શું છે ‘મન્નત’ પર લાગેલી ડાયમંડની નેમપ્લેટનું સત્ય? ગૌરી ખાને કર્યો મોટો ખુલાસો
બોલિવૂડ સુપરસ્ટાર Shah Rukh Khan અને ગૌરી ખાનનું મહેલ જેવું ઘર દરરોજ ચર્ચામાં રહે છે. આવી સ્થિતિમાં કિંગ ખાનના ઘરની નેમપ્લેટ પણ સતત ચર્ચામાં છે.
બોલિવૂડના બાદશાહ Shah Rukh Khan દરેક મામલામાં આગળ જ હોય છે, પછી તે કમાણી હોય કે ફેન ફોલોઈંગ. શાહરૂખ ખાન તેની લક્ઝરી લાઈફ માટે પણ જાણીતો છે. એક્ટરનું ઘર મન્નત ખૂબ ફેમસ છે. તેને જોવા માટે સુપરસ્ટારના ઘરની બહાર દરરોજ લાઈનો લાગે છે. મન્નતમાં બધું જ ખાસ છે. ઘર જેવા આ ભવ્ય મહેલને ખુદ ગૌરી ખાને સજાવ્યો છે. તેની ચર્ચા વિદેશોમાં પણ થાય છે. તાજેતરમાં મન્નત વિશે સમાચાર આવ્યા હતા કે, ગૌરીએ તેની નેમપ્લેટ બદલીને ઘરને નવો લુક આપ્યો છે.
મન્નતની નેમપ્લેટ ચર્ચાનો વિષય
હકીકતમાં, ભૂતકાળમાં, મન્નતની બહાર ફોટા લેતી વખતે, લોકોએ જોયું હતું કે, ત્યાંની નેમપ્લેટ ગાયબ હતી. જે બાદ સમાચાર આવ્યા કે નેમપ્લેટ રિપેર માટે મોકલી દેવામાં આવી છે. હવે જ્યારે ચાહકો તેમની તસવીર ફરીથી ક્લિક કરી રહ્યા હતા, ત્યારે તેઓએ જોયું કે નેમપ્લેટ પાછી મૂકી દેવામાં આવી છે. નેમપ્લેટ જોયા બાદ ચાહકો ખૂબ જ ઉત્સાહિત થઈ ગયા. તેને જાણવા મળ્યું કે આ વખતે આ નવી નેમપ્લેટ એકદમ અલગ છે. શાહરૂખ ખાનના ઘરની નેમપ્લેટ જોઈને તે ચર્ચાનો હિસ્સો બની ગઈ.
View this post on Instagram
મન્નતની બહાર નવી નેમપ્લેટની ચમક અને સુંદરતા જોયા પછી સમાચાર ઝડપથી ફેલાવા લાગ્યા કે, નવી નેમપ્લેટ ડાયમંડની છે. એટલું જ નહીં, તેમાં હીરા જડેલા હોવાનું પણ કહેવામાં આવ્યું હતું. આ સમાચાર સાંભળ્યા પછી, નેમપ્લેટ જોવા માટે મન્નતેની બહાર પણ વધુ ભીડ એકઠી થવા લાગી, પરંતુ હવે આ નેમપ્લેટનું સત્ય સામે આવ્યું છે. જેનો ખુલાસો ખુદ ગૌરી ખાને લોકોની ગેરસમજને દૂર કરવા માટે કર્યો છે.
ગૌરી ખાને કર્યો ખુલાસો
વાસ્તવમાં ગૌરી ખાને પોતાના ઈન્સ્ટાગ્રામ એકાઉન્ટ પર પોતાની એક તસવીર શેર કરી છે. આ તસવીરમાં ગૌરી મન્નતના ગેટ પાસે ઉભેલી જોવા મળે છે, જ્યાં મન્નતના નામની નેમપ્લેટ લાગેલી છે. શાહરૂખની પત્નીએ આ તસવીર શેર કરી અને કેપ્શનમાં લખ્યું કે, તમારા ઘરનો મુખ્ય દરવાજો તમારા પરિવાર અને મિત્રોનો પ્રવેશ સ્થળ છે. આથી નેમ પ્લેટ સકારાત્મક ઉર્જા આકર્ષે છે. અમે કાચના ક્રિસ્ટલ સાથેનું ટ્રાન્સપરન્ટ મટિરિયલ પસંદ કર્યું છે, જે સકારાત્મક અને શાંત વાતાવરણનું ઉત્સર્જન કરે છે. આ પોસ્ટ સામે આવ્યા પછી, ચાહકો તેમની ગેરસમજો દૂર કરવા માટે ગૌરીનો આભાર માની રહ્યા છે. યુઝર્સ કમેન્ટ્સ દ્વારા તેના કામની પ્રશંસા પણ કરી રહ્યા છે. બધા જાણે છે કે ગૌરી ખાન પણ એક બિઝનેસ વુમન છે.
Latest News Updates
