Bhagat Singh Birth Anniversary: શહીદ ભગત સિંહ પર બનેલી છે આ બોલીવુડ ફિલ્મો, દરેકને પ્રેક્ષકોનો મળ્યો જબરદસ્ત પ્રેમ
આજે, ભગત સિંહની જન્મજયંતિ નિમિત્તે અમે તેમના પર બનેલી ફિલ્મો વિશે જણાવીએ છીએ. આ ફિલ્મો દ્વારા ભગત સિંહનું જીવનચરિત્ર બતાવવામાં આવ્યું છે, તેમજ દેશને આઝાદ કરવા માટે તેમણે જે સંઘર્ષ કર્યો હતો, તે આપણને ફિલ્મોમાં જોવા મળ્યું.
હિન્દી સિનેમામાં દેશભક્તિ પર ઘણી ફિલ્મો બની છે અને જ્યારે પણ દેશભક્તિની વાત આવે છે, ત્યારે ભગત સિંહ (Bhagat Singh)નું નામ સૌથી પહેલા આવે છે. શહીદ ભગતસિંહે 23 વર્ષની ઉંમરે દેશ માટે પોતાનું જીવન બલિદાન આપ્યું હતું.
બોલિવૂડમાં ભગત સિંહ પર ઘણી ફિલ્મો બની છે. આ ફિલ્મો દ્વારા ભગત સિંહનું જીવનચરિત્ર બતાવવામાં આવ્યું છે, તેમજ દેશને આઝાદ કરવા માટે તેમણે જે સંઘર્ષ કર્યો હતો, તે આપણે ફિલ્મોમાં જોવા મળ્યું. ભગત સિંહની જન્મજયંતિ નિમિત્તે અમે તેમના જીવન પર બનેલી ફિલ્મો વિશે જણાવીશું.
શહીદ એ આઝાદ ભગતસિંહ (Shaheed-E-Azad Bhagat Singh)
ભગત સિંહના મૃત્યુના 23 વર્ષ પછી તેમના પર બનેલી આ પહેલી ફિલ્મ હતી. આ ફિલ્મનું નિર્દેશન જગદીશ ગૌતમે કર્યું હતું. ફિલ્મમાં પ્રેમ અબીદ, જયરાજ, સ્મૃતિ બિસ્બાસ અને અશિતા મજુમદાર મુખ્ય ભૂમિકામાં હતા. આ ફિલ્મનું ગીત સરફરોશી કી તમન્ના અબ હમારે દિલ મેં હૈ ખૂબ હિટ થયું હતું.
શહીદ ભગતસિંહ (Shaheed Bhagat Singh)
બીજી ફિલ્મ જે શહીદ ભગત સિંહ પર બની હતી, તે વર્ષ 1963માં રિલીઝ થઈ હતી. આ ફિલ્મનું નિર્દેશન કે એન બંસલે કર્યું હતું. શમ્મી કપૂરે ફિલ્મમાં ભગત સિંહનું પાત્ર ભજવ્યું હતું.
શહીદ (Shaheed)
મનોજ કુમારે (Manoj Kumar) 1965માં આવેલી ફિલ્મ શહીદમાં ભગત સિંહની ભૂમિકા ભજવી હતી. એસ રામ શર્મા દ્વારા નિર્દેશિત આ ફિલ્મને રાષ્ટ્રીય પુરસ્કાર પણ મળ્યો હતો. ફિલ્મમાં લતા મંગેશકર, મુકેશ, મોહમ્મદ રફી અને મન્ના ડેના ગીતો એ વતન, સરફરોશી કી તમન્ના, ઓ મેરે રંગ દે બસંતી ચોલા, પાઘડી સંભલ જટ્ટા હિટ રહ્યા હતા. આજે પણ આ ગીતોની લોકપ્રિયતા અકબંધ છે.
શહીદ એ આઝમ (Shaheed-E-Azam)
વર્ષ 2002માં રિલીઝ થયેલી આ ફિલ્મે ભગતસિંહના સમગ્ર જીવન વિશે જણાવ્યું હતું, જેનું નિર્દેશન સુકુમાર નાયર દ્વારા કરવામાં આવ્યું હતું. સોનુ સૂદે (Sonu Sood) ફિલ્મમાં ભગત સિંહની ભૂમિકા ભજવી હતી.
ધ લેજન્ડ ઓફ ભગતસિંહ (The Legend of Bhagat Singh)
અજય દેવગણે (Ajay Devgn) ફિલ્મમાં ભગત સિંહનું પાત્ર ભજવ્યું હતું. આ ફિલ્મમાં તે વિગતવાર બતાવવામાં આવ્યું છે કે કેવી રીતે ભગતસિંહે ભારતને આઝાદ કરાવવા માટે સંઘર્ષ કર્યો હતો. આ ફિલ્મનું દિગ્દર્શન રાજ કુમાર સંતોષીએ કર્યું હતું. ધ લેજન્ડ ઓફ ભગત સિંહને બેસ્ટ ફિચર ફિલ્મનો રાષ્ટ્રીય પુરસ્કાર મળ્યો હતો, જ્યારે અજયને બેસ્ટ અભિનેતાનો રાષ્ટ્રીય પુરસ્કાર મળ્યો હતો.
આ પણ વાંચો:- Sardar Udham Singh Teaser: વિક્કી કૌશલ સ્ટારર ‘સરદાર ઉધમ સિંહ’ નું ટીઝર રિલીઝ, જબરદસ્ત લુકમાં દેખાયા અભિનેતા
આ પણ વાંચો:- જ્યારે Rekhaએ ઐશ્વર્યા રાયને લખ્યો પત્ર, કહી એવી વાત જાણીને તમને થશે આશ્ચર્ય
Latest News Updates
