Hema Malini-Dharmendra Anniversary: એવરગ્રીન કપલ હેમા માલિની-ધર્મેન્દ્ર લગ્નની 42મી એનિવર્સરી કરી રહ્યાં છે સેલિબ્રેટ, અભિનેત્રીએ તેના પતિ સાથે એક શેયર કર્યો સુંદર ફોટો
Hema Malini-Dharmendra Anniversary: બોલિવૂડ એવરગ્રીન કપલ ધર્મેન્દ્ર અને હેમા માલિની (Hema Malini) આજે તેમના લગ્નના 42મા વર્ષની ઉજવણી કરી રહ્યા છે. આ અવસર પર અભિનેત્રીએ તેના ટ્વિટર હેન્ડલ પર તેના પતિ સાથેનો એક સુંદર ફોટો શેર કરીને તેને અભિનંદન પાઠવ્યા છે.
બોલિવૂડ ઈન્ડસ્ટ્રીની (Bollywood Industry) ફેમસ એક્ટ્રેસ અને ડ્રીમ ગર્લ તરીકે ફેમસ હેમા માલિની અને તેના પતિ ધર્મેન્દ્ર આજકાલ ખૂબ ચર્ચામાં છે. બંને તેમના સમયના સૌથી ફેવરિટ કપલ્સમાંના એક માનવામાં આવતા હતા. આજે પણ તેના અભિનયની ચર્ચા દરેક ઘરમાં થાય છે. સોમવાર એટલે કે આજનો દિવસ બંને કલાકારો માટે ખૂબ જ ખાસ છે. આજે હેમા માલિની (Hema Malini) અને ધર્મેન્દ્રના (Dharmendra) લગ્નની 42મી મેરેજ એનિવર્સરી છે. આ પ્રસંગે અભિનેત્રીએ તેના ઓફિશિયલ ટ્વીટર હેન્ડલ પર એક સુંદર ફોટો શેયર કર્યો છે. આ સાથે હેમા માલિનીએ તેમના પતિને લગ્નની વર્ષગાંઠની શુભેચ્છા પાઠવી છે. છેલ્લા કેટલાક દિવસોથી અભિનેતા ધર્મેન્દ્ર તેમની તબિયતને લઈને હોસ્પિટલમાં દાખલ હતા.
પાછલા દિવસોમાં ધર્મેન્દ્રની તબિયત અચાનક બગડતાં ડૉક્ટરની ટીમે તેમને હોસ્પિટલમાં દાખલ કર્યા હતા. જેના કારણે તે ચર્ચાનો વિષય બન્યા. જો કે હાલ તેમની તબિયત સ્થિર હોવાનું કહેવાય છે. આ પછી ફરી એકવાર ધર્મેન્દ્ર આજે પોતાના ખાસ દિવસને લઈને ખૂબ જ ટ્રેન્ડ થઈ રહ્યા છે. પતિ-પત્ની બંને આજના ખાસ દિવસની ઉજવણી કરી રહ્યા છે.
પોતાના ટ્વિટર હેન્ડલ પર બંનેની થ્રોબેક તસવીર શેયર કરતા હેમા માલિનીએ લખ્યું કે આજે અમારા લગ્નની વર્ષગાંઠ છે. આ બધી ખુશીઓ માટે હું ભગવાનનો આભાર માનું છું. આગળ, હેમા માલિનીએ લખ્યું કે અભિનેત્રી આ અવસર પર ધન્યતા અનુભવી રહી છે. આ પોસ્ટ શેયર થતાની સાથે જ અભિનેત્રીના ચાહકોની લાઈન લાગી ગઈ હતી. ધર્મેન્દ્ર અને હેમા માલિનીના ફેન્સ આ પોસ્ટ પર સતત લાઈક અને કોમેન્ટ કરી રહ્યા છે. આ સાથે સોશિયલ મીડિયા પર તેના ફેન્સ પણ બંનેને લગ્નની વર્ષગાંઠ પર શુભેચ્છા પાઠવી રહ્યા છે. આ સાથે હેમાએ અન્ય એક ટ્વીટ શેયર કરતા પતિ ધર્મેન્દ્રના સ્વાસ્થ્ય વિશે પણ માહિતી આપી હતી.
હેમા માલિનીએ ચાહકોનો આભાર માન્યો
હેમાએ લખ્યું કે અભિનેતાને હોસ્પિટલમાંથી રજા આપવામાં આવી છે. ઉપરાંત, અભિનેત્રીએ ધર્મેન્દ્રના હજારો શુભેચ્છકોનો આભાર માન્યો જેઓ સતત તેમના સ્વાસ્થ્ય વિશે પૂછી રહ્યાં છે.
Our wedding anniversary today❤️❤️ I thank God for all these years of happiness, our darling children and grandchildren, our well wishers everywhere! I feel truly blessed🙏🙏 pic.twitter.com/uAsb7Mc5AL
— Hema Malini (@dreamgirlhema) May 2, 2022
શુભેચ્છકોના જવાબમાં હેમાએ લખ્યું કે, હા, તે થોડા દિવસોથી હોસ્પિટલમાં હતા, પરંતુ હવે તે સ્વસ્થ છે અને હવે તેઓ ઘરે પરત આવી ગયા છે. તેમની તબિયત વિશે જાણવા માટે ફરી આપ સૌનો આભાર, ભગવાનની કૃપા છે.
આજે પણ આ જોડી અદભૂત છે
શેયર કરેલી તસવીરમાં અભિનેત્રી આજે પણ એટલી જ સુંદર લાગે છે જેટલી તે તેમના જમાનાની ફિલ્મોમાં દેખાતી હતી. હેમા માલિનીએ આ ફોટોમાં ગોલ્ડન બોર્ડરવાળી બેગી કલરની સાડી પહેરી છે, જેમાં તે ખૂબ જ સુંદર લાગી રહી છે.
I would like to thank thousands of well wishers who have been enquiring about Dharam ji’s health. Yes, he was in hospital for a few days but he is ok now and thankfully back home. Thank you all once again for your anxious calls and enquiries about his health🙏God has been kind🙏
— Hema Malini (@dreamgirlhema) May 2, 2022
ફોટામાં તેમની સાથે ધર્મેન્દ્ર સફેદ શર્ટમાં જોવા મળે છે. આ યુગમાં પણ બંનેની જોડી લોકોને ખૂબ જ પસંદ આવે છે.
