Punjab Assembly Election: CM ચન્નીએ લોકોને આપી ભેટ, પંજાબમાં વીજળી 3 રૂપિયા સસ્તી થઈ
ચરણજીત સિંહ ચન્નીની (Charanjit Singh Channi) આગેવાની હેઠળની કોંગ્રેસ સરકારે વીજળીના દરમાં પ્રતિ યુનિટ રૂ. 3નો ઘટાડો કર્યો છે. પાર્ટીએ તેના સત્તાવાર ટ્વિટર હેન્ડલ પર સીએમ ચન્નીની ઘણી જાહેરાતો શેર કરી છે.
પંજાબમાં વિધાનસભા ચૂંટણી 2022 (Punjab Assembly Elections 2022) પહેલા, ચરણજીત સિંહ ચન્નીની (Charanjit Singh Channi) આગેવાની હેઠળની કોંગ્રેસ સરકારે વીજળીના દરમાં પ્રતિ યુનિટ રૂ. 3નો ઘટાડો કર્યો છે. પાર્ટીએ તેના સત્તાવાર ટ્વિટર હેન્ડલ પર સીએમ ચન્નીની ઘણી જાહેરાતો શેર કરી છે. તેમાં સરકારી કર્મચારીઓના મોંઘવારી ભથ્થા (DA) અને ખેડૂતો માટે લેવાયેલા પગલાંનો સમાવેશ થાય છે. થોડા દિવસો પહેલા સીએમ ચન્નીએ તમામ ગૌશાળાઓના વીજ બિલ માફ કરવાનો નિર્ણય લીધો હતો. તેમણે જાહેરાત કરી હતી કે સોલાર સિસ્ટમ લગાવવા માટે તમામ ગૌશાળાઓને 5 લાખ રૂપિયા આપવામાં આવશે.
The Congress Government in Punjab has reduced the electricity tariffs by three rupees per unit.#CongressHiAyegi #SarbatDaBhala pic.twitter.com/k4wWOcG8sF
— Punjab Congress (@INCPunjab) January 16, 2022
યુવાનોને રોજગારી આપવાનું વચન આપતા મુખ્યમંત્રીએ કહ્યું હતું કે જો પાર્ટી ફરી સત્તામાં આવશે તો તે એક વર્ષમાં એક લાખ યુવાનોને નોકરી આપશે અને તેમને વિદેશ જવા માટે મદદ કરવા માટે એક કાર્યક્રમ પણ ચલાવશે. તેમણે એક ખાનગી યુનિવર્સિટીમાં યુવાનો માટે રોજગાર ગેરંટી યોજના શરૂ કર્યા પછી કહ્યું હતું કે 12મા ધોરણમાં પાસ થયેલા યુવાનો નોકરી માટે લાયક હશે. સરકાર બન્યાના એક વર્ષની અંદર નોકરી આપવામાં આવશે.
કોંગ્રેસે ઉમેદવારોની પ્રથમ યાદી જાહેર કરી
કોંગ્રેસ પાર્ટીએ શનિવારે આગામી વિધાનસભા ચૂંટણી માટે ઉમેદવારોની પ્રથમ યાદી જાહેર કરી છે. આ યાદીમાં 86 ઉમેદવારોના નામ સામેલ છે. પંજાબમાં 14 ફેબ્રુઆરીએ ચૂંટણી પ્રસ્તાવિત છે. જ્યારે 10 માર્ચે મતગણતરી હાથ ધરાશે. રાજ્યના મુખ્યમંત્રી ચન્ની ફરી એકવાર ચમકૌર સાહિબ વિધાનસભા બેઠક પરથી ઉમેદવાર બનશે. જ્યારે પ્રદેશ કોંગ્રેસ અધ્યક્ષ નવજોત સિંહ સિદ્ધુ અમૃતસર પૂર્વથી ચૂંટણી લડશે. બીજી તરફ નાયબ મુખ્યમંત્રી સુખજિંદર સિંહ રંધાવા તેમની વર્તમાન સીટ ડેરા બાબા નાનકથી ચૂંટણી લડશે.
માત્ર 9 મહિલાઓને ટિકિટ મળી
પંજાબ કોંગ્રેસે 86માંથી માત્ર 9 બેઠકો પર મહિલાઓને ટિકિટ આપી છે. જોકે, એવો દાવો કરવામાં આવ્યો હતો કે 40 ટકા સીટો પર મહિલાઓને આગળ કરવામાં આવશે. આ ઉપરાંત યુથ કોંગ્રેસના ચાર ઉમેદવારો બરિન્દર ધિલ્લોન, બ્રહ્મ મોહિન્દ્રાના પુત્ર મોહિત મોહિન્દ્રા, અમરપ્રીત લલ્લી અને પૂર્વ પ્રદેશ કોંગ્રેસ સમિતિના પ્રમુખ સુનીલ જાખડના ભત્રીજા સંદીપ જાખડને પણ ટિકિટ આપવામાં આવી છે. ઉપરાંત બે સાંસદોના પુત્રો ડૉ. અમર સિંહ અને ચૌધરી સંતોખ સિંહ પણ આ યાદીમાં સામેલ થયા છે.
આ પણ વાંચો : Uttarakhand Election 2022: સમાજવાદી પાર્ટીએ ઉમેદવારોની પ્રથમ યાદી જાહેર કરી, જાણો કોણ ક્યાંથી ચૂંટણી લડશે
આ પણ વાંચો : Republic Day 2022: હવે 23 જાન્યુઆરીથી શરૂ થશે ગણતંત્ર દિવસની ઉજવણી, જાણો કારણ
