AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Breaking News: ગુજરાતમાં શિયાળાની ધીમે ધીમે શરૂઆત, આગામી 3 દિવસમાં તાપમાન 2થી 3 ડિગ્રી ઘટવાની આગાહી, જુઓ Video

Breaking News: ગુજરાતમાં શિયાળાની ધીમે ધીમે શરૂઆત, આગામી 3 દિવસમાં તાપમાન 2થી 3 ડિગ્રી ઘટવાની આગાહી, જુઓ Video

TV9 Gujarati
| Edited By: | Updated on: Nov 20, 2026 | 12:43 PM
Share

હવામાન વિભાગના જણાવ્યા અનુસાર આવતીકાલે રાજ્યનું લઘુત્તમ તાપમાન 19 ડિગ્રીની આસપાસ રહેવાની આગાહી છે. ત્યારબાદ તાપમાનમાં ક્રમશઃ ઘટાડો થવાની શક્યતા છે. તાપમાનનો પારો ગગડતાં રાત્રિ અને વહેલી સવારના સમયે ઠંડી વધુ અનુભવાશે. દિવસ દરમિયાન હજુ પણ સામાન્ય ગરમ વાતાવરણ રહી શકે છે, પરંતુ સૂર્યાસ્ત બાદ ઠંડકનો અહેસાસ વધશે.

ગુજરાતમાં હવે ધીમે ધીમે શિયાળાની શરૂઆત થઈ રહી છે. રાજ્યના વાતાવરણમાં ઠંડકનો અહેસાસ વધવા લાગ્યો છે. ખાસ કરીને વહેલી સવારે અને મોડી રાત્રે ઠંડા પવનોને કારણે લોકોને ઠંડીનો અનુભવ થઈ રહ્યો છે. જોકે, હજુ સુધી ગુજરાતમાં ઉત્તર ભારત જેવી કડકડતી ઠંડી પડી રહી નથી, પરંતુ આગામી દિવસોમાં ઠંડીનું પ્રમાણ વધવાની શક્યતા છે. હવામાન વિભાગની આગાહી મુજબ આગામી ત્રણ દિવસ દરમિયાન રાજ્યના લઘુત્તમ તાપમાનમાં 2થી 3 ડિગ્રીનો ઘટાડો થઈ શકે છે.

હવામાન વિભાગના જણાવ્યા અનુસાર આવતીકાલે રાજ્યનું લઘુત્તમ તાપમાન 19 ડિગ્રીની આસપાસ રહેવાની આગાહી છે. ત્યારબાદ તાપમાનમાં ક્રમશઃ ઘટાડો થવાની શક્યતા છે. તાપમાનનો પારો ગગડતાં રાત્રિ અને વહેલી સવારના સમયે ઠંડી વધુ અનુભવાશે. દિવસ દરમિયાન હજુ પણ સામાન્ય ગરમ વાતાવરણ રહી શકે છે, પરંતુ સૂર્યાસ્ત બાદ ઠંડકનો અહેસાસ વધશે.

નવેમ્બરના છેલ્લા સપ્તાહમાં ઠંડીનો ચમકારો વધશે

નવેમ્બર મહિનાના છેલ્લા સપ્તાહમાં રાજ્યમાં શિયાળો બરાબર જામી શકે છે. હવામાનના વર્તમાન અનુમાન પ્રમાણે આગામી એક સપ્તાહમાં લઘુત્તમ તાપમાન 15 ડિગ્રીથી નીચે જવાની શક્યતા છે. જેના કારણે ખાસ કરીને રાત્રિના સમયે ઠંડીનું પ્રમાણ વધી શકે છે. ગ્રામ્ય વિસ્તારો અને ખુલ્લા સ્થળોએ ઠંડીની અસર વધુ અનુભવાઈ શકે છે.

ડિસેમ્બરની શરૂઆતથી કડકડતી ઠંડીની શક્યતા

ડિસેમ્બર મહિનાની શરૂઆતથી ગુજરાતમાં ઠંડીનો વધુ એક રાઉન્ડ શરૂ થઈ શકે છે. તાપમાનમાં ઘટાડો થતાં લોકોને કડકડતી ઠંડીનો અનુભવ થઈ શકે છે. હાલ રાજ્યમાં શિયાળાની શરૂઆતના સંકેતો જોવા મળી રહ્યા છે, ત્યારે આગામી દિવસોમાં ઠંડીનું પ્રમાણ કેટલું વધે છે તેના પર સૌની નજર રહેશે. જોકે, હાલ ગુજરાતમાં ઉત્તર ભારત જેવી તીવ્ર ઠંડીનો અનુભવ થઈ રહ્યો નથી, પરંતુ હવામાન વિભાગની આગાહી મુજબ આગામી દિવસોમાં ઠંડીનો ચમકારો ચોક્કસપણે વધી શકે છે.

આ પણ વાંચો-Breaking News : સરકારી નોકરીની તૈયારી કરતા યુવાનો માટે મોટા સમાચાર, ગુજરાત પોલીસ વર્ગ-3માં ભરતીની જાહેરાત

Follow Us
g clip-path="url(#clip0_868_265)">