SRK ને કઈ વાતનો ‘ઘમંડ’? એક સેલ્ફી લેવામાં શાહરુખ ખાનને શું જોર આવ્યું?
બોલિવૂડના બાદશાહ કહેવાતા શાહરુખ ખાનનું અસલી રૂપ કેમેરામાં કેદ થઈ ગયું છે, જેને જોઈને ફેન્સ પણ ચોંકી ઉઠ્યા છે. હંમેશા કૂલ તેમજ વિનમ્ર દેખાવાનો ઢોંગ કરતા શાહરુખ ખાને એરપોર્ટ પર પોતાનો પિત્તો ગુમાવ્યો અને એક સામાન્ય ફેન સાથે જાહેરમાં અત્યંત ખરાબ વર્તન કરી તેનો હાથ ઝટકી દીધો.

અભિનેતા શાહરુખ ખાન આમ તો પોતાના કૂલ અંદાજ માટે જાણીતો છે પરંતુ જ્યારે તે નારાજ થઈ જાય છે, ત્યારે આસપાસના લોકોને ખૂબ જ આસાનીથી ખબર પડી જાય છે. હવે તેના હાલના જ એક વીડિયોને લઈ લો, જેમાં તે ફેનની એક હરકતથી લાલચોળ થઈ ગયો છે.
આખરે એવું તો શું થયું?
અસલમાં થયું એવું કે, શાહરુખ ખાન ક્યાંકથી પાછો ફર્યો અને એરપોર્ટથી બહાર આવી રહ્યો હતો. આ દરમિયાન એક ફેને પરવાનગી વગર તેની સામે મોબાઈલમાં કેમેરો ખોલી દીધો અને ચાલતા-ચાલતા જ સેલ્ફી લેવા લાગ્યો.
ફેનની આ હરકત જોઈને શાહરુખ ખાન નારાજ થઈ ગયો અને તેણે તરત જ તેનો હાથ ઝટકી દીધો. શાહરુખ ખાને જ્યારે ફેનનો હાથ ઝટક્યો હતો, ત્યારે તેના ચહેરા પર ગુસ્સો સાફ-સાફ દેખાઈ રહ્યો હતો.
Video Viral
ઈન્સ્ટાગ્રામમાં viralbhayani ના પેજ પર જ્યારથી આ વીડિયો વાયરલ થયો છે, ત્યારથી જ લોકો તેના પર રિએક્ટ કરી રહ્યા છે. એક વ્યક્તિએ વીડિયોની નીચે લખ્યું છે, “શાહરુખે એકદમ સાચું કર્યું છે. ફેન્સે પણ સમજવું જોઈએ કે સ્ટાર્સની પોતાની પ્રાઈવસી હોય છે.”
View this post on Instagram
બીજા વ્યક્તિએ લખ્યું છે, “ફેન્સે પૂછીને અને યોગ્ય અંતર જાળવીને સેલ્ફી લેવી જોઈએ. આવી હરકત કરશે તો સ્ટાર્સનું નારાજ થવું સ્વાભાવિક છે.”
લોકોએ શાહરુખ ખાનના વર્તનની આકરી ટીકા કરી
આ સિવાય ઘણા લોકો શાહરુખ ખાનના વર્તનની આકરી ટીકા કરી રહ્યા છે. એક યૂઝરે લખ્યું છે કે, તે ભારતની જનતાના કારણે જ આગળ આવ્યો છે, તેથી તેણે પબ્લિકનું સન્માન કરવું જોઈએ અને જો આજે પબ્લિક તેમને જોવાનું બંધ કરી દે તો તે ઝીરો છે.
અન્ય એક યૂઝરે સવાલ ઉઠાવ્યો કે, ફેન્સે જ તેને સ્ટાર બનાવ્યો છે અને ફેન્સ સાથે આવું વર્તન કરીને આ સેલિબ્રિટીઝ પોતાની જાતને શું સમજે છે? એક યૂઝરે તો દુઃખ વ્યક્ત કરતા કહ્યું કે, હું તેનો ખૂબ મોટો ફેન હતો પરંતુ આજે શાહરુખ દિલમાંથી ઉતરી ગયો છે.
ઘણા લોકોએ આ ઘટનાને સ્ટારડમનો ઘમંડ ગણાવતા કહ્યું કે, આ લોકો પોતાની જાતને ભગવાન સમજે છે. જો પબ્લિક તેમની ફિલ્મો જોવાનું બંધ કરી દે, તો તેને જનતાની તાકાતનો ખ્યાલ આવી જશે.
જલદી જ King માં દેખાશે Shah Rukh Khan
Pathaan, Jawan અને Dunki જેવી સફળ ફિલ્મો આપનાર શાહરુખ ખાન આ વર્ષે ક્રિસમસના અવસર પર પોતાની નવી ફિલ્મ King લઈને આવશે, જેનાથી તેની દીકરી સુહાના ખાન બોલિવૂડમાં કદમ રાખશે. શાહરુખ ખાન અને સુહાના ખાનની આ મૂવીમાં અભિષેક બચ્ચન વિલનના રૂપમાં દેખાશે.
આ ત્રણેયની સાથે-સાથે ફિલ્મ કિંગમાં સૌરભ શુક્લા, રાઘવ જુયાલ અને જેકી શ્રોફ જેવા કલાકારો છે. ફિલ્મ King આ વર્ષની બહુપ્રતિક્ષિત એક્શન એન્ટરટેઇનર્સમાંથી એક છે, જેની સૌ કોઈ રાહ જોઈ રહ્યું છે.
