બંને ભાઈઓ સાથે સલમાન ખાન બનાવી શકે છે ફિલ્મ, અરબાઝે કર્યો ખુલાસો

સલમાન ખાન બોલિવૂડનો એક એવો એક્ટર છે, જે હંમેશા ચર્ચામાં જોવા મળે છે. આ દિવસોમાં સલમાન ટીવીનો લોકપ્રિય રિયાલિટી શો બિગ બોસ 16 હોસ્ટ કરી રહ્યો છે. આ દરમિયાન તેના ભાઈ અને અભિનેતા અરબાઝ ખાને તેની સાથે જોડાયેલું એક મોટું અપડેટ શેર કર્યું છે. ખરેખર, સલમાન ખાન તેના બંને ભાઈઓ સાથે ભાગ્યે જ જોવા મળ્યો છે. આ ત્રણેય કોફી વિથ કરણમાં સાથે જોવા મળ્યા હતા. હાલમાં જ એક ઈન્ટરવ્યુ દરમિયાન અરબાઝે ખુલાસો કર્યો છે કે, આ ત્રણેય ભાઈઓ એક ફિલ્મમાં સાથે કામ કરી શકે છે.

તાજેતરમાં, અરબાઝ ખાને હિન્દુસ્તાન ટાઈમ્સને આપેલા તેના એક ઈન્ટરવ્યુમાં જણાવ્યું હતું કે, આ દિવસોમાં સલમાન બોલિવૂડના બે મોટા પ્રોજેક્ટ ‘કિસી કા ભાઈ કિસી કી જાન’ અને ‘ટાઈગર-3’માં ખૂબ જ વ્યસ્ત છે. બીજી તરફ અરબાઝ તેની આગામી સિરીઝ તાંડવને લઈને પણ ચર્ચામાં છે. સોહેલ ખાનની વાત કરીએ તો, અભિનેતા સલમાનની ફિલ્મ રાધેમાં નિર્માતા તરીકે જોવા મળ્યો હતો.

ત્રણેય ભાઈઓ પોત-પોતાના કામમાં વ્યસ્ત છે

આગળ, અરબાઝે કહ્યું કે, અમારા ભાઈઓ વચ્ચે વધારે વાત કામને લઈને જ થાય છે. આ જ કારણ છે કે જ્યારે પણ અમે મળીએ છીએ ત્યારે માત્ર એ જ વાત કરીએ છીએ કે શૂટ ક્યારે થશે? અમે ઘણીવાર એકબીજા સાથે આ વિશે વાત કરીએ છીએ જે અમે કરી રહ્યા છીએ. કારણ કે અમે આ બધું અમારા સ્તરથી કરી રહ્યા છીએ. તો જ આપણને થોડી માહિતી મળે છે, નહીં તો આપણી પાસે એકબીજાની કોઈ અપડેટ રહેતા નથી. લોકો વિચારે છે કે આપણે મળીએ છીએ, વાતો થાય છે, પરંતુ એવું નથી, આપણા બધાને પોત-પોતાનું જીવન છે.

દબંગનો ત્રીજો ભાગ ટૂંક સમયમાં થશે રિલીઝ

તમને જણાવી દઈએ કે, અરબાઝ ખાને કન્ફર્મ કર્યું છે કે ‘દબંગ-4’ લાઈનમાં છે અને ટૂંક સમયમાં તે આ સુપરહિટ ફ્રેન્ચાઈઝીનો આગળનો ભાગ લઈને લાવશે. અરબાઝ ખાને એ પણ કહ્યું કે, ‘દબંગ 4’ લાવવામાં એટલો સમય નહીં લાગે જેટલો ‘Dabangg 2’ અને 3 વચ્ચે ગેપ છે. વર્તમાન પ્રતિબદ્ધતાઓમાંથી મુક્ત થઈને, તે બંને ‘દબંગ-4’માં વ્યસ્ત થશે. કારણ કે તે તેમના હૃદયની ખૂબ નજીક છે.