રહી ચૂક્યા છે વિજય બાબુ

અભિનેતાના વર્કફ્રન્ટ વિશે વાત કરીએ તો વિજય બાબુ ‘ફ્રાઈડે ફિલ્મ હાઉસ’ના સ્થાપક છે. ફ્રાઈડે ફિલ્મ હાઉસ એક ફિલ્મ પ્રોડક્શન કંપની છે. તેણે ઘણી ફિલ્મોમાં કામ કર્યું છે જે હિટ સાબિત થઈ છે. તેણે પેરુચાજી (2014), અડુ (2015), મુદ્દુગૌ (2016), અદ્દુ 2 (2017), હોમ (2021) સહિત ઘણી ફિલ્મોમાં કામ કર્યું છે. તેમની પ્રોડક્શન કંપની હેઠળ ‘ફિલિપ્સ એન્ડ ધ મંકી પેઈન’ માટે બનેલી ચિલ્ડ્રન ફિલ્મ માટે તેમને કેરળ સ્ટેટ ફિલ્મ એવોર્ડ પણ એનાયત કરવામાં આવ્યો હતો.

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-

આ પણ વાંચો:  કેસર કેરીનાં ગઢ ગણાતા તાલાળા ગીરમાં કેસર કેરીની હરરાજીનો પ્રારંભ, ઇતિહાસમાં પહેલી વખત બોક્સનો ભાવ 1500 રૂપિયા બોલાયો

આ પણ વાંચો:  દેશી લૂકમાં Sapna Choudharyએ મચાવી ધૂમ, પટિયાલા સૂટમાં કર્યો ડાન્સ