Karnataka Election: હવે PM મોદીની ફરિયાદ લઈને ચૂંટણી પંચ પહોંચી કોંગ્રેસ, કહ્યું- કાર્યવાહી કરો
કર્ણાટક વિધાનસભા ચૂંટણીમાં મુખ્ય લડાઈ ભાજપ અને કોંગ્રેસની રહી છે. બંને મોટા રાજકીય પક્ષોએ સત્તા મેળવવામાં કોઈ કસર છોડી નથી. એકબીજા પર આરોપો લગાવવામાં આવ્યા છે.
કર્ણાટક વિધાનસભા ચૂંટણી માટે મતદાનના એક દિવસ પહેલા કોંગ્રેસે ચૂંટણી પંચનો સંપર્ક કર્યો છે. તેમણે વડાપ્રધાન નરેન્દ્ર મોદી સામે કાર્યવાહી કરવાની માંગ કરી છે. આચારસંહિતા ભંગને લઈને આ માંગણી કરવામાં આવી છે. આ પહેલા ભાજપે ચૂંટણી પંચને સોનિયા ગાંધીના સાર્વભૌમત્વના નિવેદન પર કાર્યવાહી કરવા કહ્યું હતું, ત્યારબાદ પંચે કોંગ્રેસ અધ્યક્ષ મલ્લિકાર્જુન ખડગેને નોટિસ પાઠવીને જવાબ માંગ્યો હતો.
આ પણ વાચો: Karnataka Election: કર્ણાટકમાં પ્રચાર પડઘમ શાંત, ભાજપે 9125 સભાઓ કરી, આ નેતાઓએ કરી આટલી સભાઓ
કોંગ્રેસના મહાસચિવ રણદીપ સુરજેવાલાએ પણ ફરિયાદ પત્ર ટ્વીટ કર્યો છે. તેમણે પીએમ મોદીના ટ્વિટર હેન્ડલ પરથી પોસ્ટ કરાયેલા વીડિયો મેસેજ અને બીજેપી નેતાઓના લાઈવ ઈન્ટરવ્યુનો ઉલ્લેખ કર્યો છે. કોંગ્રેસનું કહેવું છે કે ચૂંટણી પંચે આ પર તાત્કાલિક ધ્યાન આપવું જોઈએ અને પીએમ મોદી સિવાય અમિત શાહ, જેપી નડ્ડા, યોગી આદિત્યનાથ અને બીજેપી વિરુદ્ધ યોગ્ય કાર્યવાહી કરવી જોઈએ.
સંબંધિત સભ્યપદ માટે અયોગ્ય ગણાશે
કોંગ્રેસનું કહેવું છે કે જો આ નેતાઓને જનપ્રતિનિધિત્વ અધિનિયમની કલમ 126 હેઠળ દોષિત ઠેરવવામાં આવશે તો તેઓ સંસદ તેમજ વિધાનસભામાં તેમના સંબંધિત સભ્યપદ માટે અયોગ્ય ગણાશે. વિધાનસભા ચૂંટણીના એક દિવસ પહેલા કર્ણાટકમાં ભાજપ સરકારની વાપસી માટે મજબૂત પિચ બનાવતા, વડાપ્રધાન નરેન્દ્ર મોદીએ મંગળવારે કહ્યું હતું કે છેલ્લા કેટલાક દિવસોમાં રાજ્યમાં તેમને જે સ્નેહ મળ્યો છે તે અપ્રતિમ છે અને તેણે સંકલ્પને મજબૂત કર્યો છે.
શું વડાપ્રધાનને કોઈ કાયદો લાગુ પડે છે: કોંગ્રેસે પુછ્યા સવાલ
રણદીપ સિંહ સુરજેવાલાએ કડક શબ્દોમાં કહ્યું છે કે પીએમ મોદી દ્વારા ચૂંટણી કાયદા અને આચારસંહિતાના કથિત ઉલ્લંઘનને કારણે ચૂંટણી સંસ્થા “લિટમસ ટેસ્ટ”નો સામનો કરી રહી છે. તેમણે પ્રશ્ન કર્યો કે શું કાયદો વડાપ્રધાન પર લાગુ થાય છે કે નહીં. ચૂંટણી પંચ માટે આ એક લિટમસ ટેસ્ટ છે. વાસ્તવમાં, કર્ણાટક વિધાનસભા ચૂંટણીમાં મુખ્ય લડાઈ ભાજપ અને કોંગ્રેસની રહી છે. બંને મોટા રાજકીય પક્ષોએ સત્તા મેળવવામાં કોઈ કસર છોડી નથી. એકબીજા પર આરોપો લગાવવામાં આવ્યા છે. આવતીકાલે બુધવારે રાજ્યમાં મતદાન થવાનું છે અને મતગણતરી 13 મેના રોજ થશે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
દેશના તમામ સમાચાર વાંચવા માટે જોડાયેલા રહો…