Gujarati NewsEntertainmentBollywoodPaparazzi asked parineeti chopra such a question before wedding video viral on social media raghav chadha
લગ્ન પહેલા પાપારાઝીએ પરિણીતી ચોપરાને પૂછ્યો આવો સવાલ, એક્ટ્રેસ આપ્યું આવું રિએક્શન, જુઓ Video
પરિણીતી ચોપરા (Parineeti Chopra) અને આપ નેતા રાઘવ ચઢ્ઢાએ 13 મેના રોજ સગાઈ કરી. પરિણીતીનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં પાપારાઝી પરિણીતીને લગ્ન જીવન વિશે સવાલો પૂછી રહ્યા છે.
Mumbai: પરિણીતી ચોપરા (Parineeti Chopra) અને આપ નેતા રાઘવ ચઢ્ઢા (Raghav Chadha) અવારનવાર ચર્ચામાં રહે છે. ડેટિંગના સમાચાર પછી બંનેએ 13 મેના રોજ સગાઈ કરી. હવે તેમના લગ્નની અટકળો ચર્ચામાં છે. હાલમાં જ પરિણીતિનો એક વીડિયો સોશિયલ મીડિયા પર વાયરલ થઈ રહ્યો છે. જેમાં પરિણીતી પાપારાઝીના સવાલ પર શરમાતી જોવા મળી રહી છે.
હાલમાં સોશિયલ મીડિયા પર એક વીડિયો વાયરલ થઈ રહ્યો છે. આ વીડિયોમાં પાપારાઝી પરિણીતી ચોપરાને પૂછે છે કે લગ્ન પછીનું તમારું જીવન કેવું રહ્યું અને આ સમય દરમિયાન તમે કેવું અનુભવો છો. આના પર પરિણીતી કહી રહી છે કે મેં હજી લગ્ન કર્યા નથી. આ સવાલ બાદ યુઝર્સ કોમેન્ટ પણ કરી રહ્યા છે. એક યુઝરે લખ્યું છે કે હજુ લગ્ન ક્યાં થયા છે? કંઈપણ. આ સિવાય અન્ય એક યુઝરે લખ્યું છે કે અરે લગ્ન હજુ બાકી છે. અન્ય એક યુઝરે લખ્યું છે કે આ લોકો કેવી હરકતો કરે છે. આ સિવાય અન્ય એક યુઝરે લખ્યું છે કે અત્યારે લગ્ન ક્યાં છે? પરિણીતી ચોપરા અને રાઘવ ચઢ્ઢાના લગ્નની ફેન્સ આતુરતાથી રાહ જોઈ રહ્યા છે.
પરિણીતી અને રાઘવ ચઢ્ઢાની સગાઈ સેરેમનીમાં પરિવારના સભ્યો અને રાજકારણીઓએ હાજરી આપી હતી. એવી અટકળો છે કે પરિણીતી ચોપરા અને રાઘવ ચઢ્ઢા ઓક્ટોબરમાં લગ્ન કરી શકે છે. પરિણીતી ચોપરાના વર્ક ફ્રન્ટની વાત કરીયે તો પરિણીતી ઇમ્તિયાઝ અલી નિર્દેશિત ‘ચમકીલા’માં દિલજીત દોસાંજ સાથે સ્ક્રીન સ્પેસ શેર કરતી જોવા મળશે. એવું કહેવામાં આવી રહ્યું છે કે આ ફિલ્મ પંજાબી સિંગર અમર સિંહ ચમકીલાથી પ્રેરિત છે. પરિણીતી ચોપરા હાલમાં જ ફિલ્મ ઉંચાઈ અને કોડ નેમ તિરંગામાં જોવા મળી હતી. હવે તે ટૂંક સમયમાં કેપ્સ્યુલ ગિલ ફિલ્મમાં જોવા મળશે. પરિણીતીએ પોતાના કરિયરની શરૂઆત લેડીઝ વર્સીસ રિકી બહેલથી કરી હતી. તેણે ઈશકઝાદે, હસી તો ફસી, દાવત-એ-ઈશ્ક, કિલ દિલ અને ગોલમાલ અગેઈન જેવી ઘણી ફિલ્મોમાં કામ કર્યું છે.
કુંડળીમાં ગ્રહોને મજબૂત કરવા લલાટ પર કરો આ તિલક
