વિક્રાંત મેસી પર તૂટયો દુઃખનો પહાડ ! અમદાવાદ વિમાન દુર્ઘટનામાં નજીકના સગાનું અવસાન

અમદાવાદમાં ક્રેશ થયેલા એર ઈન્ડિયાના વિમાનમાં 242 લોકો સવાર હતા, જેમાંથી એક બોલિવૂડ અભિનેતા વિક્રાંત મેસીના પિતરાઈ ભાઈ ક્લાઈવ કુંદર હતા. આ અકસ્માતમાં તેમણે પોતાનો જીવ ગુમાવ્યો છે. વિક્રાંતે સોશિયલ મીડિયા પર એક પોસ્ટ શેર કરીને તેમના પિતરાઈ ભાઈના મૃત્યુની માહિતી આપી છે. તેમણે લખ્યું છે કે આ સમાચારથી તેમનું હૃદય દુ:ખી છે.

વિક્રાંત મેસીએ ઇન્સ્ટાગ્રામ સ્ટોરી પર એક પોસ્ટ શેર કરીને લખ્યું છે કે, “આજે અમદાવાદમાં વિમાન દુર્ઘટનામાં પોતાના પ્રિયજનો ગુમાવનારા તમામ પરિવારો માટે મારું હૃદય તૂટી ગયું છે. મારા કાકા ક્લિફોર્ડ કુંદરે તેમના પુત્ર ક્લાઈવ કુંદરને ગુમાવ્યા છે તે જાણીને વધુ દુઃખ થયું. ક્લાઈવ તે જ ફ્લાઇટમાં પ્રથમ ઓપરેટિંગ ઓફિસર હતા.”

પોતાની પોસ્ટના અંતે, વિક્રાંતે લખ્યું, “ભગવાન તમને, તમારા પરિવારને અને બધા અસરગ્રસ્ત લોકોને શક્તિ આપે.” વિમાનમાં સવાર 242 લોકોમાંથી 230 મુસાફરો હતા. તેમાં 2 પાઇલટ અને 10 ક્રૂ સભ્યો હતા.

ગુરુવારે બપોરે 1:39 વાગ્યે ફ્લાઇટે ઉડાન ભરી હતી અને થોડીવારમાં જ ક્રેશ થઈ ગઈ. દુર્ઘટના પછી, વિમાન બીજે મેડિકલ કોલેજના હોસ્ટેલ પર પડ્યું. આ અકસ્માતે સમગ્ર દેશને હચમચાવી નાખ્યો છે.