Laal Singh Chaddha Trailer : આ દિવસે આવશે આમિર ખાન અને કરીના કપૂરની ફિલ્મનું ટ્રેલર, IPL ફાઈનલની મજા બમણી થશે

જાહેરાત કરવામાં આવી છે કે ફિલ્મ 'લાલ સિંહ ચઢ્ઢા'(Laal Singh Chaddha)નું ટ્રેલર ક્યારે આવશે અને ફિલ્મ ક્યારે રિલીઝ થશે? ઘણા સમયથી ચાહકોના મનમાં એક સવાલ હતો, હવે આમિરના ચાહકોની રાહનો અંત આવશે.

Laal Singh Chaddha Trailer : આ દિવસે આવશે આમિર ખાન અને કરીના કપૂરની ફિલ્મનું ટ્રેલર, IPL ફાઈનલની મજા બમણી થશે
આ દિવસે કરીના કપૂર અને આમિર ખાનની ફિલ્મનું ટ્રેલર આવશે
Image Credit source: Instagram
TV9 GUJARATI

| Edited By: Nirupa Duva

May 21, 2022 | 3:36 PM

Laal Singh Chaddha Trailer : મિસ્ટર પરફેક્શનિસ્ટ તરીકે જાણીતા બોલિવૂડ સુપરસ્ટાર આમિર ખાન ટૂંક સમયમાં લાલ સિંહ ચઢ્ઢા (Laal Singh Chaddha) ફિલ્મ લઈને આવી રહ્યા છે. આવી સ્થિતિમાં આમિર ખાન (Aamir Khan)ના ચાહકો ખૂબ જ ખુશ છે. આમિર ખાન આ ફિલ્મને લઈને ઘણા સમયથી ચર્ચામાં હતો. આ ફિલ્મમાં આમિર સાથે કરીના કપૂર ખાન પણ મુખ્ય ભૂમિકામાં છે. આ ફિલ્મના ટ્રેલરને લઈને નવી માહિતી સામે આવી છે. જાહેરાત કરવામાં આવી છે કે ‘લાલ સિંહ ચઢ્ઢા’ ફિલ્મનું ટ્રેલર ક્યારે આવશે અને ફિલ્મ ક્યારે રિલીઝ થશે? ઘણા સમયથી ચાહકોના મનમાં એક સવાલ હતો, હવે આમિરના ચાહકોની રાહનો અંત આવશે. ખાસ વાત એ છે કે IPLના ફિનાલે દરમિયાન આમિરની ફિલ્મનું ટ્રેલર પણ સામે આવશે.

આ દિવસે કરીના કપૂર અને આમિર ખાનની ફિલ્મનું ટ્રેલર આવશે

ફિલ્મ ટ્રેડ એનાલિસ્ટ તરણ આદર્શે આ અંગેની માહિતી આપી છે, તેમણે એક ટ્વીટ કરીને જણાવ્યું કે, આમિર ખાનની ફિલ્મ ‘લાલ સિંહ ચઢ્ઢા’નું ટ્રેલર IPLના ફિનાલેના દિવસે રિલીઝ કરવામાં આવશે. આવી સ્થિતિમાં રવિવાર 29 મે 2022ના રોજ ફિલ્મનું ટ્રેલર દર્શકોની સામે આવશે. તે જ સમયે, 11 ઓગસ્ટ, 2022 ના રોજ, આ ફિલ્મ સિનેમાઘરોમાં આવશે.

તરણ આદર્શની પોસ્ટ અહીં જુઓ

તમને જણાવી દઈએ કે, આ પહેલા આમિરની ફિલ્મનું એક ગીત પણ રિલીઝ થયું હતું. લાલ સિંહ ચઢ્ઢા ફિલ્મનું પહેલું ગીત (First Song Kahaani) કહાની દર્શકોની સામે રજૂ કરવામાં આવ્યું હતું. આ ફિલ્મ 11 ઓગસ્ટ, 2022ના રોજ દેશભરના સિનેમાઘરોમાં રિલીઝ થશે. લાલ સિંહ ચઢ્ઢાનું આ ગીત પ્રિતમે કમ્પોઝ કર્યું છે, ગીતના શબ્દો અમિતાભ ભટ્ટાચાર્યના છે અને કહાનીના પ્રથમ ગીતમાં મોહન કન્નને પોતાનો મધુર અવાજ આપ્યો છે.

આ સિવાય ફિલ્મનું બીજું ગીત થોડા દિવસો પહેલા આવ્યું છે આ ગીતમાં સોનુ નિગમે પોતાનો અવાજ આપ્યો છે.

આમિર ખાન પ્રોડક્શનના બેનર હેઠળ નિર્મિત આ ફિલ્મમાં આમિર અને કરીના કપૂર ખાન સિવાય મોના સિંહ અને ચૈતન્ય અક્કીનેની પણ છે. લાલ સિંહ ચઢ્ઢા એક હૃદય સ્પર્શી સ્ટોરી છે. આ ફિલ્મ એરિક રોથની મૂળ વાર્તા છે. તેનું ભારતીય રૂપાંતરણ અતુલ કુલકર્ણી દ્વારા કરવામાં આવ્યું છે અને અદ્વૈત ચંદન દ્વારા દિગ્દર્શિત કરવામાં આવ્યું છે.

Follow us on

Related Stories

Most Read Stories

Click on your DTH Provider to Add TV9 Gujarati