જ્હોન અબ્રાહમે બોક્સ ઓફિસ પર ‘એટેક’ ફિલ્મ નિષ્ફળ જતાં શેયર કરી ઈમોશનલ નોટ
જ્હોન અબ્રાહમ લાંબા સમય બાદ સિલ્વર સ્ક્રીન પર 'એટેક' ફિલ્મ બાદ પરત ફર્યો હતો. જો કે, આ ફિલ્મ 'RRR' , 'KGF 2' જેવી મોટી કમાણી કરતી ફિલ્મોના લીધે બોક્સ ઓફિસ પર નિષ્ફળ જોવા મળી છે.
બોલીવુડના (Bollywood) જાણીતા અભિનેતા જ્હોન અબ્રાહમે (John Abraham) તેની તાજેતરની રિલીઝ થયેલી ફિલ્મ એટેક (Attack) બોક્સ ઓફિસ પર પ્રદર્શન કરવામાં નિષ્ફળ ગયા પછી એક લાંબી ઈમોશનલ નોંધ લખી છે. તેની નોંધમાં અભિનેતાએ તમામ દર્શકોનો આભાર માન્યો હતો અને કહ્યું હતું કે તેને આ ફિલ્મમાં તેના કામ પર ગર્વ છે. તેણે નિવેદન બહાર પાડ્યા પછી તેને તેના ચાહકો તેમજ તેના ભૂતપૂર્વ સહ કલાકાર અભિષેક બચ્ચનનો ટેકો મળ્યો હતો. આ ફિલ્મે તેની રિલીઝના પ્રથમ પાંચ દિવસમાં અંદાજે ₹12 કરોડની કમાણી કરી હોવાના અહેવાલ પ્રાપ્ત થયા છે.
એટેક, જે એક એક્શન થ્રિલર ફિલ્મ છે. જેમાં, જ્હોન અબ્રાહમે લકવાગ્રસ્ત ભૂતપૂર્વ સૈનિક તરીકે અભિનય કર્યો હતો, જે આતંકવાદીઓનો સામનો કરવા માટે ભારતના પ્રથમ સુપર સૈનિકમાં ફેરવાઈ જાય છે.
View this post on Instagram
એકટર જ્હોન અબ્રાહમે ગઈકાલે તેના સોશિયલ મીડિયા એકાઉન્ટ્સ પર આ નોંધ શેયર કરી હતી. એટેક ફિલ્મ તેની રજૂઆતના એક અઠવાડિયાને ચિહ્નિત કરે છે. તેણે પોસ્ટને કેપ્શન આપ્યું કે, “ફરી એક વાર, આભાર.” તેણે ફિલ્મને મળેલી પ્રશંસા માટે દર્શકોનો આભાર માન્યો છે.
આ નોટમાં જૉહ્નને લખ્યું હતું કે, “અમને ફિલ્મ માટે પ્રશંસા મળી છે, કંઈક નવું અને અલગ સ્વીકારવા બદલ દર્શકોનો ખૂબ ખૂબ આભાર. અમારા તરફથી એટેક એક પ્રામાણિક, નમ્ર પ્રયોગ હતો, જે ફિલ્મ ઉદ્યોગને કંઈક તાજું અને નવું આપવા માટે હતો. તે કોવિડ 19 દરમિયાન ઘણું પડકારજનક હતું, પરંતુ અમને જે જોઈએ છે તે મળ્યું. હું આ ફિલ્મનો હીરો છું અને મને ગર્વ છે. ટીમના દરેક સભ્યએ એટેક પર જે પ્રામાણિક પ્રયાસ કર્યા છે, તેની સાથે હું ઉભો છું.”
View this post on Instagram
અભિષેક બચ્ચન, જેમણે અગાઉ જ્હોન સાથે ધૂમ અને દોસ્તાનામાં કામ કર્યું હતું, તેણે અભિનેતાને સમર્થન આપ્યું હતું. તેણે ટિપ્પણી કરી, “બાબા કે, તમને ભગવાન વધુ શક્તિ આપશે.”
આ અંગે, બંનેના ચાહકોએ અભિષેકની આ ચેષ્ટાને ‘અસલ દોસ્તાના’ ગણાવી હતી. જ્હોનને તેના ઘણા ચાહકો તરફથી પ્રશંસા પણ મળી હતી. એક યુઝરે એટેકને ‘માસ્ટરપીસ’ કહ્યું, જ્યારે બીજાએ તેને ‘વિશ્વ સિનેમાની શ્રેષ્ઠ એક્શન મૂવીઝમાંની એક’ તરીકે જણાવી. ત્રીજાએ લખ્યું કે, “એ માણસ જેણે બોલિવૂડમાં એક્શનને સંપૂર્ણપણે બદલી નાખ્યું અને દરેક વખતે તે બોક્સની બહાર વિચારે છે કે એક પ્રશંસક તરીકે તમારા પર ખૂબ ગર્વ છે. તમે મને દરરોજ પ્રેરણા આપો છો.” અન્ય લોકોએ કહ્યું કે તેઓને આ ફિલ્મ પસંદ છે અને તેઓ તેની સિક્વલની રાહ જોઈ રહ્યા છે.
View this post on Instagram
એટેક, લક્ષ્ય રાજ આનંદ દ્વારા દિગ્દર્શિત એક્શન થ્રિલર, સુપરહીરો, આમ 3 જેનરમાં છે. જ્હોન, જેણે આ ફિલ્મનું સહ-નિર્માણ પણ કર્યું છે, તે એક લકવાગ્રસ્ત ભૂતપૂર્વ સૈનિકની ભૂમિકા ભજવે છે, જે આતંકવાદીઓનો સામનો કરવા માટે ભારતના પ્રથમ સુપર સૈનિક બની જાય છે. આ ફિલ્મ, જેમાં જેકલીન ફર્નાન્ડીઝ અને રકુલ પ્રીત સિંહ પણ છે. ગત તા. 01/04/2022ના રોજ રીલિઝ કરવામાં આવી હતી, અને આ ફિલ્મને મિશ્ર પ્રતિસાદ બોક્સ ઓફિસ પર મળ્યો હતો. બોક્સ ઓફિસ ઈન્ડિયા મુજબ, ફિલ્મ તેની રિલીઝના પ્રથમ પાંચ દિવસમાં માત્ર ₹12 કરોડનું જ કલેક્શન કરી શકી હતી.
View this post on Instagram
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો