વિધાનસભા ચૂંટણી પર કોરોનાનું ગ્રહણ, ચૂંટણી પંચ રેલીઓના નિયમો કડક કરી શકે છે, મતદારોને મળશે છૂટ
મીડિયા રિપોર્ટ્સ અનુસાર, ચૂંટણી પંચ પાંચ રાજ્યોમાં 10 થી 13 જાન્યુઆરી દરમિયાન યોજાનારી વિધાનસભા ચૂંટણીની તારીખોની જાહેરાત કરી શકે છે.
આ વર્ષે પાંચ રાજ્યો ઉત્તર પ્રદેશ, ઉત્તરાખંડ, પંજાબ, ગોવા અને મણિપુરમાં વિધાનસભાની ચૂંટણી (Assembly Elections) યોજાવા જઈ રહી છે. ઉત્તર પ્રદેશ (Uttar Pradesh) વિધાનસભાનો કાર્યકાળ મે 2022 માં સમાપ્ત થાય છે, જ્યારે અન્ય ચાર રાજ્યોની વિધાનસભાઓનો કાર્યકાળ માર્ચ 2022 માં અલગ-અલગ તારીખે સમાપ્ત થાય છે. કોરોના (Corona Virus) અને તેના નવા વેરિઅન્ટ ઓમિક્રોનને (Omicron Variant) કારણે દેશભરમાં સ્થિતિ વધુ ખરાબ થઈ રહી છે.
આ સ્થિતિને ધ્યાનમાં રાખીને, ભારતીય ચૂંટણી પંચ (Election Commission) પાંચ રાજ્યોમાં ચૂંટણી દરમિયાન કોવિડ પ્રોટોકોલને વધુ કડક કરી શકે છે. આ સિવાય પંચ ચૂંટણી રેલીઓના નિયમોને પણ કડક કરી શકે છે. પંચે કહ્યું છે કે, વિધાનસભા ચૂંટણી દરમિયાન અધિકારીઓ અને કર્મચારીઓને રસીકરણ (Vaccination) કરાવવું જરૂરી રહેશે.
આ સિવાય, ચૂંટણીના અધિકારને કારણે મતદારો પર રસીકરણની ફરજિયાત આવશ્યકતા પંચ લાદશે નહીં. હાલમાં મુખ્ય ચૂંટણી કમિશનર સુશીલ ચંદ્રાના નેતૃત્વમાં બેઠક ચાલી રહી છે. બેઠક બાદ, કમિશન બુધવારે યુપી, ઉત્તરાખંડ અને પંજાબ સહિત પાંચ રાજ્યો સાથે નવા કોવિડ પ્રોટોકોલ પર ચર્ચા કરી શકે છે.
ચૂંટણીની તારીખો ટૂંક સમયમાં જાહેર થઈ શકે છે
મીડિયા રિપોર્ટ્સ અનુસાર, ચૂંટણી પંચ પાંચ રાજ્યોમાં 10 થી 13 જાન્યુઆરી દરમિયાન યોજાનારી વિધાનસભા ચૂંટણીની તારીખોની જાહેરાત કરી શકે છે. તેમજ 2017માં યોજાયેલી વિધાનસભાની ચૂંટણીની તારીખોની જેમ આ વખતે પણ 2022માં ફેબ્રુઆરી અને માર્ચના પ્રથમ સપ્તાહમાં ચૂંટણી પૂર્ણ થઈ શકે છે.
આ મુજબ યુપીમાં આ વખતે 7 થી 8 તબક્કામાં ચૂંટણી યોજાઈ શકે છે. એવું કહેવામાં આવી રહ્યું છે કે 5 જાન્યુઆરી સુધી મતદાર યાદીની સમીક્ષા કરવાની છેલ્લી તારીખ છે, એવું અનુમાન લગાવવામાં આવી રહ્યું છે કે 5 જાન્યુઆરી પછી માત્ર ચૂંટણીની તારીખો જ નહીં જાહેર થાય, પરંતુ ચૂંટણી પહેલા આદર્શ આચારસંહિતા પણ લાગુ કરવામાં આવશે.
કમિશન રસીકરણની ઝડપ અંગે ચિંતિત
ચૂંટણી પંચ 5 ચૂંટણી રાજ્યોમાં કોરોના વાયરસ સામે રસીકરણની ગતિથી ચિંતિત છે. એવું કહેવામાં આવી રહ્યું છે કે ચૂંટણી પંચે પાંચ ચૂંટણી રાજ્યોના મુખ્ય સચિવોને પત્ર લખીને રાજ્યોમાં કોરોના રસીકરણની ઝડપ વધારવાનો નિર્દેશ આપ્યો છે. આ સાથે, મણિપુરમાં કોરોના રસીના પ્રથમ ડોઝને લાગુ કરવાના ઓછા દર પર પણ ચિંતા વ્યક્ત કરવામાં આવી છે. મુખ્ય ચૂંટણી કમિશનર સુશીલ ચંદ્રાએ થોડા સમય પહેલા કહ્યું હતું કે, ઉત્તર પ્રદેશના તમામ રાજકીય પક્ષો રાજ્યની આગામી વિધાનસભા ચૂંટણી સમયસર કરાવવા માંગે છે.
આ પણ વાંચો : ચીનનુ જૂઠ્ઠાણું ખુલ્લુ પડ્યુ, ગલવાન ખીણમાં ભારતીય સૈન્ય જવાનોએ લહેરાવ્યો ત્રિરંગો, સેનાએ જાહેર કરી તસવીર
આ પણ વાંચો : Delhi Corona Update: દિલ્હીમાં 5,500 નવા કેસ, સંક્રમણ દર 8.5 ટકા, સ્વાસ્થ્ય મંત્રીએ આપી જાણકારી
Latest News Updates
